Hlimthla

Pu. LT. Zohranga (Valbuanga) Cartoon ziak thenkhat kan en ho mai mai atan ka han tarchhuak e

Zobawkah a thlawna in entirna Health Camp buatsaih

    Nimin khan NRHM hnuai a buatsaih a thlawna inentirna Tawipui S' PHC ah neih a ni. He a thlawna inentirna Public Information campaign puala buatsaih ah hian Lunglei Civil Hospital atangin Dr.C. Lalhlimpuii Medical officer leh a hoten damlote hi an en a, damlo thahnem tak enin pum ulcer leh zunkawng tha lo chu natna tamber hmuhchhuah a ni.  S.Laldingliana Parliamentary Secretary pawhin he a thlawna inentirna hi a hmun ah kal in a tlawh a, damlo harsa zual thenkhat chu pawisa faiin a tanpui nghal bawk a ni.

Zobawkah Public Information Campaign neih a ni

http://dipr.mizoram.gov.in

Public Information Campaign thawh 2-na chu Tawipui ‘S’ Community hall ah neih a ni a. Khuallian S Laldingliana Parliamentary Secy. chuan Photo Exhibition hawngin Inkhawm tan nghal a ni a, he inkhawm hi Pu L.Ch. Sailo Director AIR Aizawl in a kaihruai a, khuallian chuan PIC hawnna a neih zawhah thu sawiin  India sorkarin miretheite thleng phak tur scheme chi hrang hrang a siam chu khaw hrang hrang ten an chhawr tangkai zel a, Public Information Campaign awmzia ber chu mirethei leh harsa te India sawrkarin khaichhuah a tumna kawng hrang hrang puanzar na a ni tiin mipui ten kan tana sorkar hmalakna JNNURM, NRHM, RGGVY, ect te kan hriat chian loh chuan  atangkai tur angin kan chhawr tangkai thei lovang a ti.

Public Information Campaign kal zel Sorkar hmalakna mipui ten an zawhfiah.

Public Information Campaign thawh 2-na chu Tawipui ‘S’ Community hall ah neih a ni a. Khuallian S Laldingliana Parliamentary Secy. chuan Photo Exhibition hawngin Inkhawm tan nghal a ni a, he inkhawm hi Pu L.Ch. Sailo Director AIR Aizawl in a kaihruai a, khuallian chuan PIC hawnna a neih zawhah thu sawiin  India sorkarin miretheite thleng phak tur scheme chi hrang hrang a siam chu khaw hrang hrang ten an chhawr tangkai zel a, Public Information Campaign awmzia ber chu mirethei leh harsa te India sawrkarin khaichhuah a tumna kawng hrang hrang puanzar na a ni tiin mipui ten kan tana sorkar hmalakna JNNURM, NRHM, RGGVY, ect te kan hriat chian loh chuan  atangkai tur angin kan chhawr tangkai thei lovang a ti.

$ 500,000 hlawhin Kelly Brook in thla a la dawn

Playboy magazine in an sawmna a pawm tak avangin Kelly Brook (30) chuan tun thla tawp lam hian Mediterranean tuipui kamah he magazine a nem kai tur hian thla a la dawn. A hlawh pawh a chhe dawn lo hle a, dollar 500,000 zet a tling dawn a ni. Rugby Star Danny Cipriani nena in date mek, Kelly hi film lamah pawh a awl chuang lova, hlauhawm film 'Piranha' ah chang in a chhuak tep bawk a ni.Kelly thupuangtu chuan, khawvela hmeichhe duhawm berte zinga mi Kelly hian hetianga Playboy in a thlalak an duh hi tha a ti a, khawvel huap a lar magazine-a a thla chuan tir hi a remti a ni, a ti.

Bollywood film Raajneti a che hit tan khawp mai!

Kumin chu bollywood film che tha a awm ta nual mai, hei, Prakash Jha film 'Raajneeti' pawh an tihchhuah atanga chawlhkar khat chhungin cheng vaibelchhe 62 zet sum a hui lut leh ta reng mai. Cheng vaibelchhe 45 vel senga film siam a ni a, karkhat chhungin senso chu a hmuchhuak daih tawh tihna a ni. India ramchhung hmun 1900 zetah tihchhuah a ni a, chuta tang chuan cheng vaibelchhe 51 lalutin ram pawn hmun 300 a tihchhuah atangin vaibelchhe 10.5 a lalut a ni.

