ICC Cricket World Cup Final-ah India leh Sri Lanka inkhel dawn

ICC Cricket World Cup Semi Final hnuhnung zawk nimin tlai atanga khelin nizana zawh takah a thlengtu pakhat zawk India chuan thenawm ram Pakistan an hmachhawn a, inkhelh tan hma atang rengin India leh Pakistan inkhel tur hi Silai tel lova Indona ang hiala sawi leh tehkhin a ni a, hei vang hian ram pahnih hruaitu lian ber berte pawhin he inkhel hi a hmunah an en a. India hian Pakistan lakah run 29 in hnehna an chang ta a ni.

Inida hi toss-ah chakin bat an thlang hmasa a, India tan hian an thiampuipa Sachin Tendulkar leh Sehwag te rawn pen chhuakin Sehwag hian a vai huai bawk a, run pawh a vaw chhuak tha ang reng hle a. Amaherawhchu, dam rei zo livin ball 25 chauh a vuak hnuin a out a, run erawh 38 lai a siam hman a ni.

He inkhelah hian Sachin Tendulkar-a vanneihna a inherchhuak tih loh theih loh niin, out ang tak takin tum engemawzat a awm a, mahse, vanneih thlak takin a out leh lo hlauh thin a, tum 2 lai phei chu a ball vuak an catch thuak thuak a ni ber. Sachin-a hian ball 115 a vuak atangin run 85 zet a siam hman a, Sachin-a out hnuah India players dangte hian run an siam tam hlei thei lo a ni ber. India tan hian Gambir chuan run 27 siamin, Kohli-a’n run 9, Dhini-a’n run 25, Raina’n run 36, Harbhajan Singa-a’n run 13, Z Khan-a’n run 9 siamin, Nehra chuan ball vawi 1 a vuak naah run 1 siamin a ball vawi 2 vuak naah a run out tak avangin run 1 chiah a siam hman a, ani bakah hianYouraj Singh chuan ball vawi 1 a vuak naah run khatmah siam lovin a out ve bawk. Patel erawh bat ve hman lovin over 50 a zo va, India hian run 260 a pumpuiah an siam hman a ni.

Akon-a'n April ni 16-aj Concert India ramah a rawn nei dawn

Senegalese American singer Akon chu India ramah a rawn che dawn. India rama a concert hmasa ber chu April 16 khian a nei dawn a, hemi ni tak hi a piancham a ni nghe nghe. A hla lar tak tak "Beautiful", "Lonely", "Right Now", "Dangerous", "I'm So Paid" leh " Angel" te sa ngei turah an ngai. April 17-ah Bangalore's Gayatri Vihar Palace Grounds-ah concert a nei leh nghal bawk ang.

Avril beidawng lo. Pasal neih leh ngei a la tum

Zaithiam lar Avril Lavigne leh a pasal Deryck Whibley te kum li an inneih hnuah nikumah an inthen ta kha a ni a, nupa ni tawh lo mahsela, thian tha tak an ni zui a, Avril album thar “Goodbye Lullaby” buatsaih turah pawh a pasal hlui hian theihtawpin a pui dawn. Avril chuan Deryck hi a phone deuh reng tih a sawi a, a hnen atanga thu rawn lain rimawi lamah pawh  a ngaihdan a la reng thin niin a sawi a, pa fel tak a ni a, kan la inkawm ngeih em em a ni, a ti.

World No. 1 Wozniacki a tla fel der

Sony Ericsson Open  Miami hmuna khelh mek, hmeichhe lamah World World No. 1 Caroline Wozniacki chuan fourth round paltlang zo lovin Andrea Petkovic lakah 7-5 3-6 6-3 in a tlawm a. Set khatnaah an inhnehtawk hle laiin Andrea Petkovic hian vanneih thlak takin 7 - 5 in hnehna a chang hlauh a, second set an khelhah harsa lem lo takin Caroline Wozniacki hian 6 - 3 in hnehna chang ve leh bawk mahse, third set-ah Andrea Petkovic hian second set-a a chak lohna ang bawkin Caroline Wozniacki hi 6 - 3 a hneh let ve lehin hnehna a chang ta zawk a ni.

Gallas-a kum 2 dang Spurs-ah cham chhunzawm dawn

Tottenham defender William Gallas chuan kum 2010-a Tottenham a zawm hnuah Tottenham-ah kum 2 dang chambelh turin contract thar a ziak leh ta a,  White Hart Lane-ah hian 2013 a awm dawn ta a ni. Kum 33 zeta upa ni ve tawh Gallas hian 2010 khan Arsenal atangin Spurs hi a zawm a, kum lamah upa deuh tawh mahse, Spurs tana defender pawimawh leh tangkai tak a nih avangin Spurs pawh hian kum 2 dang contract an ziah pui leh ta a ni. Tottenham hian Champions League-ah Inter Milan leh AC Milan te an hneh hnuin karleh lawka quarter-final-ah Real Madrid an hmachhawn leh dawn a, Spurs tana tum 28 khel ve tawh Gallas hian Real Madrid chu an hneh theih ngei a beisei thu a sawi a, hetih rual hian a tha a tihnat avangin amah hi chu 1st leg April  ni 5-a an khelh hunah chuan a khelh theih a beiseiawm loh.

Australia team Captain atangin Ricky Ponting a inhnukdawk

ICC Cricket World Cup quarter final-a India lakah championa lai Australia ten hnehna an chan zawh tak loh hnu lawkah Australia Captain  Ricky Ponting chuan Australia Captain a nihna atanga a inhnuhdawk tak thu news Conference an neihna hmunah sawiin, Captain dinhmun luah lova team member pangngai anga khelh ve a tum tawh thu a sawi.

