NORTH EAST PRESS TOUR (Tripura Mizote dinhmun leh harsatna an tawh dan)

    Thu hmahruai:
    May ni 24, 2011 thawhlehni a ni a, zan dar 6: 30 vel bawrah Tripura, Vanghmun kan riahna hmun tur Tourist Lodge kan thleng a. Hmanhmawh angreng takin kan inbual sawk sawk a, chumi hnuah Zanriah te kan eikham fel hnuin kan inleng turte, Zampui leh Sakhan tlang dunga YMA hruaitute lo lo thlengin inkawm hona hun kan hmang a.
    Kan inkawmhona hun hi Group YMA hruaitu hlun, Pu JD. Mawia, Ex- President Group YMA chuan a kaihruai a. He hunah hian Zampui tlang dunga Branch YMA hruaitu, khaw hrang hrang atanga lo kal khawmte nen inkawmhona hun kan hmang a, Pu Biakthankima MDC pawhin he hun hi min rawn hmanpuiin, zan dar 10:00 pelh thlenga kan inkawm ho chung pawhin kham lo takin kan intin san a ni.
    Mizo tak an ni:
    Tripura-a kan Mizo unau awmte hian Mizohnahthlak tih mai an duh hauh lo! Mizorama mi thenkhatten Mizo hnahthlak ang zawnga an lo sawi palh chang pawhin an rilru a nat thin thu an sawi a. Mizohnahthlak ni lovin Mizo an ni a, chuvang chuan “Mizo” tih mai kha an duh dan a ni. Hei hi a nihna tur tak pawh a ni a, hetih lai hian ngaihtuahnaa thil pakhat lo awm thei chu, Mizo kan tih leh Mizohnahthlak kan tih hian engchin chiah nge kan huam tir tih erawh kan inngaihtuah chian a tul hle. Mizo han tih maiah hian hnam leh chi peng hrang hrang an awm a, chungte chu Mizohnahthlak kan ti mai dawn nge “Mizo” tih hian kan huam tir vek dawn tih ngaihtuahna a awm thei. State leh International boundary-in min daidan avanga kan Mizo unaute hi Mizo an nihna a bo lova, Mizoram chhunga chengte chauh hi Mizo kan ni bik chuang lo; hei hian ngaihtuahna thui tak a siam thei. Engpawh nise helaiah hian duhtawk rih mai ila, Mizo kan nihnaah hian Mizote hi kan chian erawh a tul.
    Tripura-ah Mizote:
    Kan inkawm khawmna Mizopa titi atangin, 1904 vel khan  Tripura-ah hian Mizote chu Sailo Lal Dokhuma hovin an chhuk thla a. Hmun hrang hrangah awmkual mah se 1910 vel atang khan hlawmkhat deuhvin Hmawngkawnah awmhmun khuar nghet tan a, hemi kum atanga vawiin thleng hian Mei mit lovin Tripura-ah Mizote an awm nghet ta a ni.
    Tunah hian Tripura-ah hian Mizo hlang awmna khua 13 vel lai a awm a, chubakah chuan Mizo leh hnamdang inchen pawlhna khaw engemawzat a awm bawk. Tripura-a Mizo awm zawng zawng hi 60,000 vel lai an ni a, Mizotawng kan tih deuh tak bik kher “Duhlian tawng” hmang hi mi 7,000 vel an awm. Hei bakah hian Tripura-a Mizo hnam hrang hrang awmte hi hnam 14 vel lai an ni.

Malaysia-ah Bethsy C. Lalrinsang-in lawm a hlawh

    Malaysia a Zohnahthlak ten "Music Festival of Praise" an buatsaih a zaitura an rawn sawm Gospel singer Bethsy C. Lalrinsangi chuan an sawmna ti hlawhtlingin he hun hi a han hmanpui a, lawm a hlawh a, a inbuatsaih aia tam an zai tir nghe nghe.

    Bethsy hian pathianni kalta khan chhunah Pathian biak inkhawm hmun thumah a zai a, Malaysia Mizo Christian inkhawmah hla vawi 2 a sa a, Falam ho bik inkhawmah leh inkhawmna hmun dangah te a zai bawk. Chhunah hetianga hun a hman hnu hian zan dar 6:30 atangin "Music Festival of Praise" ah a tel a, he hun tak hi Malaysia akalna chhan a ni a, hetah hian hla 6 zet a sa.