    Bollywood star lar tak tak Nana Patekar, Naseeruddin Shah, Ajay Devgn,Manoj Bajpai te ho bakah model atanga acting lama kal Arjun Rampal pawh a tel a,Ranbir Kapoor leh Katrina Kaif te pawh.

Vuantea Music Video thar tur, “Tui chhoh luan” tlangzarh tep tawh

    Vuantea Music video “Tui chhoh luan” tih chu tun thla tawp hian tlangzarh hman beisei a ni. “Tui chhoh luan” tih hi PHE department nen a an siam a niin, PHE lam hian a Copy Right nen an lei dawn nia thudawn a ni.Vuantea chuan Hla thu awmzia sawifiahin, tunlai ah thiamna a sang tawh a kan hman lai hla thenkhat a tui a chhoh luan hma chuan kan tih thin te khan a tak thleng thei ah kan ngai lova, tunah erawh chuan Tuichhoh luan hmangin kan ei leh in mai bakah kan nitin nun a tul hrang hrang hmangin kan khawsa mek a ni a ti. 

LDSC hruaitu thar July ni 2-ah thlan thar a ni dawn

    Vawiin ni 23, June chhun khan DC Office chamber-ah Lunglei District Sports Committee (LDSC) chuan meeting neiin, LDSC hruaitu thar thlan (General Election) neih dan tur chungchang an rel a, General Election hi July ni 2 kar leh zirtawpni hian DC Conference Hall-ah neih nise tih a ni a, inthlan kaihhruai tur hian MJA Lunglei sawm nise an ti. LDSC hruaitu hi Chairman tih loh post dang pawh thlan vek tur a ni tawh dawn a, post thlan turte hi Vice Chairman, Secretray, Asst. Secretary leh Treasurer te a ni.

January thla atanga June ni 22, 2010 thleng Case 124 Lunglei P/S-ah register tawh

    Vawiin khan Pu Vanlalliana MPS, SDPO Lunglei chuan a Office-ah tualchhung chanchinthar lakhawmtute kawmin thingpui a inpui a,  Pu Vanlalliana hian 31st March 2010 khan Lunglei SDPO hna hi a rawn zawm a ni.
    SDPO hian Lunglei khawpui chhung leh pawn lamah kawng hrang hrangin siam that tul a tih thu a sawi a,  dan leh thupek kenkawh chungchangah hian chhung lam atanga siam tha tur chuan kohhran hote awngtai puitu an neih thu sawiin, pawn lam atanga siam tha tur hian chanchinbumite chu theihtawp chhuaha an mahni thawhpui turin a sawm a ni.

Ruk ruk hmang pathum, Lunglei Police ten an man

Tunthla June ni 17 zana Bazar Veng Salvation Kohhran Tawtawrawt (Saxaophone) pahnih, DVD leh Alluminium thleng 15 ru botu Robert Lalremruata (25) S/o K. Thankhuma (L) chu Lunglei Police te chuan vawiin khan an man.
    Robert-a hian heng a thil ruk zinga Tawtawrawt lian zawk hi vaithirchhe zawng Tosil Ali hnenah Rs. 210/- in a dahkham a, hmuh let leh a ni. Tosil Ali thirchhe zawng pawh hi Lunglei Police te chuan thuzawhfiah turin Police Station-ah an la nghal a ni. Robert-a hian Bazar Veng Salvation Army Biak In-a thilru tur hian Meter box chunga chahbi dah chu la chhuakin Biak-in hi a rawk ta a ni. A mah pawh hi a hma chuan salvation Army Band-ah hian a lo tel ve tawh thin a ni.

Mizo Professional Footballer Didika leh Jeje-a te kawmna neih a ni

    Vawiin khan LDFA hruaitute chuan Lunglei Press Club-ah Mizo Professional Footballer  pahnih R. Lalrindika leh leh Jeje Lalpekhlua season chawlh hmanga lo hawte kawmna an nei a, he hun hi MJA Lunglei pawhin a hmanpui a ni.
    R. Lalrindika hi Pu. Rohmingthanga Ralte Electric veng fapa a ni a, ani hi India ram Club hlun leh lar Churchil Brothers-a khel lai a ni a, Churchil Brothers hi I-League-ah pawh season hmasa lamah khan Champion niin, Season liam ta khan pahnihna an ni nghe nghe a ni. Didika hi a khelhna Club tan hian player tangkai tak niin, left leh right winger-ah a tlan thin a,India ram aiawhin, foreign ram hrang hrang 15 velah football khelin a lo fehchhuak tawh a ni. Didika hi Churchil Brothers-ah hian a khelhna a la rei lutuk lovin Churchil Brothers tan hian goal 1 a thun tawh nghe nghe a ni. 