Ponting hian 2002 kum atang khan one-day-ah Captain nihna chelh chho tanin, 2004 kum atangin Captain nihna tak tak chu Steve Waugh a lak atangin a chelh chho tan a, kum 7 vel lai Captain a nih hnuah, ICC Cricket world Cup Champion dinhmun an luah laiin, kumin 2011-ah an champion-na humhim thei lova, quarter final-ah a thlengtu India laka an tlawm tak hnu lawk hian Captain nih chhunzawm zel chu a duh tawh loh thu leh Captain atanga a inhnuhdawk tak thu hi chanchinbu mite hmaah a puang ta a ni.

2011 - 2013 LDTTA President atan Dr. Lalramzauva thlang tling leh ta

Nimin khan Lunglei Dist. Table Tennis Association chuan 2011 - 2013 chhung atan an hruaitu thar thlanna DS&YO Office Chanmari-ah an nei a. Inthlan hi Pu. K. Lalrinpuia Returning Officer kaihhruaina hnuaiah, Polling Officers: Lalrinchhana, K. Lalduhawma, RP. Paudel leh V. Rokhawlkima ten neihpuiin, heng mite hi hruaitu atan an thlang chhuak. President: Dr. Lalramzauva Serkawn, Sr. Vice President: H. Kapthanga Zohnuai, Vice President: H. Lalliantluanga Theiriat, Secretary: Lalrinsanga Chhangte Zotlang, Asst. Secretary: Visiona Khiangte Salem, Treasurer: HS. Lalhmingthanga Lunglawn, Fin. Secy: C. Vanlaltanpuia Bazar veng te an ni.

Electric Veng Br. YMA-in kum 28 tlinna leh Kumpuan hawnna nei

Nimin khan Electric veng Branch YMA in an kum 28 tlinna LDSC Ground No. II-ah ni lengin an hmang. Chawhmalamah inkhawm neiin YMA Sub-Hqrs. Vice President Pu R. Chhuanvawra’n YMA kumpuan hawnna a nei a, YMA Sub-Hqrs Secretary Pu Lalfakzuala’n a hmanpui bawk. Pu Vawra chuan khawtlang nun siam that a tul zia kawng hrang a sawiin, Mizo khawtlang nun tlabal tawh lutuk chu siamthat a ngai a, tuna YMA member te hian hma kan lak a ngai a ni a ti. Zu leh ruihhlo lakah mizo thalaite fihlim tum tur leh hna taima taka thawka intodelh tur leh mizo hnam tan chhenfakawm, thang leh thar lo kal zelte tan niturin a fuih. He YMA Anniversary lawmmnaah hian SSA Lunglei atangin “Khawtlang nun siam that zirna kawngah” tih thupui hmangin thusawi ngaihthlak a ni bawk. 

Great Wall of China an hmuhchhuah belh leh

Khawvela sawi hlawh leh lar em em zinga mi chu Great Wall of China hi a ni a, tun hnai khan he Wall hi an la hmuh belh leh cheu. Scientist ten a hmunah kalin kum hnih chhung zet Great Wall hi chhuiin an zirchiang a, chutah chuan China hmarthlang lam Qinghai Province-ah Wall engemaw zat an hmuhchhuah belh leh !!

Ren Xiaoyan,  researcher leh Qinghai''s Archeological Institute ten an hmuhchhuah a ni a, he wall thenkhat an hmuh chhuah thar hi metre 480 vela sei a ni a, Tower 51 awmin pass tower 158 a awm.

Hollywood film a inkawp fuh ber Leonardo & Winslet

ABC TV leh People magazine ten film siam tawha tha ber leh a changtu tha thlanna an buatsaih chu mihring 500,000 zetin chhangin vote an pe a, film tha bera an thlan chu Titanic film kha a ni.

Film changtu zinga inkawp fuh ber thlanaah chuan, Titanic film a changtute Leonardo DiCaprio leh Kate Winslet chu pakhatna an ni a, kum 1939 daih tawha siam Gone With The Wind film a changtute Clark Gable leh Vivien Leigh ten an dawt a, Richard Gere leh Julia Roberts (Pretty Woman) pathumna an ni a, kum 1942 a film siam ‘Casablanca’ a changtute Humphrey Bogart leh Lauren Bacall ten dawtin Spencer Tracey leh Katherine Hepburn te pangana an ni.

Australian Grand Prix-ah Sebastian Vettel-a'n pakhatna hauh

Australian GP tlan zawh takah Sebastian Vettel chuan Lewis Hamilton a hneh. Red Bull Driver Vettel hian tlan tantirh phat atang hian a tlan tha nghal hle. Vettel hi pakhatna ah tlan thlengin a hnung chiahah hian Hamilton hi a rawn tlan thleng ve a ni. hetih lai hian Vitaly Petrov pawhin a vawi khat nan pathumna dinhmun rawn luah ve in Podium arawn lawn kai ve bawk. Force India Driver Scot Paul di Resta ve thung erawh chu 12 naah a rawn tlan thleng ve bawk. Hetih lai hian kan hriat lar ve tak pakhat Ferrari Driver Fernando Alonso chuan palina dinhmun a rawn hauh ve bawk.

India tan match 3 khelha goal 4 thun thei Jeje-a a che ropui

AFC Challenge Cup 2012 Qualifying khelhah India chuan  Turkmenistan chu 1-1 a drawpuiin, Group B-ah hneh loh pakhatmah nei lovin Group champion an ni a, Semi Final an inhlangkai a ni.

Group- B-ah hian-ah hian Turkmenistan leh India te hian hneh loh nei lovin point 7 ve ve an hmuh mai bakah goal diffrerene-ah pawh in ang chiahn +5 an ni.

He inkhel-ah hian India ram Senior team tana a vawikhat feh-chhuahna che tha tak, Mizo tlangval Jeje Lalpekhlua’n goal thun lehin, Jeje-a hian AFC Challenge Cup 2012 Qualifying match 3 an khelhah goal a thun kim vek mai bakah, goal 4 zet a thun tawh a ni.

