NREGS thawk dawn hnai: Pu V. Lalsangliana Project Director DRDA chuan tunah hian NREGS inhlawhna ni 10 BDO lamah pekchhuah a nih tawh thu a sawi. Hetih lai hian Theiriat erawh pek chhuah a la nih loh thu a sawi a, Account an la neih loh vang niin a sawi. Tunah hian Account nei hmasa apiang pek hmasak zel an nih tur thu sawiin, tunah chuan Central lam atanga Online veka thil tih a nih avangin Account neih vek a tul a ni a ti bawk.
September thla thleng hian Ni 50 tal inhlawhna pek chhuah hman tum a ni a, hei vang hian Account la nei lo te pawhin a ranglama Account nei vek turin a duh thu a sawi bawk.
September thla thleng hian Ni 50 tal inhlawhna pek chhuah hman tum a ni a, hei vang hian Account la nei lo te pawhin a ranglama Account nei vek turin a duh thu a sawi bawk.
Rs 1,74,000/- man hu zu leihbua: Nimin khan YMA Sub-Hqrs. Office kawtah SADS(L) ten Sap zu um 180 an man leh Zu pangngai um 440 an leihbua. Zu leihbuak hma hian inkhawm tawi buatsaih a ni a, he hun hi Pu Lalfakzuala YMA Sub-Hqrs. Secy. chuan kaihruaiin, Pu P. Lalhmangaihzuala President YMA Sub-Hqrs. chuan zu-te hi a leihbaw hmasa a, he mi hnu hian a za vai hian leihbuak a ni ta a ni. Sapzu um hi Rs. 1,08,000/- man hu leh rakzu hi Rs. 66,000/- man hu a ni a, a zavai hian Rs. 1,74,000/- man hu an leihbua a ni.
Motor 9954 register tawh: August thla chhung khan DTO Lungleiah Motor Register zawng zawng 204 a ni a, tunah hian Motor Register tawh chu MZ-02-9954 a nih tawh thu Pu CC. Lalchhuangkima DTO chuan a sawi bawk. September thla chhung hi chuan MZ-02 A tlin hman ngei a rinthu a sawi.
August thla chhung Excise report: August thla chhung khan Lunglei Excise & Narcotics Squad te chuan Rakzu 864.565litre, Fermented Rice 16, Pots 16, Sap zu (Rum) 750ml Bottle 22 leh a lose bottle hnih, Ganja Kg 11.230g, Proxyvon mum 1809, Parvon Spas mum 19929 leh a pawisa-in Rs. 4750/-, Taxi pahnih leh Nitro gepum mum 40 an man a, heng an thil man hu zawng zawng hi Rs. 4,77,145/- a ni. Heng atang hian Mihring 59 manin, Case 47 an siam bawk.
Lungleiah August thla chhungin Case 37 register: Lunglei Police Station-ah August thla chhung khan Case 37 Register a ni. Heng zingah hian rukruk case a tam ber a, Case 20 Register a ni a, Bulgary-9, Motor Accident - 1, Extortion - 1, Ganja - 1, Attemp to Murder - 1, Hurt - 1 heng ahte hian case siam an ni a, Kumin chhung hian Case 198 Register a ni tawh a, case 185 chinfel ni tawhin, tunah hian case pending 13 a awm mek bawk.