Daniel Craig an Bond role bakah role dang a chan belh dawn

James Bond a chang mek Daniel Craig chuan, role pawimawh tak chan tur a nei leh dawn a, Hollywood in 'The Girl With the Dragon Tattoo' a siam turah a changtupa berah an hmang dawn niin website thenkhatah tarlan a ni a, a chiang tawh angin an ziak nghe nghe. Hetih lai hian Brad Pitt chang tur anga ziak pawh a la awm tho a, chuvangin an la thlang fel chiah lo pawh a ni maithei bawk.   

Swedish ziaktu lar Stieg Larsson a lehkhabu ziak behchhana chan tur a ni dawn a, Sweden-ah chuan a film hi siam a lo tawh hlawm a, a hlawhtling a, chuvangin Bollywood lamin khawvel huapin an siam veleh dawn a ni.  

Lunglei Government College SEU Anniversary lawm dawn

Lunglei Government College chuan tunkar Zirtawpni, Ni 25, June chhun leh zan hian Student Evangelical Union Lunglei Govt College 20th Anniversary Celebration Cum Crusade, Saikuti Hall-ah an buatsaih dawn a, Speaker-ah Rev. Rodinmawia Ralte, Lecturer AICS chu hman tum a ni. He hunah hian khuallian atan Dr. R. Lalthangliana, MLA a ni ang. He hunah hian Lunglei Govt. College zirlai lo ni tawh zawng zawngte tel theuh turin an sawm a, zan lam prog-ah pawh mipui a duh apiang tan chhim theih anih thu an sawi bawk.

Nimin atanga NDRF te training pek tur thulh leh thut a ni

    Central YMA leh Disaster Management & Rehabilitation Department tangkawpin ni 21 - 23 June 2010 nimin atanga Art & Culture Auditorium-ah Lungleiah Training an buatsaih tur chu thulh a ni.

    He training buatsaih tur thulh anih chhan chungchang kan palai chuan chhui nghalin, DM&R, DC Office-ah thil awmzia a zawtfiah a. DM&R a thawktute chuan, training petu turte hi 1st Bn. NDRF (National Disaster Respond Force) Guwahati te an niin, YMA lamin an lo Response danah thil fuh tawk lo awm nia thu an dawn thu an lo hrilh a. Amaherawhchu, thil awmdan zawt chiangin, Director Disaster Management Mizoram Pu. V. Sapchhunga pawh telephone hmanga biakpawh a ni a. Pu. V. Sapchhunga chuan, “1st Bn. NDRF (National Disaster Respond Force) Guwahati te hian Assam-ah tuilian an tuar avangin an haw leh nghal hmanhmawh a, chuvang chuan nei ta lo niin niin an insawi ” a ti.

Mizoramah BPL List tam tak zingah RSBY kalpui nan R & D BPL Lish chiah hman a ni dawn

Vawiin khan Synod Conference Hall Chanmari-ah Mizoram State Health Care Scheme (MSHCS) leh Rashtriya Swasthya Bima Yojana (RSBY) inkawp kalpui fan chungchang zirhona Medical department-a thawktu hrang hrangte pualin neih a ni.
    He Training ah hian CHC atangin Medical Officer pakhat theuh leh SDH, PHC tin atangin Health Supervisor, MC atangin Health Worker pakhat zel, CS Pakhat atangin Account Clerk te an tel a ni. He hun hi Dr. F. Lallianhlira Chief Medical Officer in kaihruai a, khawvelah hian natna hrang hrang in min tlakbuak laiin, hrisel tha kan nih a ngai a, kan changkan theihna tur chuan hriselna hi a pawimawh a, miretheite tan hrisel a harsat avangin Central pawhin he Scheme hi a ngaipawimawh em em a, chuvang chuan he RSBY pawh hi a duang a ni ti.