Thanzamasora khua Minister, Parliament Secy. CEM, MADC leh Medical Team ten an tlawh

Lunglei 27th, March :   Inrinni khan Pu Nihar Kanti Chakma MOS, Pu.S.Laldingliana Parliamentary Secretary, Pu. Kali Kumar Tongchongya CEM, CADC leh Medical Team Lunglei te chuan march ni 20 hmalam a mi 5 thihdan in ang a thi te awmna hmun Thanzamasora chu a hmun ah an tlawh.

    Thanzamasora hi motor in a tlawhpawh thei lova, Lalnutui (Chawngte kawng) atang in km 8 a hla a awm a ni a, Tun hnai a mi 5 thihna hi an natna a in ang vek a an khua a sik a, an lu a na a thi in an luak deuh vek a, an thih hian an taksa ah dum thluah thluah a awm vek ni in an sawi. He thihna avang hian an khaw mipuite chuan dawi hnathawh a nih an ring a, khua ah pawh awm ngam lovin ramhnuai ah te an riak bo thin a ni. 

    Thanzamasora ah hian Pu.M.Lalbanglova VCP Lungrang kaihhruaina in inkhawm tawite neih a ni a, Pu. Nihar Kanti Chakma chuan thu sawiin hman ah kan pi leh pu te chuan dawi hi an ring thin a, mahse tunlai khawvel changkang (Computer age) ah chuan hetiang rinna hi rintlak a ni tawh lova, kan dam loh in bawlpu te rawn lovin mithiam zawk doctor te rawn tur in a chah a ni. 

He thihna hi dawi hnathawh a nih a ring lova, chuvang in thlamuang tak in khua chhuahsan a ramhnuai a riak te pawh mahni in a haw theuh tur in a duh a, Lungrual tak leh inngeih tak a awm tur in a duhthu a sawi bawk. Sawrkar in a tul ang ang in tanpui a in peih reng a ni, khua a motor a luh theih nan PMGSY kaltlang in kawngpui survey neih a ni tawh a, Pu Nihar-a chuan mitthi chhungte ral nan cheng 2000 theuh a pe a, chubak ah buhfai 5qntl sylpoulin bundel -1, dal kg 25 dekchi 1 leh ketli 1 a pe bawk a ni.

Susan Sarandon-i 'n a fanu Eva Amurri tan stripper role a chan chhunzawm a pawi ti lo

    Hollywood star lar tak thin Susan Sarandon hi hre lo an vang viau ang. A lo upa ve tan ta a, hetih mek lai hian a fanu Eva Amurri chuan a hniak hnung zuiin tun atangin a lar chho tan hle a; a nu khum zak khawp a ni lovang tih a sawi theih loh.
    Eva hi 'Californication.' film-ah changin a lar pui viau a, hetah hian hmeichhia lam chunga thawmhnaw phelh thin lemah a chang a; hetiang role a chan leh tur hi awm sela, a ti leh duh ang em? tia chanchinbu miten an zawhna chu chhangin a tan chuan larna tur chance tha a nih avangin chan leh a hnial loh thu a sawi.

Tottenham an hmachhawn hunah Ronaldo’n a khelh theih inring

    Thla thar April ni 5 hian Real Madrid chuan Champions League quarter Final-ah Tottenham an lo mikhual dawn a, hetih hunah hian thana avanga tunhnaia khel thei lo reng Cristiano Ronaldo pawhin a dam hman leh a khelh theih tawh ngei a inbeisei thu a sawi.
    Hetianga tha na avanga a khelh theih loh reng avang hian Ronaldo hian Portugal-in an hma lawka friendly match Chile leh Finland te nena an khelh turah pawh a tel thei dawn lova, mah se Tottenham an hmachhawn hunah hi chuan a dam fel hman tawh ngei a inbei a ni.
    Hemi chung changah hian Real Madrid coach Jose Mou-rinho pawhin, Ronaldo tumna leh a ngaihtuahna chu tha a tih thu sawiin, amahin khel thei tura a inngai a, a tum tlat a nih chuan a khelh theih ngei leh a dam hman ngei hi keipawhin ka ring a ni, a ti.
    Pound maktaduai 80 zet senga Real Madrid in Manchester United atanga an lei chhuah Cristiano Ronal do hian tun season chhung hian match 42 a khelh tawhah goal 37 a thun tawh nghe nghe a ni.
    Champions League quarter Final 2nd leg hi White Hart Lane ah April ni13 hian khelh leh a ni dawn bawk a ni.

Lady Gaga a la che ropui zel. Award leh record thar nen

    Zaithiam inchei mak sak thei em em Lady Gaga chu Council of Fashion Designers of America''s in US Style Icon-ah thlangin kumin June thla hian Style Icon Award 2011 an hlan ang.
     Lady Gaga hi inchei lamah ringawt a lar lova, a zaithiam avang zawkin record thar a siam mek a; internet atanga a hla an download chuan maktaduai 20 tling tawhin tumah in an tluk ta lo.  A hla 'Just Dance', 'Bad Romance' leh 'Born This Way'  te chu Cake lum lai ang maia hralh tla a ni a, an download luai luai mai a ni. Download tam lamah hian Rihanna in a dawt a, Taylor Swift pathumna niin Black Eyed Paes in an dawt.

Female star of the year -ah Cameron Diaz

    Hollywood star Cameron Diaz chu Cinemacon in Female Star of the Year-ah a puang. Tun thla tawp ni 30 khian CaesarsPalace, Las Vegas-ah Award hi a dawng ang.
    Cinemacon managing Director Mitch Neuhauser chuan, Cameron Diaz in he award a dawn tur chungchangah hian thil awmdan sawiin, a film hmasa The Mask kha a chang tha a, mipui lawm leh duh a hlawh nghal a, tawp mai lovin film hrang hrang a chan chhoh te pawh tha taka changin thlirtute mit ti tlaitu a ni ta zel a ni, a ti. Ni e, Diaz-i hian. There’s Something About Mary, te Charlie’s Angels film te pawh a chang tha a, a hit hlawm em kha.

