Nimin khan Electric veng Branch YMA in an kum 28 tlinna LDSC Ground No. II-ah ni lengin an hmang. Chawhmalamah inkhawm neiin YMA Sub-Hqrs. Vice President Pu R. Chhuanvawra’n YMA kumpuan hawnna a nei a, YMA Sub-Hqrs Secretary Pu Lalfakzuala’n a hmanpui bawk. Pu Vawra chuan khawtlang nun siam that a tul zia kawng hrang a sawiin, Mizo khawtlang nun tlabal tawh lutuk chu siamthat a ngai a, tuna YMA member te hian hma kan lak a ngai a ni a ti. Zu leh ruihhlo lakah mizo thalaite fihlim tum tur leh hna taima taka thawka intodelh tur leh mizo hnam tan chhenfakawm, thang leh thar lo kal zelte tan niturin a fuih. He YMA Anniversary lawmmnaah hian SSA Lunglei atangin “Khawtlang nun siam that zirna kawngah” tih thupui hmangin thusawi ngaihthlak a ni bawk.
Elelctric veng Branch YMA President Pu Lalrotluanga (Mavala) chuan an Branch YMA-in kum 28 a lo tlingta chu lawmawm a tih thu sawiin, mihring nunah pawh kum 28 chin tling chu puitling tawh mahni kea ding thei an ni tawh angin, Electric veng YMA pawh tun atang chuan mahni ke-a kawng engkima ding thei a, rilru leh ngaihtuah senga, vengchhung mai ni lo ram leh hnam hmasawnna thlen thei tura rilru leh ngaihtuahna siam zel tur leh faina kawngah pawh hmasawn zel tura a duh thu a sawi.
He mi hnu hian Branch YMA hnuaia Section hrang hrang ten Cultural Item Salamkai, Chawnglaizawn, Cheraw, Pipui zai hmangte in intihsiakna an nei a, pakhatna Section-V, pahnihna Sec- III, pathumna Sec-IV, Section - I & II in consolation prize an dawng a, he hunah hian Electric veng YMA member te an kal tha hle a, member 400 chuang an kal khawm niin thu dawn a ni.
No comments:
Post a Comment