Power renchem taka hman hi kan mawhphurhna a ni

    “The Greatest Show on Earth” an tih hial Fifa World Cup 2010 chu South Africa hmunah khelh mek a ni tih kan hre theuhva mitin deuhtawhin inkhel en loh kan hlauin, inkhel kan en duh hunah tak, power supply kan nei lovang tih kan hlau theuh awm e.
    Mizoram dinhmun kan hria a, power supply-ah kan intodelh loh avangin, phai lam atangin kan chawlut a, phai lama kan chawkluhna ten engemaw vang hleka power min pek theih zat an tihhniam chuan kan buai nghal derin, in enchhawkte kan ngai hial thin anih kha.
    Thal a lo ni a, ruahtui a tlak loh laiin tui a kam a, kan power mamawh khawp chawlut turin harsatna kan nei a, chutih rualin Mizoram atanga tlemte kan tharchhuah ve pawh a lo tlahniamleh thin a, in enchhawk angai leh fo thin bawk. Chutiang bawkin, fur ruahtui a lo tla a, engemaw changa thli tleh avangin power kan lakluhna, ramchhung leh pawnah a chhe ve  fo a, heng zawng zawng avangtea power ka

Jackie Chan a lo let leh ta. Karate Kid-ah Jaden nen an chang dun dawn

    Jackie Chan film thar a chhuak leh dawn e. Will Smith a fapa Jaden nen Karate Kid film-ah an chang dun dawn. Jackie chu Jaden a kung fu master lemah a chang dawn. Jackie Chan hi kum lamah pawh a lo senior ve tawh a, tun hma anga stuntman ruai lova, a mahin tih zel ang chi kha chu a bansan ve tan tawh dawn a, he film-ah pawh hian action turu leh hautak laiah chuan stuntman a hmang tan tawh ang. Stunt ai chuan acting a ngai pawimawh tawk zawk a, film chan tam lama kha hlu a ti a, stunt tih a inhliam a, rei ngial film chan chhunzawm thei lova, awm ngai thin kha hlawk lo a ti deuh ta a ni.
    Jackie Chan film siam tawh ho reng reng ropui riauna thin chu a mah ngeiin stuntman ngai lova, a ti thin leh naupang atanga tar thlengin an nuihpui theih tur zawng a in zep tam thin kha a ni a, tuna film thar turah pawh stunt lamah chuan tun hma ang ni lo mahse, nuih tur erawh a tam leh viau ang.

Tom Raiders tharah Jolie aiin Kim Kardashian an ti.

     'Tomb Raider' film hlawhtling tak chu siam chhunzawm leh an tum laiin a changtu lamah an buai a, Anjelina Jolie chu a upa deuh tawh an tih avangin tuai thar leh duhawm zawk film siamtute chuan an melh mek a, thu thang pakhatah chuan Transformer star Megan Fox chu a chang dawna sawi a ni a, a mahin hetiang ang lamah engmah inbiakna a awm loh thu leh chang tura rilru a siam loh thu  a sawi. Tichuan socialite Kim Kardashian hming a rawn lang leh a, a ni hi kum 29 a upa niin a pian pawh a tha a, a mah Kim pawhin he film a chan hi a chak zawng niin an sawi bawk.
    Tunlai chu Kardashian te unau ho hi an lar hle a, chanchinbu miten an umzui deuh reng mai.

World Cup-ah thil mak a thleng fo. Serbia lakah German ral a lian zo lo

    Kar liamta zirtawpni leh Inrinni zan khan Fifa World Cup 2010 Match 3 ve ve khelh leh a ni a. Zirtawp zan inkhel zingah, Australia 4 - 0 zeta sawptu, Germany chu Ghana laka tlawm ve thung Serbia chuan 1 - 0 in an hneh a. Inkhel hrim hrimah chuan Germany hian game an thunun zawk a tih theih. Mahse, Klose-in minute 36 naa Red Card a hmuh avanga hnawhchhuah a ni chuan serbia hian an vanneih puiin, minute 37 naah Jovanovic chuan Serbia tan an chakna goal hi a thun a ni.
    Germany hian goal sutna chance tha zet mai, minute 59 naah Penalty an hlawhchhuah chu, Podolski chuan petin, Serbia Keeper hian vanneih thlak takin, a lo saved hlauh a. Serbia hian hnehna an chan theih phah a ni.