Thanzamasora khuaa thihna thleng chungchangah Dawi thil nia ngaiin Bawlpu an ngaichang mek

    Thanzamasora khuaa March thla tir lama mi panga (5) lai thih chungchanga thuthang lengvel hrang hrang awm mekah nilaini khan C. Lalzuiliana Sub-Deputy Commissioner, Tlabung hovin, Pu Lawmte-a (DDK), Pu Thanbanglova, VCP Lungrang ‘S’ te leh Lunglei atangin police 5 (S.I) hovin Thanzamasora khuaah hian an zuk kal a, he khuaa thil thlendan chungchang hetiang hian DC Lunglei hnenah nimin khan C. Lalzuiliana Sub-Deputy Commissioner, Tlabung hian report a thehlut.
    Thanzamasora-ah hian March ni 20 hmalam khan mipanga thihdan inang tak takin an thi a, chungte chu , Malisho (20) March ni 4-ah, Boro (25) March ni 8-ah, Phurinia Loda (35) March ni 13-ah, Suniron (30) March ni 20-ah, Shitiso (25) March ni 20-ah heng mite hi an thi a. Heng mite hi an khua a sik a, thenkhat chu an lu a na bawk a, thiin an luak deuh vek a ni. An thih hian an taksaah dum thluah thluah awm vek niin an sawi.

Lunglei Tualchhung News lawrkhawm

Kawngpui siamthat hna thawk

    Er. C. Liantluanga EE PWD(Rd) Div. Lunglei chuan tunlai hian Lunglei khawchhung hmun hrang hrangah kawng repair, Black Topping hna thawh mek a ni tih sawiin Luangmual Kudam panna kanwg pawh nimin atang khan thawh tan a ni a, hemi hi zawhfel anih hunah Dist. Road lam kan bei ve leh nghal ang a ti. Dist. Road hi karleh lam chuan Black Topping tih hman an in beisei thu sawiin, sum erawh duhthalin hman tur a awm lo a ti.  Lunglei By Pass Road pawh HPC Vice chairman hmalak na angin Ni 10.3.11 khan Delhi-ah DPR thawn thlak leh a ni a, Vbc 23.65 vel a ni a, thil harsa vak tur a awm tawh loh avangin hmalak a nghahhlelh awm tawh hle tih a sawi bawk. Aizawl to Lunglei World Bank kawngpui chu PWD ten 102 Km-209 Km Sethlun to Kanghmun inkar repair hna an bei mek tih a sawi bawk.

Bryan Adams-a’n a Asst. lakah fa a hring thuai dawn

    Vawiin hian Hollywood Walk of Fame-ah stars engemaw zat lakluh an ni  dawn a, an zinga hian Colin Firth, Donald Sutherland, Adam Sandler and Alec Baldwin te ho pawh an tel. Lakluh inkhawmah hian chawimawina hlan tur leh perform tur an awm bawk a, an zinga langsar ber chu rocker Bryan Adams a ni a, he inkhawma tel vek tur hian mi zawng zawng an sawm thu a website-ah tarlan a  ni. Bryan Adams hi kum 51 mi a ni tawh a, a personal Assistance Alicia Grimaldi chuan an fa a pai mek a, kumin May thlaah a hring dawn tih a puang.

MJA Lunglei General Meeting neih a ni. BSNL Broadband Internet leh Power line chhe zing lutuk chungchangah ngaihtuah

Lunglei 21st, March : Inrinni tlai khan MJA Lunglei chuan Lunglei Press Club-ah General Meeting neiin, he hun hi Pu K. Lalrinpuia President MJA Lunglei chuan a kaihruai a. Gen. Meeting an neih zawh hnuah, High School Headmaster-te nen an inkhelh tuma hnehna an chan lawmpuina atan DFO Pu Kawlhnuna’n chaweikhawmna tur Rs 3000/- a pek leh Pu PC. Lalthanliana, LAD Minister-in Rs 1000/- a pek hmangin ruai an theh nghal a ni.
    He hunah hian, 'MJA firm hrang hrang hnathawktu inhawh chungchang' tih thupui hmangin Pu Lalrintluanga Khiangte Vice President chuan thusawina hun a hmang a, Pu H. Lalthansanga Ex- President MJA Lunglei 'MJA thawhhona leh inpumkhatna' tih thupui hmangin thu a sawi bawk.

National U-16 Mizoram Champion puitu Players 2 LDFA in an chawimawi

    Inrinni chawhnu dar 2:00 pm khan Lunglei Dist. Football Association chuan National U-16 Football Championship Kolkatta a neih a, Mizoram champion puitu zinga tel pahnih, V. Lalrinpuia (Goal Keeper) College Veng leh K. Lalrinfela (Defender) Chanmari te chawimawina hun Press Club Bazar vengah an hmang. He hun hi LDFA Vice President Vanlalpeka Ngente chuan kaihruaiin, Hony Secy. LDFA Rongaia Ralte chuan report a pe.
    He hunah hian LDFA President Pu R. Lalnunthara chuan thusawiin, chawimawi phute chawimawi hi kan la uar tawk lo hle a, hmasawnna atan chawimawi phute chawimawi thin hi kan tih tur a ni, a ti. Mizote hi inzir em em pawh ngai lovin infiamna lam pawh kan ti thei dum a, amaherawhchu, he vanneihna hi hmang thiam lovin kan vanduai pui ang tih erawh a hlauhawm hle. Hlawhtlinna tak tak nei turin infiamna lamah ti kual duah lova pakhata kan inthlur bing thiam hi hlawhtlinna atan a pawimawh hle a ni, a ti.

