** Nizan hmasa khan Ramthar Kumpuan Committee te chuan an veng chhunga Malsawmkimi hnen atangin Parvos Spas 1982 an man leh a, he damdawi an man hi, Lunglei - Aizawl Sumo Service ‘Muantea’ tih inziak chuan rawn phurin, motor khalhtuin, Malsawmkimi te hi an kawta dingin a pe a, hetih lai hian Kumpuan Duty te hian lo changin inah an luhchilh nghal a, damdawi hi lo thukru hmanin, an ceiling atangin an man chhuak ta tho a ni. Hei bakah hian Kumpuan duty te hian, Lalhmingmawii Ramthar hnen atangin Zu fun 26 an man bawk a, an pahnih hian Police kutah hlan nghalin, nimin khan Police te chuan heng mi pahnihte hi Court-ah an kalpui nghal a ni.
** Lunglei Dist. huam chhunga chhiarpui neih meka hming ziak duh lo awmna area chhunga charge Office, VCP leh YMA President te chu karleh thawhtanni chawhma dar 11:00 hian DC Office Chamber-ah DC hovin meeting an nei dawn.
** Pu. Vanrengpuia ADC chu Departmental Exam nei turin Aizawlah a thang mek a, Pu Zathangliana ADC chuan Pu. Vanrengpuia charge hi a la rih a ni.
** Lunglei bawrhsap Pi. M. Zohmingthangi IAS, chu hun engemawtichen Aizawl lamah a thang hnuin vawiin hian Lungleiah a lo phei tawh dawn nia hriat a ni.
No comments:
Post a Comment