Lungleia College pahnih II years BA Result hetiang hi a ni

     IIyrBA U.G Examination, 2010 result  tihchhuah takah Lungleia College pahnih Lunglei Government College leh Govt. J.Buana College te results  hetiang hi a ni.
    Lunglei Government College: Honour Subject la, Candidate 53 awmin mi 28 an passed a, passed Percentage hi 52.83 a ni. Passed te Roll No.: 0812BAH004, 0812BAH008, 0812BAH009, 0812BAH010, 0812BAH017, 0812BAH018, 0812BAH019, 0812BAH020, 0812BAH022, 0812BAH023, 0812BAH026, 0812BAH027, 0812BAH028, 0812BAH034, 0812BAH038, 0812BAH039, 0812BAH041, 0812BAH044, 0812BAH046, 0812BAH079, 0712BAH027, 0812BAH045, 0812BAH050, 0812BAH054, 0812BAH060, 0812BAH065, 0812BAH066, 0812BAH072.
   

Voice SMS thawn duh tan

    Thil pakhat kan hmelhriat ve tawh tho si, a taka hmangtu erawh la tam vak lo, Airtel Sim Card hmangtute tana Voice SMS thawn dan chungchang hi a ni.

    Mizoramah Korean Film thlipui a tleh a, Hollywood leh Bollywood film ai mahin kan \halaiten an lawmin an enduh zawk a,  Korean film ngainatute zingah lah \halaite mai pawh ni lo, a bik takin, nu hovin hmuhawm an ti zual niin a hriat bawk.

    Korean Film kan en a\anga kan zir chhuah tam tak zingah chuan an incheina leh an sam tih dan hi kan \halaite zingah hmuh tur a tam hle. Hmeichhe hovin Korean style incheina an uar thar em em a, chutih laiin mipa pawhin kekawr zuih tak tak hak leh sam zuah an uar hle anih hi.

    Engapawh nise, helam hi kan sawi tur em em pawh a ni hran lovin, Korean Film a ni emaw, Bollywood emaw Hollywood emaw pawh nise, film kan en \hinah thil pakhat an hman uar em em chu Voice SMS hi a ni awm e.

Tualchhung News tawinawi

**     Nizan hmasa khan Ramthar Kumpuan Committee te chuan an veng chhunga Malsawmkimi hnen atangin Parvos Spas 1982 an man leh a, he damdawi an man hi, Lunglei - Aizawl Sumo Service ‘Muantea’ tih inziak chuan rawn phurin,  motor khalhtuin, Malsawmkimi te hi an kawta dingin a pe a, hetih lai hian Kumpuan Duty te hian lo changin inah an luhchilh nghal a, damdawi hi lo thukru hmanin, an ceiling atangin an man chhuak ta tho a ni. Hei bakah hian Kumpuan duty te hian, Lalhmingmawii Ramthar hnen atangin Zu fun 26 an man bawk a, an pahnih hian Police kutah hlan nghalin, nimin khan Police te chuan heng mi pahnihte hi Court-ah an kalpui nghal a ni.

Mobile Phone bill-ah Lunglei sum a luangral hnem

    Economic & Statistic Department in a tarlan danin, Lunglei Diostrict mipui 1,63,496 zingah mi 73, 724 ten chuan Mobile Phone an nei a. Mobile Phone nei hi za zela 45 zet an ni. Lunglei Dist. a mobile Connection neih dan chu hetiang hi a ni. Airtel- 27, 300, BSNL - 17,636, Aircel - 17, 200, Reliance - 10,118, Tata Indicom - 1,470 a ni.
    Lunglei District Mobile Phone neituten thlakhat chhunga an sum hmanral hi mi pakhatin Rs 300/- ang vel zel ni ta se, thlakhat chhung hian Rs 2,21,17,200/- lai a tling a ni. Mi tam tak phei chuan thlakhatah hian Rs 300/- chauh pawh ni lo a aia tam deih an hmang ral thin a ni.

Bazar vengah leimin vangin chhungkaw hnih inthiar chhuak

     Nimin chawhnu dar 1:00 Vel khan Lunglei Bazar veng a In pakhat Pi Lalthansiami(Farm veng ami)  In ko thlanglam chu a min a, hei leimin hian In ban 3 vel chu a khaikang a, Vawk In leh Septic Tank a hnawl. Motor kawngpui erawh lei vung hian a hnawh ping lo. Leiminna hi  Bazar veng Pu Manthang In ep chiah a awm a ni. In luahtu chhungkaw pahnih Pu Chhunthanga leh Pu Zoluta te chhungkua chu hmunhim lamah mi tlawmngai ten an in sawn chhuah pui nghal a ni.