Lunglei Tualchhung News lawrkhawm

Mi 59 hriselna endik sak an ni

    Nimin khan KTP Ramthar Branch chuan Bethel Centre Sazaikawn-ah a thlawna in entirna Free Medical Clinic an buatsaih a. Free Medical Clinic an buatsaihah hian an Branch member Dr. Lalnuntluangi leh an member-a Nurse ten Bethel Centre-a awmte, hrilselna hi an endik sak a, mi 59 hriselna endik niin, an natna tlanglawn ber chu pumna, luna leh mitna a ni. Damdawi an mamawh angte a tul dan a zira enfiah leh a ni ang a, vawiin emaw Inrinni emaw hian an pe leh dawn a ni. KTP Ramthar Branch hruaitute chuan Home/Centre dang hrang hrangah pawh a thlawna inentirna hi la buatsaih chhoh zel an tum thu kan palai an hrilh

TKP Volleyball tournament niminah tan ta

    Thalai Kristian Pawl, Serkawn Unit te chuan an kum 60-na Diamond Jubilee lawmna kal zelah nimin atang khan Volleyball Tournament an tan ta. He Tournament-ah hian Lunglei Khawchhung le pawn atangin TKP Unit 13 atangin mipa leh hmeichhia Team 22 an chhuak a ni.
    Nimin zing dar 10:30 khan he Tournament hawnna Prog. hmangin Rev. R. Lalbiakliana, FOD Director, BCM-in a hawng a ni. Hemi zawh hian Match thum khelh nghal a ni.
    Ruahman ang chuan Mipa Team hi Pool 4-ah thenin Pool tina Winer leh Runnersup ten Quarter Final an khel an lut ang a, Hmeichhe Team chu Pool 2-ah thenin Winer leh Runnersup ten Semi Fianal an lut ang .
    Hetiang hian lawmman siam a ni.
Mipa - 1st Rs.7000/- & Trophy, 2nd Rs.5000/- & Trophy, 3rd Rs.3000/- & Trophy, Hmeichhia, 1st Rs.5000/- & Trophy, 2nd Rs.3000/- & Trophy, 3rd Rs.2000/- & Trophy. Heng bakah hian a tel zawng zawngin Perticipation Prize an dawng bawk ang.

Inter Dist. Women Hockey zo ta

Lalrokima (48) Zotlang, mi kut tuara thi niawma ngaih theih ruang chhar a ni

Lunglei 17th, March : Nimin zing khan Lalrokima (48) S/o Darchuaha Zotlang Lunglei chu Zotlang thlanmual lam bawlhhlawh paihna thlanga thiin a ruang chhar a ni a, a ruang hi Lunglei Police te leh mi tlawmngaiten lain Lunglei Civil Hospital-ah Posmortem tura phurh thlak a ni a, Posmortem a nih hnuah nimin chawhnu khan Zotlang thlanmualah vuiliam nghal a ni.
    Kan thudawnnain a sawi danin, Lalrokima hi amah chauhva khawsa a ni a, Zu In mi niin, nikum khan piang tharin Team-te pawh a zui ve a, tunlai hi an chawlh lai tak a ni.
    Nimin zing khan an Ina tlawh tum mi pakhat kal chuan Lalrokima In kawngka a hawn chuan chhuata thisen lo kai nuai a hmuh laiin Lalrokima chu a awm si loh  avangin thenawm khawveng  an inpunkhawm a, In chhungah hian Chempui leh Chemtea thisen kai an hmuh mai bakah chhuat velah thisen kai nuai leh tukverh pakhat awm inhawngsa  kotlang vela thisen kai  an hmuh chuan Lunglei Police te tellephone hmanga hriattir nghalin Lalrokima hi an zawng nghal a.

Lunglei Tualchhung News lawrkhawm

World Consumer Right Day

    Nimin kha khawvel pumpuia World Consumer Right Day a ni a, hemi denchhen hian Saikuti Hall Lungleiah pawh hman niin, Biakchungnunga Vice President LDCA in he hun hi a kaihruai a, Lunglei DC,  M. Zohmingthangi  IAS chu khuallian a ni.
    Pi M. Zohmingthangi chuan, Danin Consumer te a humhalh nasa a, Kan dan neih te a nihna ang a humhalhna kawngah mitin te kan pawimawh a, kan dikna leh chanvo humhalhna kawngah  hian mawhphurhna kan nei vek a ni a ti.
    Nimina Consumer Right Day hmannaah hian Dr Andrew H Vanlaldika District Consumer Protection Officer chuan Consumer te dikna leh chanvo  humhalh a tulna tih thupui hmangin Paper  a Present bawk. He hunah hian Lunglei District a Consumer thubuai za zel a 99 chu chin fel a nih tawh thu tarlan a ni bawk. Chawhnu lamah Annual Gen. Meeting neih nghal a ni a, Pu C. Zairemthanga LDCA President-chuan a kaihruai

Aw Ruthi............

    A hun sawifiah nana hmanlai tih mai pawha chiang phak lo khawpa hun tam liam ta, Isua Krista leh Lal Davida te pawh la pian la hma Bethlehem hunlai khan chu khuaah chuan tam nasa takin a lo tla tawh a. Chhungkaw khawsak phung namen lovin a harsa a, tam avanga nunna chan hialte pawh an awm ngei a rinawm hle.
    Chhungtin maite chuan engtin nge he tam hunah hian ei an hmuh ang a, an chhungkua, an nupui fanaute leh an tu leh fate chu an chhawmdawl tak ang? Engkim mai chu a harsa em em a, rim taka hna thawkin an lo siamte pawh chuan an beisei loh ang rah a chhuah a, chhiatkum an hmachhawn dawn a ni ber. Chutiang a nih avang chuan chhungtin maite chuan an damkhawchhuah theih dan tur an dap a tul a, eitur awm nia an hriatna lam apiang chu an pan hlawm a ni.
    Chutianga tam tuar zingah chuan vanduai chungchuang tak mai Elimeleka te chhungkua pawh an tel ve a. An chhungkua chu a nupui Naomi leh a fapate pahnih Mahlona leh Kilion-a te nen an vaiin pali an ni. Tumah sawrkar hnathawk an chhungkaw zingah an awm lova, an eizawnna chu nitin indapchawp leh loneih a ni ber. Amaherawhchu, chhiat kum an tawh avangin khua a kheng a, a zuva bawk avangin buh leh bal khamkhawp an thar chhuak thei si lo. Chuvang chuan an hun tawn tur hmabak chu kutdawh a nih mai loh chuan riltama thih mai chu a ni ta si!
    Mahse, chutianga a nupui leh fapate pahnih kutdawhpui mai chu a duh loh rualin riltama an thih hun nghahpui mai chu Elimeleka chuan a tum hauh lo; eitur awmna leh khawsak awlsam theih zawkna tur hmun nia an hriat Moab ram lama pempui mai chu tha bera hriain chumi khaw lamah chuan an pem ta nghe nghe a ni.
    Hemite chhung hi hetih hunlai hian vanduai tur renga Khuanu duan an ni bik nge, Moab-ah hian dam khawchhuah tumin kal mah se rei pawh an la awm hman hmain pa ber Elimeleka chuan, he khawvela ril tamleh tuihal hre tawh lo turin a chhungte chu a kalsan a. Naomi chuan a fapate pahnih chu a hmeithaipui zui ta a ni.
    Chhun lamah a fapate pahnih chu rimtaka hnathawk turin an chhuah ziah a tul a, hmeithai pitar Naomi ringawt chu Innghaktu leh In lama eisiamtu awmchhun a ni ta a ni. Chutiang a nih avang chuan an duh reng vang pawh ni em em lo, a tulna avang zawkin a fate pahnih Mahlona leh Kiliona te chuan an ram mi pawh ni lo, Moab mi chu nupuiah an nei ta ve ve a.