    Bethsy hla sak turte hi professional musician hovin live music ngeiin an rem sak a, Hlim Takin tih hlaah phei chuan side dancer an lo in buatsaih vek a, chungte nen chuan stage an chuan ho. A musician te hi Salai Cung Aung ( Guitarist, Desert Rose Band ), Ms.Sarah( Pianist- Korean) & Music Trainees Special Performance : Drummer For Christ ( Malaysian Gospel Drummers ), MCFYF (Myanmar Christian Fellowship Youth) te an ni a, a man zaih mai an ti.

NE Press Tour (Hospital changkang leh senso tlemna NEIGRIHMS )

NEIGRIHMS Hospital Shillong Kawtah

I&PR Minister Pu Zodintluanga’n MJA te hma min lakpuina a zarah NE State Press Tour Batch hnihin kan kal kha a ni a. Batch khatna ten Arunachal an tlawh hnuah keini team chuan Vanghmun a\anga \anin chenna ngai loh ram Tripura khawpui Agartala kan fan hnuah Guwahati-ah thlawk thlain, kan kawmthlang lawka Hospital changkang em em mai, pawisa senso awm mumal silo, North Eastern Indira Gandhi Regional Institute of  Health & Medical Science (NEIGRIHMS) an tih chu May 28.2011 (Inrinni) khan kan tlawh a. Shillong a\anga km 6 vel, daifem hmun fal nuam tak Mawdiangdiang-a awm a ni a. Prime Minister anih laiin Rajiv Gandhi khan a nu Pi Indira Gandhi hriatrengna atana a ruahman, a kalsan tak a nupui UPA Chairperson Sonia Gandhi-in Dt 5.3.2010-a a hawn a ni a, Autonomous Insitution nisiin Central sawrkar (Ministry of Health & Family Welfare)  senso vek, Prime Minister Officer (PMO) a\anga vil (monitor) a ni bawk a, ka tan chuan an engkim mai hi a ropuiin a \ha chungchuang a ni.
    He Hospital hi khum 500 awmna a niin damlo enkawlna khawl a changkan bakah Doctor te hlawh a san bik em avangin (Thawktute thlakhat hlawh hi cheng vbc 4 chuang a ni) Doctor \ha \ha an thlang thei emaw tihtur an ni a. Tunah hian MBBS leh BSc Nursing seat 50 ve ve zir theihna a awm bakah Postgraduate (Specialist MD/MS) zirna siam a ni a, hetiang zirna hi India-ah chuan AIIMS leh PGIMER Chandigarh-ah chauh ala awm a, India rama Institution 3-na a ni.
Daniala leh Phukan-a te nen
    Mizoram Journalist ten tlawh kan tum tih hrilh an nih hnuah Medical Suprerintendent Prof. Dr AC Phukan chu a lo phur ve hle tih kan thlen hnua a khawsak vel danah a lang a. Dar 10 am-a thleng tura tih kan nih laiin kan motor hman tur a muan avangin kan tlai deuh a. Hospital kawtah chuan palian hmel\ha vehvawh Dr Daniala leh \hian ten min lo hmuak a. Kan phur lutuk nge ni, kan zawt nghal mawlh mawlh a ni ber a. Thlalak an phal lo tih hre lovin kan hmet nghal miah miah a, Pu Daniala chuan a kawt laia lak chu min phal sak ta a.

Hmeichhe nalhna lehkhabu Diana Hayden ziak a chhuah dawn

    Miss World lo ni tawh India nula hmeltha leh piannalh Diana Hayden chuan, kum hnih chhung zet a puah tawh a lehkhabu “A Beautiful Truth” chu a peihfel tawh a, kumin September thlaah a tlangzarh ang. He lehkahbu buatsaih hian a chang chuan ni khatah darkar 20 dawn dawn hun a hmang thin niin a sawi. A lehkhabu a chuangte chu mi tihdan leh ziak tawhte lachhawng mai lova a mahin researh a beihna atanga a hmuhchhuah te vek an nih thu a sawi a ni.
    He lehkhabu hi hmeichhe pian nalh duhte tan chuan tangkai hle tura ngaih a ni a, pian nalh theihna tura insawizawi dan tur leh ei leh in chungchangte chip chiar taka tarlanna a nih thu a ziaktu chuan a sawi a ni.

French Open mipa lamah Rafael Nadal a champion leh ta

World No. 1 Rafael Nadal chuan Clay-a a la \hatzia pho langin Pathianni zan khan Roger Federer hnehin a \um 6-na atan French Open Title a la leh ta a, heti hian French Open Title la ngun ber Record ding lai chu a nih rual ta.
    Nizana Mipa Singles Final khelah Nadal hian darkar 3 leh minute 39 chhungin Federer hi 7-5, 7-6 (7-3), 5-7, 6-1-in a hneh a, hei hi Grand Slam title 10 a lakna a nih bakah ATP Ranking-a No. 1 a nihna Novak Djokovic-a laka hloh thei mai dinhmuna a dinna pawh hlipin, Nadal hi No. 1 a la ni chhunzawm zel thei dawn ta bawk a ni.