MICLUN Ramthar Branch in hruaitu thar thlang

    Nimin zing khan MICLUN Ramthar Branch chuan hruaitu thar an thlang a, inthlan hi MICLUN Sub. Hqrd. Lunglei General Secretary, Vanlaltiama R.O na hnuaiah neih a niin, hruaitu thar atan heng mite hi an thlang chhuak. President: Vanlalchhunga, V/President: Lalzirliani, Secretary: A. Lalrempuia, Asst. Secretary: Lalthantluanga, Treasurer: R. Dingluaia, Fin. Secretary: Lalpiangthanga, Advisers: R. Vanlalmuana leh PC. Lalmuana te an thlang a ni.

Chhiarpuia hming ziak duh lo 410 Lunglei District-ah an awm

    Chhiarpui neih mekah, Mizoramah chhungkaw engemawzat hming ziak duh lo awmin, Lunglei Dist-ah pawh chhungkaw 106-ah chhungkaw member 410 chu hming ziak duh lo an awm niin kan thudawnna chuan a sawi a. Heng zinga chhungkaw 7, Electric veng a mite chu nimin khan Addl. DC Lunglei, Pu. FJ. Liantluanga Room-ah Chhiarpui neih meka hming ziak pawimawhna chung chang inhrilh hriatna hun hman a ni a. Heng chhung kaw 7 te hian chhungkaw dang 10 ai an awh thu an sawi bawkin, an mahni hi Kohhran bik pawh nei lo niin an insawi niin kan thudawnna chuan a sawi a. Hetianga chhiarpui neihah an hming an ziak duh loh nachhan chu sakhuana thil vang anih thu an sawi. Hetih lai hian, hming ziak chungchangah hian inngaih tuah that leh an tum thu an sawi bawk niin kan thudawnna chuan a sawi.

Tualchhung News tawinawi

### BCM Zion, Ramthar chuan Silver Jubilee, July ni 21 hian an lawm dawn a, inbuatsaihna ngawrh takin tunah hian an kalchhohpui mek a ni. Silver Jubilee pual hian Jubilee Zaipawl member 102 awmna pawh din a ni a, hla zir pawh ngawrh taka kalchhohpui tanin, Inrinni chawhma dar 11:00 atang hian an Biak- Inah awmnikhamin hla an zir leh dawn a ni.

###     Naktuk ni 18 June, 2010, zing dar 6:30 hian MICLUN Ramthar  Branch hruaitu thlar thlanna, Ramthar veng Anganwadi-ah an nei dawn a, inthlan hi, MICLUN Sub. Hqrs. Lunglei hruaituten an neihpui dawn a ni.

##     MZP Gen. Hqrs. atanga hruaitu,  Lalhruaitluanga General Secretary leh a hote lo kal chuan vawiin khan Tlabung panin an chhuk thla a, MZP hruaitu Aizawl atanga lo kalte hi MZP Hqrs. Lunglei hruaitu mi thahnem takten an zui bawkin, an zavai hian mi 20 chuang vel niin kan thudawnna chuan a sawi a. Gen. Hqrs. hruaitu lo kalte hian City Bus rawn hmang pheiin hemi hmang hian Tlabung pan hian an chhuk thla niin kan thudawnna chuan sawiin, Tlabungah hian eng ber nge an tih dawn hriat a ni chiah lovin, kan thudawnnain a sawi dan chuan tunhnaia Tlabunga MZP leh hnamdang vai chungchanga thil thleng avang anih rin anih bakah, MZP te hian Public Meeting neih an tum niin a sawi.

Champion rinkai Spain in Switzerland an hneh lo

    Nizan hmasa Fifa World Cup match thum khelha match hmasa berah Honduras leh Chile te inkhelin, Chile hian 1 - 0 in hnehna an chang a ni. Chile tan hian Beausejour chuan inkhel tan atanga minute 33 naah goal thunin, hei bak hi he inkhelah hian goal dang lut a awm lo a ni.
    Match hnihnaah champion rin hlawh ber Spain leh Switzerland te inkhelin, Spain ho game play a mawi hle a. Hetih laiin goal an thun thei lo hi a pawi ber a ni.
    Champion tura rinkai ber ni mahse, Switzerland in hnehna changin Spain hi 1 - 0 in an hneh zawk tlat! Spain tan hian hun tan tir atangin an striker chhuanvawr Torres chu khel lovin, si an phurh tawh hnu leh an mangang tawh hnu, hun chanve hnu lamah pawh minute tam khelh tur an neih tawh loh hnuah Coach chuan Torres chu a luhtir ve chauh a. Torres-a luh hnu atang hian Spain ho game play hi a dang deuh zar nain, goal erawh an thun thei ta bik chuang lovin, Switzerland tana Fernandes-a’n minute 51 naa a goal thun chu Switzerfland hian hnehna chan nan an hmang ta a ni.