Pensy Aw bawm a vung, a zai thei rih lo

    Gospel singer lar Pensy B. Lalthangliani chu missionary a kal turin a in buatsaih mek a, thla leh a, Cambodia pan tura a in ruahman laiin a passport a fel lova, eng hunah nge a kal dawn hriat theih a ni lo. A putea CT. Lalrinawma chuan, passport an siamtirnaah a buaipui tuten an lo bum sum an ei sak a, an tih fel sak si loh avangin tih that leh a ngai a ni, a ti.
    Pensy hian zai tura sawmna chi hrang hrang a dawng reng chungin tunlai hian mipui hmaah zaiin a in lan thei lova, Lunglei Times a hrilh danin, a aw bawm a vung a, thla khat vel bawr zai rih lo turin Doctor ten an tih avangin zai tura sawmna te chu a tih puitlin sak thei rih lo.

Lunglei Tualchhung News lawrkhawm

HPC Cup Inter Village atan inbuatsaih mek:

    HPC Cup Inter Village Football Tournament April ni 5 atanga Thuamluaia Muala neih turah inpuahchahna ngawrh taka kalchhoh-pui mek zel niin, Pu Joseph Lalhimpuia Vice Chairman HPC Lunglei chuan, HPC Cup bik atan liau liau hian Ball pawh a hran paa siam a nih tur thu kan palai a hrilh. Hei bakah hian HPC Cup hi ropui tak hawn tum a ni a, a hawng tur hian Pu Zodintluanga Sports Minister beisei a ni a, a kharna hunah HPC Lunglei Chairman leh Chief Minister ni bawk Pu Lal Thanhawla beisei a ni bawk.

Headmaster leh Zirtirtute pualin CCE training nei chho mek:

    Dist. Project Co-ordinator, SSA Mission Lunglei Dist. buatsaihin  Lunglei Dist huamchhunga School zawng zawng Headmaster leh Zirtirtute pakhat theuh pualin Continuous and Comprehensive Evaluation (CCE) chungchang training tunlai hian a buatsaih chho mek a.  CCE hi India rama zirna kalphung thar a nih avangin a pawimawh em em a, hei vang hian Zirtirtu leh Headmaster-te training ngai pawimawh vek turin an beisei a ni.
    Training thawhkhatna Dt. 8th - 10th March chhung khan Tlabung leh a chhehvel khua Headmster leh Zirtirtute pualin Tlabung Hall-ah training hi neih a ni tawh a, Bunghmun Block te tan DIET Hall Lungleiah  neih a ni tawh bawk.
    Dt.15 - 17th March vawiin atang hian Station Block te tan Haulawng CRC-ah training neih a ni ang a, Tlabung Block te tan DIET Hall-ah neih bawk tur a ni ang. Training hi karleh lamah pawh la neih chhoh zel tur a ni dawn a, Dt. 32st March thleng neih tur a ni dawn a ni.

NTUM Sub Hqrs. Lungleiin Ni 3 chhung sawrkar hmalakna ngaichan tum

    National Trade Union of Mizoram, Sub Hqrs. Lunglei chuan an nawrhna ti tawp chungchangah thuchhuah siamin, member te leh mipui ten harsatna kan tuar aia tuar ngam hruaitu kan nei hi keini NTUM Sub-Hqrt Lunglei chuan kan chhuang hle a ni, an ti.
    An thu chhuahin a tarlan danin, “Master Roll te kan hlawhthar Minimam Wages Board in a minlo pawmsak hmang mai tur a kan lo ngaih laiin Mizoram Sorkar in min Pass sak duh loh a vangin Dt.1-3.March.2011 a tangin Pen/Toolsdown Strike kan lo nei tawh a. Sorkarin thu leh hla engmah an neih loh a vangin Dt.8-11.March.2011 a tangin tiamchin awmlova hna kal loh tiin a lo rel tawh angin kan kal chho ta a, Mahse, kan hmalaknaah Mipui leh NTUM Member tamtak ten harsatna kan lo tawh tak a vangin Dt.11.March.2011 ah MTUJAC thu khawm chuan Member ah Call Off  nise tiin a rel ta a. Hei hi Sorkar lam nen a kan inbiakremna vang a ni lova, Mipui tam tak ten harsat na an lo tawh avang leh Member ten harsatna kan tawh a vanga ti tawp kan ni tih Mipui ah kan hriattir a ni e” an ti.

