French Open mipa lamah Rafael Nadal a champion leh ta

World No. 1 Rafael Nadal chuan Clay-a a la \hatzia pho langin Pathianni zan khan Roger Federer hnehin a \um 6-na atan French Open Title a la leh ta a, heti hian French Open Title la ngun ber Record ding lai chu a nih rual ta.
    Nizana Mipa Singles Final khelah Nadal hian darkar 3 leh minute 39 chhungin Federer hi 7-5, 7-6 (7-3), 5-7, 6-1-in a hneh a, hei hi Grand Slam title 10 a lakna a nih bakah ATP Ranking-a No. 1 a nihna Novak Djokovic-a laka hloh thei mai dinhmuna a dinna pawh hlipin, Nadal hi No. 1 a la ni chhunzawm zel thei dawn ta bawk a ni.

    Tennis khawvel, kuminah Djokovic-a kum tha a herchhuak dawn kan ti a, chak loh nei lovin hun rei tak chhung a kal chhoh char char hnuah, Roger Federer-a dinhmun World No. 2 nihna pawh rawn chhuh sakin, World No. 1 pawh kai chho leh mai tura ngaih anih laiin, World No. 1 Rafael Nadal-a ropuina a la chuai lova, French Open khelh zawh takah champion nihna rawn chang lehin French Open bikah tum 6 zet champion nihna a chang ta a, a hmain French Open-ah tum 6 zet lo champion tawh  Bjorn Borg-a record a tluk ve ta chiah a ni.
    Inkhelah hian Set hmasa berah Federer hian 5-2-a hma a hruai tawh hnu-ah Nadal hian pawt thla-in, World No. 3 Federer aia a chungnunzia lantir chhunzawm zelin A pumpuia an inhneh tawn dan chu 7-5 7-6 (7/3) 5-7 6-1niin Nadal-a hian French Open title hi a la thei zui ta a ni.
      Men’s Doubles-ah Max Mirnyi of Belarus leh Daniel Nestor of Canada te \angdun chuam South American \hiandun, Eduardo Schwank leh Juan Sebastian Cabal te \angdun chu 7-6, 3-6, 6-4-a hnehin a \um 2-na atan French Open title an la ve leh bawk a.
    Hmeichhe Doubles-ah India player Sania Mirza leh a \hiannu, Vesnina (Russia) te \angdun chu Final-ah chak zo lovin, Czech Rep. mi, Hlavackova leh Hradeka te \angdun lakah 6-4, 6-3-in an tlâwm a ni.
    GRAND SLAM WINNERS
16 - Roger Federer
14 - Pete Sampras
12 - Roy Emerson
11 - Bjorn Borg
11 - Rod Laver
10 - Bill Tilden
10 - Rafael Nadal
8 - Andre Agassi
8 - Ivan Lendl
8 - Fred Perry
8 - Ken Rosewall