ZUNZAM

Kan thu tlangpui teh tlat chu thutak a va pai loh hmelin, tum leh kawhhmuh min tum ber pawh a ve nei awm lo em! Engti hawi zawng takin ziak ang maw? Kan ti a ni mai thei; mahse he thu tlangpui ‘ZUNZAM’ hian thutak a pai a, awmze ril tak a nei bawk a, a chhungrilah hian dikna te, rinawmna te a awmin a pai tel bawk a ni tih kan hriat a \ha awm e.

    ‘ZUN’ leh ‘ZAM’ hi thumal pahnih inkawp a ni a, mahse a pahnih hian thumal inkawp rem tak leh inhmeh tak a ni tih erawh kan hre awm e. Ngun taka han ngaihtuah leh han dawn chang hian ‘ZUN’ leh ‘ZAM’ hi khawi a\anga lo kal leh lo awm

nge tiin rilru a sen ve theih fu a. A pahniha a han inkawp, “ZUNZAM” tih lah hian awmze ril tak, \awngkama hrilfiah mai theih si loh, mahse a taka tawngtu leh hretu-te tan chuan sawifiah leh chuan pawh ngai lo va fiah erawh zawng a neiin a pai si. A tlangpui leh tamberah chuan ‘ZUN’ leh ‘ZAM’, “ZUNZAM” hi hla thuah kan hmu tam berin, hla thu \awngkam tawi fel tak, awmze thuk tak nei si a ni ti ila a dik awm e. Chuvang chuan “ZUNZAM” lo chhuahna leh kan hmuhna pawh hi, thu, hla ni bawk si ti ila, kan tisual em lo vang chu.

Champion lai Italy chak zo lo

Champion lai Italy chuan an title kawl lai humhim tura bul an \an-naah hnehna an chang zo lova, Paraguay nen 1-1 in an in-draw.
    Green Point Stadium-ah hian champion lai hian a tir lamah erawh bul an \an \ha angreng viau a, amaherawhchu, Paraguay defender An-tolin Alcaraz chuan mi-nute 39-ah goal hma-hruai a tauh lut a, Italy lamin an siphurh hi sut thei lovin, hun hmasa lamah champion lai hi si phur zawkah an \ang.
    Second half an \an leh a, Italy hian game an thunun leh zawk nain an thun mai thei bik lova, Paraguay lam pawh an tal na viau a, mahse, minute 63-ah Paraguay goalkeeper Justo Villar tihsual nangchingin Daniele De Rossi chuan Italy tan a thun veleh hlauh mai a, hun tawp thlengin khawi lam ve ve mahin an thun zui theih tak loh avangin point 1 ve ve hmuin an in\ha\hen ta a ni.
    Azzurri coach  Lip-pi chuan Serie A top sco-rer Antonio Di Natale chu bench-ah a \huttir a, Alberton Gilardinho leh Vicenzo Iaquinta-te r^l hmat^wngah a dah-chhuak a, Natale hi hun tawp lamah dahlut ve mahse, game kalphung chawk danglam turin a tal na hman tawh bik lo.
    Paraguay coach Ge-rardo Martino pawhin a player \ha pahnih Ben-fica's Oscar Cardozo leh Manchester City man Roque Santa Cruz-te chu a tir lamah awltirin, Bo-russia Dortmund team-mates Lucas Barrios leh Nelson Valdez-te chu goal thun turin a dah a, second half hun laihawl-ah a player \ha 2-te hi luhtir mahse, anni pawhin game chawk danglam turin an thiamna an lantir hman ta bik lo.
Italy coach titi
    Italy coach Lippi chuan, “Kan khel en mai chuan goal tam thun a, point 3 hmu tur kan nia sin mawle. Kan game a \ha a, goal thun turin chance pawh kan insiam hnem. Mahse, a pawi-mawh ber goal-ah kan khung zui thei ta lo kha point 3 min hmuhtirna daltu lian tak a ni.