Mizoram sawrkar hi Sum enkawl chungchang-ah an fail avangin hlawh la thei lo an tam - Dr. Thangte MLA

Lunglei 15th, March :   Nimin chawhma dar 11:00 khan Dr R.Lalthangliana MLA, Vice President MNF Gen. Hqrs. chuan MNF Office Hnam Run Lungleiah thusawiin, tuna Mizoram sawrkar hi  Sum enkawl chungchang( Financial Management) ah an fail avangin hlawh la thei lo an tam ta hle a ni a ti. Nge  sun tam tak hi  Lammual, Assam Rifles  ramah an phah tel zawk ni ang? a ti bawk.        
    A sawi zelna ah Dr. Thangte-a chuan, tun ang hun Sawrkar hnathawk tam takin hlawh an lak theihloh lai a, MLA hlawh tihsan lo tum hi a fuh lo a ni a ti a, tuna Mizoram sawrkar kalphung sawiin, Lal fal em em awmna sawrkar a ni a, Minister  pakhat pawhin a hriatpui lohvin hna cheng nuai nga man pawh an pe ngam lo niin a lang a ti bawk. Hotupa berin Planning leh Financial a \ham khawm vek a , sawrkar hian a mawhphurhna a zo lo a ni ber mai a ti.

‘Kohhranin Missionary tirhchhuah duhna thinlung kan neihna tluk zet hi kan ram hi kan vei a hun tawh’ - Dr. Thangtea

Lunglei 12th, March :   Circuit House Conf. Hall nimin khan Mizoram Youth Club Lunglei hawnna hun hman a ni a, he hun hi, C. Lalrimawia President MYC Lunglei chuan a kaihruai a, Dr. R. Lalthangliana MLA, Senior Adviser MYC, chuan he hun hi a hmanpuiin a hawng.

MYC Lunglei hawngtu Dr. R. Lalthangliana chuan kan ram thalaite hian kawng engemaw takah chuan Quality kan nei a, kan la pho chhuak thei rih lo mai mai a ni a ti. Hetianga MYC Lunglei din a ni ta chu lawmawm a tih thu sawiin, thalaite hmasawnna tur kawng hrang hrang ngaihtuah leh tih tak takna thinlung pu a, he pawl hi a kal zel a duhthu a sawi. Hei bakah hian Kan ram siamthatna kawngah thalaiten mawhphurhna an nei lian hle a, hetih laiin, MSACS chhinchhiah danin HIV/AIDS vei tam ber chu thalaite an ni a, kum 25 - 34 inkarah vei an tam ber bawk. Hetiang a nih avang hian Kohhrante pawh hian thalaite nun kawng dik an zawh theihna tur hian veina thinlung tak tak kan neih a, Kohhranin Missionary tirhchhuah duhna thinlung kan neihna tluk zet hi kan ram pawh hi kan vei a hun tawh a ni a ti. Kan ram siamthatna tur hian tih tak takna thinlung kan neih a tul a, chumi atan chuan MYC Lunglei pawh hian awmze nei taka hma a lak zel a duhthu a sawi a, muthlu hman leh chawl hman kan ni lova a taka hma la zel turin MYC Lunglei hi a hawng a ni.

Lunglei Tualchhung News Lawrkhawm

Gauhati High Court Chief Justice Lungleiah lo kal:

Gauhati High Court Chief Justice, Justice Madan B. Lokur chuan vawiin zing dar 9: 30 hian District Court Lunglei a tlawh dawn a, hemi hnu hian Serchhip pan leh nghalin tlai dar 3:00-ah Serchhip Court a tlawh leh ang a, tlai dar 4:00-ah Serchhip hi chhuahsan lehin Aizawl lamah a kir leh nghal ang. Gauhati High Court Chief Justice, Justice Madan B. Lokur hi  R. Thanga Registrar, M. Lalrinsangi Asst. Registrar leh Lalngaihzuala Jr. AA. Gauhati High Court, Aizawl Bench leh a thawhpuite’n an rawn tawiawm dawn a ni.

Pu S. Dinga P/S lo kal dawn:

Karleh thawhtanni khian Pu S. Laldingliana Parliamentary Secretary chu Saiha leh a chhehvel khua tlawh turin a kal dawn a, ni 16.3.2011 ah Saiha Group YMA Conference Lungpuk ah neih turah khuallian  a ni ang a, ni 17.3.2011 ah Tawipui Group YMA Sport Meet ah Khuallian a ni leh ang. Ni 18.3.2011 ah Theiriat Playground a tlawh bawk ang a. Ni 19.3.2011 ah Aizawl-ah a let leh ang.

Dr. Thangtea’n thu a sawi dawn:

Dt.14.3.2011 (Mon) Dar 11:00 a.m hian Mizo Hnam Run (MNF Office) Chanmari-ah Dr.R. Lalthangliana, MLA in thu a sawi dawn a. MNF Party mi leh sa, a tam thei ang ber lo tel turin an sawm.

Bru Refugee laklet chungchangah YMA Sub Hqrs. in ngenna lehkha an siam

    YMA Sub Hqrs. Lunglei chuan Bru Refugee chungchang Executive Committee, Meeting-a an lo ngaihtuah tawh angin ngenna   Deputy Commissioner, Lunglei hnenah hetiang hian an thehlut.
        “Lunglei District atanga lakkir turte hi Chhungkua 268 (Puitling 1221 leh Naupang 235) niin kan lo hria a, Refugee dik tak, dan anga lo kir turte chu thlamuang takin lo kir se kan duhpui a ni.
        Hetih lai hian refugee te endikna chu Kum 1995 Electoral Roll Based nise. Tin, Refugee lakkir turte pawh an mahni khua (an chhuahsan) ah ngei dahkir leh nise tih chu Central YMA thuchhuak leh YMA te kan dinna a la ni reng bawk a ni.