French Open hmeichhe champion thar Li Na

    Roland Garros-ah Chinese nula Li Na leh defending champion Italian nula (Patil?) Francesca Schavione te darkar khat leh minute 48 an inhlap hnuah Li Na chuan 6-4 7-6 (7-0) a hnehna changin a champion ta a, Grand slam title a lak hmasak ber a ni a, Khawvela mihring tam ber Chinese ho zinga Gland Slam title la hmasa ber a ni ta bawk.
    Li Na hi kum 29 a upa niin he open-ah hian seeded 7 niin a bitum hi 5th seed a ni thung a, Serve-ah a chungnung zawka baseline atanga play-ah pawh a chungnung zawk. Li chuan, 'Naupang te ka nih lai atanga ka chak em em thin chu Grand Slam a final khel hi a ni a,  mi tam tak chuan champion turin ka upa tawhin an sawi thin a, ni e, upat hnuah ka beisei ram chu ka thleng ta a nih hi, thil awlsam tak zawng a ni lo chiang' a ti.

NORTH EAST PRESS TOUR (Tripura zin kawng bumboh)

    Press Tour-a kalte:
    Mizoram sawrkar, Information & Public Relation Deptt. bultumin North East Press Tour 2nd Batch-ah MJA member 10 te May ni 24, 2011 khan Aizawl atangin kan chhuak a,kei pawh kan hruaitute duhsakna avangin Press Tour-ah hian ka kal ve thei hlauh a, a hlawk thlak hle. Aizawl Press Club kawt atangin I&PR Director Pu Jim K. Chozah leh MJA President Pu H. Zosangliana ten Press Tour-a kalte hi min vai liam (flag-off) a. Kan hotunu, I&PR Deptt.a IPRO K. Vanlalsangi, (Tete-i) MIS, hovin MJA member 10 te, 1) kan hotupa R. Lalhmangaihzuala, News Editor, Romei, Aizawl, Gen. Secy. MJA Gen. Hqrs. 2) C. Lalzamlova, Editor, Chhawrpial, Aizawl E/M MJA Gen Hqrs. 3) C. Lalhmachhuana, Editor, Youth Herald, E/M MJA Gen Hqrs, 4) Lalthazuala, News Editor Lenlaini, Aizawl, 5) Malsawmdawngzela, Correspondent, Vanglaini Aizawl, 6) Richard L. Pachuau, News Editor, Zoram Tlangau, Aizawl, 7) Lalngheta Ralte, Editor, Lawngtlai Post, Lawngtlai, H. Lalmuanpuia, Editor, Chhuahtlang, Kawnpui, Kolasib Dist. 9) V. Rokhawlkima, Joint Editor, Lunglei Times, Lunglei leh 10) M.K. Dey, News Editor, The Mizoram Post. Aizawl te Press Tour-ah hian kan kal a ni.

Damchera Bazar: Lei-ah pawh an inpho khat vek.

    Tripura lam panin kan chhuak:
    Zing dar 6:00-ah Aizawl chhuahsanin Bolero 3-a chuangin  Tripura lam kan pan ta a. Tukthuan chu Mamit-a Tourist Lodge-ah eiin, zan lamah Tripura-a Mizo khawpui pakhat Vanghmunah Zampui tlang dung leh Sakhan tlang dunga YMA hruaitute kawm tur kan nih avangin, hmanhmawh angreng tak, hmanhmawh hleithei si lovin kan kal a.  Tripura kan lut thla tan ta! Thawhlehni, bazar ni ber kherin Damchera bazar paltlang ngai tur chu kan huphurh khawp mai a! Kawngpui leh Lei-ah thlengin thilzuar (In pho) an khah tlat thin avangin, an bazar ni hi chuan nilengin lirthei tlan theih a ni thin lova. Mahse, vanneih thlak deuhin Damchera kan thlen hma lawk hian ruah nasa tak mai a han sur chiam mai chuh! Kan tan chuan malsawm ruah tih loh theih loh a ni. Chuti chung pawh chuan harsa angreng takin Damchera bazar chu kan paltlang hram!
    Restaurant ropui!:
    Damchera bazar kan pel fel, thui tak pawh kan la tlan tan hmain kan motor ken pakhat chu a chhiat avangin darkar 2 chuang zet kan han ding khawmuang leh rih a. Tlai lam a ni tawh, ril atam deuh bawk si, thingpui han in maina tur a awm loh laiin, “Hetah thingpui dawr a awm reng a lawm, tiru i va in ang u” tia Pi Tetei’n min rawn koh hnuah, thingpui dawr tia an sawi lam chu kan va pan a!

