Argentina leh Venezuela Salt Lake Stadium Kokata-ah inkhel dawn

    Celebrity Management Group organised in Kolkata khawpuia Salt Lake Stadium-ah Argentina leh Venezuela ten FIFA official international friendly match chu naktip Sept. ni 2 hian an khel dawn a. Argentina team players 19 te chuan Netaji Subhas Chandra Bose International Airport an thlawklut ta a, vawiin hian players dang leh team official nen mi 17 chuan India an lo thleng leh dawn a, chung zingah chuan Lionel Messi leh Barcelona-a a khelhpui Javier Mascherano te pawh a tel ve ang.
    Argentina team hi coach thar Alejandro Sabella leh a thachhang dawltu Julian Camino bakah players dang leh backroom staff ten India an zuilut a, Kolkata-a hotel Hyatt Regency-ah thlentir an ni.

Shah Rukh Khan-a'n Anna Hazare a fak

    Bollywood actor zinga lar ber leh hlut hlawh  bera ngaih Shah Rukh Khan chuan, 'Social activist Anna Hazare hian, corruption chungchang hi India rama langsar taka pholangtu a ni a, a ropui ka ti a; a hmalakna hi ka thlawp' a ti.
    Asgtamudi Dil kama five star hotel 'Raviz' a hawnnaah Shah Rukh chuan, 'Corruption dona a tana hmanraw tha ber tur sorkarin a chhawpchhuah hi thil duhawm ber chu a ni' a ti a, Cinema a actor thenkhatten corruption dona lam an chang thin chu tha a tih thu a sawi bawk a ni.

American celebrity zinga rin hlawh ber Betty White

    Reuters in ngaihdan a laknaah chuan America celebrity zingah kum 89 a upa ni ta Betty White chu rin tlak berah an thlang. Vote tla atangin za a 45 zet a hmu a, heng mite hian company neiin sumdawnna khawih ila chuan, kan thilsiam thehlartu leh faktu a tan Betty White hi kan duh ber a, a rintlak ber ang, an ti a ni.
    Betty White dawttute chu Denzel Washington, Sandra Bullock, Clint Eastwood, Tom Hanks, Harrison Ford, Morgan Freeman (Kate Middleton, Duchess of Cambridge nen 7na an ni ), Will Smith leh Johnny Depp.
    Tarlan tawh angin rin kai lo ber chu Paris Hilton a nih kha. Charlie Sheen, Britney Spears, Arnold etc... te ho chu rin kai lo lama thleng sangte an ni.

Zin leh thil tawn ho mai mai!

    Thu ropui tak han puak chhuah tur nei lem lo mah ila tun tum chu thu ho mai mai han ziak ve hrim hrim ka duh tlat! Mite angin Sap ram fan chungchang leh ram ropui tak tak fan chungchang ziak tur nei ve lo mah ila Hamara Desh (India) ram hmun thenkhat ka kal ve tawhnaa ka thil tawn, a ropui lam pawh ni lo, a ho mai mai lam zawk han ziak lan ve hrim hrim ka duh tlat! Ka ngaihtuah let leh chang pawh hian engemaw thenkhatte hi chuan tun thleng hian min la nuih tir ve thei nia!
    “Hriat lohna hian mi a ti mawl thin” an tih kha ka la hre reng thin. |awng ka thiam loh tamzia lampang sawi ka tum em em pawh a ni lo. Hamara Desh tawng Hindi thiam loh hi chu; Silchar kan pelh atang chiah hian a chiang tawlh tawlh a ni ber!
    Tumkhat chu Shillong-a kan thlenna Hotel pakhat City Hub nitain ka hria, Police Bazar bul lawkah khuan a awm. February thla a ni a, a la Shillong khua raih a, a vawt vik tek mai! Zing dar 8:00 thleng thlenga mut kha nuam deuh a ni! Chhun lamah Programme kan neih avangin tukthuan han ei maina tur kha a awm dawn lo tih hre bik tawh hek lo chuan, tukthuan han ei hma ringawt duh mah ila, chutiang zing dar 8:00 velah chuan Mizo ten chaw bik ta riauva kan neih Rice chu Hotel-ah an la peih awzawng lo mai a. Tukthuan aiah Breakfast kan ei ta ringawt a, ka thian pakhat chuan, “eng nge i ei ang?” tia min zawh chuan, “i lam ang ang kha a ni mai” tiin ka chhang a, ani chuan, “Puri hi duh ve mai em?” a ti a. Kei chuan, “A pawi lo” ka ti a, ani chuan, “Engzat nge i duh ve dawn” a tih chuan, “Pakhat a ni mai” tiin ka chhang a, Puri leh thingpui chu kan order ta a ni.