Lunglei Tualchhung News lawrkhawm

Gauhati High Court Chief Justice Lungleiah lo kal dawn

Mizoram tlawha lo zin, Gauhati High Court Chief Justice, Justice Madan B. Lokur chuan naktuk hian Aizawl atangin Lunglei a rawn pan dawn a, zan dar 6: 30 pm-ah Circuit House Lunglei a rawn thleng ang. Naktip Inrinni zing dar 9: 30 hian District Court Lunglei a tlawh dawn a, hemi hnu hian Serchhip pan leh nghalin tlai dar 3:00-ah Serchhip Court a tlawh leh ang a, tlai dar 4:00-ah Serchhip hi chhuahsan lehin Aizawl lamah a kir leh nghal ang.
    Gauhati High Court Chief Justice, Justice Madan B. Lokur hi  R. Thanga Registrar, M. Lalrinsangi Asst. Registrar leh Lalngaihzuala Jr. AA. Gauhati High Court, Aizawl Bench leh a thawhpuite’n an rawn tawiawm dawn a ni.

Bank Adalat buatsaih dawn

    State Bank of India Lunglei Branch chuan ni 14.3.2011 hian BANK ADALAK a nei dawn a, he hunah hian Bank Loan rul tha lote tan rulhna hun remchang siamsak an ni dawn a ni. Hei bakah hian State Bank of India Lunglei Branch chian naktuk hian Agriculture Recovery Camp a nei dawn bawk a, he hunah hian Agriculture loan late tan rulhna hun remchang a siamsak bawk ang.

Lunglei Tualchhung News lawrkhawm

Gauhati High Court Chief Justice Lungleiah lo kal dawn

Mizoram tlawha lo zin, Gauhati High Court Chief Justice, Justice Madan B. Lokur chuan naktuk hian Aizawl atangin Lunglei a rawn pan dawn a, zan dar 6: 30 pm-ah Circuit House Lunglei a rawn thleng ang. Naktip Inrinni zing dar 9: 30 hian District Court Lunglei a tlawh dawn a, hemi hnu hian Serchhip pan leh nghalin tlai dar 3:00-ah Serchhip Court a tlawh leh ang a, tlai dar 4:00-ah Serchhip hi chhuahsan lehin Aizawl lamah a kir leh nghal ang.
    Gauhati High Court Chief Justice, Justice Madan B. Lokur hi  R. Thanga Registrar, M. Lalrinsangi Asst. Registrar leh Lalngaihzuala Jr. AA. Gauhati High Court, Aizawl Bench leh a thawhpuite’n an rawn tawiawm dawn a ni.

Bank Adalat buatsaih dawn

    State Bank of India Lunglei Branch chuan ni 14.3.2011 hian BANK ADALAK a nei dawn a, he hunah hian Bank Loan rul tha lote tan rulhna hun remchang siamsak an ni dawn a ni. Hei bakah hian State Bank of India Lunglei Branch chian naktuk hian Agriculture Recovery Camp a nei dawn bawk a, he hunah hian Agriculture loan late tan rulhna hun remchang a siamsak bawk ang.

Chapchar Kut Lunglei: 2011 thlalak thenkhat

Vanlalhlana & Lalropuii Pachuau

Miss & Mister Chapchar Kut with Kut Nu & Pa

MJA Treasurer Pu Duha & Miss Chapchar Kut

MJA President Pu Rinpuia & Miss Chapchar Kut

MJA Lunglei with Miss Chapchar Kut

YMA Sub. Hqrs. President Pu Hma & RS-i

Kut Nu & Kut Pa Chheih

Miss Chapchar Kut & Mister with Kut Nu & Pa

Miss Chapchar Kut with Kut Nu & Pa

Kut Pa Minister Pu Mathana

Pensy

CR. Laldingliani’n exam a zo fel a, Radio-ah hla a record dawn

    Leitlangpui Zaithiam CR. Laldingliani Serkawn nula pawh kar liam ta mai khan B.A Final exam a zo ve ta a. Programme hrang hrang hmachhawp a nei nual. Karleh chho atang hian All India Radio Station Lunglei-ah hla thar 5 record a ngai a. Chumi atan chuan Exam a zo chiah tihin a inbuatsaih chho nghal char char a ni. Tunah hian hla thenkhat chu record mai theih turin a inpeih tawh thu Thalai Times a hrilh. 

Hun engemawti chen chu exam a neih avangin Programme hrang hrangah a hmel kan lo hmu lo deuh reng a, mah se tunhnaia Chapchar Kut kan hman zawh tak, kar liam ta Zirtawpni khan thiam tak maiin Thuamluaia Mual-ah a rawn inlan leh thei ta a, Chapchar Kut hma Ni chiah khan exam a zo ve chiah a ni.

Miss Chapchar Kut Lunglei Lunglawn nula Mahriati

    2011 Miss Chapchar Kut Lunglei atana thlan tak Nl. Vanlalhriati (20) hi Pu R. Lalrinkima leh Pi R. Lalhmachhuani te fa pathum zinga upa ber niin 3rd Aug, 1990 khan he khawvel eng hi a lo  hmu ve tan a, an unau zinga hmeichhe awmchhun a ni nghe nghe.
    Mahriati hi...........Poet ropui Lord Byron-a’n a poetry pakhata nula pakhat lamna hmuna a tawn chungchuang a phuahna kha min ngaihtuah chhuah tir zawk a, kha poetry “She Walks in Beauty” tiha chang hnihnaah khan,
    “One shade the more, one ray the less,
    Had half impaired the nameless grace”

    “Hei aia ngo leh hang ni se,
    A mawina zahve a kiam ngei ang”
tiin kha nula kha a sawi a. Chuti ang vel chu niin, Mahriati pawh hi a mawi tawk chiaha ngo leh hang a ni ti ila a tawk mai awm e.

    Zirna lamah pawl 12 zir zo tawhin tunah hian 1yr B.A zir turin a inbuatsaih mek a, hun lo kal lehzel turah chuan Beutician ropui tak nih chu a chak leh a tum ber a ni bawk.
    Kohhran lamah pawh a phak ang tawka inhmang ve thin niin BCM Lunglawn Kohhranah an chhungkua hi lawiin, BCM Lunglawm Pastor Bial Zawipawl member niin Suprano part a sa thin a ni.