5 Star Restaurant-ah kan chawl

    Chuta thingpui kan in zet chu a ropui dan a danglam teh asin! Thil tlemte zawrhna dawr, chenchilh nghal a ni a. Dangpuithu rim a nam rum rum a, thingpui no. 5 vel an nei a, chu pawh a in ang lo nuai anih mai piah lamah thenkhat phei chu a beng tla tawhte a ni.

NEIGRIHMS HOSPITAL KAN TLAWH

    Press Tour tura vailiam kan ni:

    Mizoram sawrkar, Information & Public Relation Deptt. bultumin North East Press Tour 2nd Batch-ah MJA member 10 te May ni 24, 2011 khan Aizawl atangin kan chhuak a, Aizawl Press Club kawt atangin I&PR Director Pu Jim K. Chozah leh MJA President Pu H. Zosangliana ten Press Tour-a kalte hi min vai liam (flag-off) a. Min hruaitu I&PR Deptt.a IPRO K. Vanlalsangi, (Tete-i) MIS  kaihhruaina hnuaiah, MJA lama kan hotupa R. Lalhmangaihzuala,  Gen. Secy. MJA Gen. Hqrs. ho chuan kan zin chhuak a ni.

    Thu hmahruai:

    Press Tour-a kan kal chungchang hi a indawt dana ziak chhoh pawh chakawm hle mah se a rem chiah lohna chen a awm a. Chipchiar ve deuh hleka ziak tul deuh bik te a awm dawn avangin, Press Tour kan neih tuma kan tlawh thenkhatte leh a kal ten kan hlawkpui mai piah lam a, midangte tan pawha hlawkna tlemte tal neih theih takah tiin, article pakhat ang leka han khung nghal vek chu a fuh chiah lo deuhva ka hriat avangin, ziak remchang hmasa deuh nia ka hriatte ka rawn thlur hmasa a, hei hi a chhan chu hmun thenkhat kan thlawhte hi a History hriat ve deuh tul leh han chhui zui ve deuh ngai thilte a awm vang a ni. A dang pawh la ziak chhoh zel kan tum ang chu.

    NEIGRIHMS HOSPITAL:

    NEIGRIHMS Hospital hi a hming ringawt kan hre lar ve hlur ringawt a, atakin article ziaktu ngei pawh hian vawi khatmah ka la hmu lova. Heti anga Press Tour kan neih azara a hmuhna chance leh chipchiar lem lo mah se a chanchin tlem a zawng hriat belh tur ka nei hi vanneih thlak ka ti hle.

    NEIGRIHMS tih hi, North Eastern Indira Gandhi Regional Institute of Health & Medical Science tihna niin, Shillong hmuna awm a ni. Damdawiin lian leh changtlung tak niin damlo khum 500 a awm a, hmanrua leh khawl changkang tak tak an neih mai piah lamah thawktu doctor thiam tak tak thahnem tak an nei a, Library lian leh changtlung tak an neih chu doctor thawk lai leh MBBS zirlai leh B.Sc. Nursing zirlai ten an chhawr tangkai hle bawk.

    NEIGRIHMS Hospital-ah hian MBBS zirna leh B.Sc Nursing zirna hmun awm nghalin, batch khatah mi 50 ve ve tan a zir theih a, North East State MBBS zirna Medical College nei lote chauhin NEIGRIHMS Hospital -ah hian seat (quota) an population a zirin an nei a. Mizoram pawhin seat 3 kan nei ve a, tunah hian Mizo MBBS zirlai 9 an awm mek nghe nghe. N.E State ten quota neih bak chu an mahni Hospital-a Entrance Test  buatsaiha tithaten MBBS an zir thin a, B.Sc Nursing-ah erawh chuan State ten quota  bik nei lovin NEIGRIHMS Hospital-in entance test-a ti tha tha 50 ten seat  an chang mai thin a ni.

    Hei bakah hian Postgraduates  zirna pawh awmin, 20th Annual Report 2009-2010 an buatsaiha tarlan danin  Postgraduates students (MD/MS) ah zirlai 8 lai an nei a ni.