Beyonce in a single thar midangte tan a hlan

    Terrorist hovin 9/11 a rapthlak taka an chetna tuartute tanpuina a tan Beyounce Knowles chuan, "God Bless The USA" hla record in single in a tichhuak. He hla hi country singer Lee Greenwood a phuah a ni a, a mah kum 1984 khan sain tihchhuah a lo ni tawh a, Beyounce hian kum 2008 khan a tract siamin US president thlan dawnah Barack Obama campaign naah sak a ni thin a, mahse mipui lei theih turin he hla a sak hi record lova, tunah record tanpui ngaite tan a hlawkna awm zawng zawng a pe vek dawn a ni.
    Lee Greenwood pawh hian he hla atanga hlawkna a tel tur zawng zawng te chu tanpui ngaite tan thehchhuah vek a tum bawk a ni. 9/11 a Firemen leh Police thi ta chhungte tan te, he hla atanga hlawkna hmuhte chu thehchhuah a ni ang. God Bless Beyounce...

TC. Lalruatfeli (6) Sorkar huan lipuiah a tla hlum

TC. Lalruatfeli

A tlakna hmun li

TC Lalruatfeli hi Unau panga zinga a naupang ber a ni a, Inrinni khan Sorkar huan lipui-ah tui cheng turin naupang engemawzat kalin, tui chengin an ri chel chul hlawma an zingah hian TC. Lalruatfeli (6)  D/o Lalramkhuma pawh telin, naupang tuichengho an han chhuah sap sap takah chuan a u-te chuan an nau hi hmu ve ta lovin Lipui thlang lawka Sangha dil siamtute hnenah chuan an nau an hmuh leh hmuh loh zawtin, an nin an hmuh loh thu leh tuiah a chen ve leh chen ve lohte an lo zawta a u-te chuan tuiah a chen ve ngei thu an han sawi chuan Sangha dil siamtute chuan an tui chenna lamah chuan an va zawng ta a, lipui-ah chuan Lalruatfei ruang chu li mawngah an va hmu ta a ni. Lalruatfeli ruang hi lumen  niin nimin Pathianni khan vui liam a ni.

Insumdawn tawnna turah hnuhma thar a awm lo Kalpawhna kawng siam hna an thawk mek

Lunglei 9th May  :  Hnahthial MJA member ten India leh Bangladesh insumdawnna hmunpui tur Kawrpuichhuah an tlawh a, hmalakna thar hmuh tur a awm lo. A kalpawhna kawng siam hna an thawk mek.
    Hnahthial MJA Sub. Division member te tan an bialtu MLA Pu John Siamkunga’n tour an neihna tur sum a pek hmangin Chanchinbu mite hian Saiha, Lawngtlai, Lunglei, Tlabung leh Kawrpuichhuah an tlawh a, member kalte hi Pu Lalbuatsaiha Convener (Hnahthial Today), Pu VL. Liansanga Secretary (Calathea), Pu C. Lalzarzova (Dasac Cable), Pu C. Lalnghakliana (Hnahthial Times) te an ni.

Champions League Final-ah Barcelona vs Man Utd/Schalke

    Champions League Final May ni 28 a khelh turah Barcelona chuan an Spanish Club pui Real Madrid lakah goal aggregate 3 - 1 a hnehna changin Final an inhlangkai ta.
    Kan hriat tawh angin Semi Final 1st leg an khelah Barcelona hian Real Madrid hi 2 - 0 in an va hneh tawh a, Thawhlehni zan hian Barcelona hian Real Madrid hi lo mikhual ve leh thungin goal 1 ve ve thunin an lo draw pui a. Amaherawhchu, 1st leg khelah Barca hian 2 - 0 laia hnehna an lo chan tawh avangin goal aggregate 3 - 1 in hnehna an chang ta a ni.

Huaisen chawimawina Lunglei mi 2 hnenah hlan an ni

Lunglei 3rd May: Vawiin chhun dar 12:00 khan DC Conference hall Lunglei ah naupang huaisen Laldinthara, Chanmari leh midang chhan nan a nunna hlantu tlangval huaisen Lalchhandama Pachuau (L), Rahsiveng te chu chawmawi an ni.

    Heng mi huaisen te hian India President in naupang huaisen te chawmawina Uttam Jeenam Raksha Padak award 2010 leh Jeevan Raksha Padak award 2010 Lunglei DC, Pi M.Zohming-thangi IAS kaltlang in a dawng. Laldinthara hian Jeevan Raksha Padak chawimawina thuziak leh tangkapui leh Rs. 30,000/- dawngin nunna chan ta, Lalchhandama Pachuau hian Uttam Jeevan Raksha Padak chawimawina thuziak, Tangkapui leh Rs. 45,000/- a dawng thung. He huaisen chawimawinaah hian Union Home Minister-in a hming a ziak a ni.

    Pi M. Zohmingthangi IAS, Lunglei DC chuan lawmman leh chawimawina te hi a hlu a, heng lawmman chi hrang hrang zingah huaisen vang leh midangte chhan nan a nunna hial pawh chan leh chan ngam te chawi-mawina chu a ropui bik a ni a ti.

Phalke Ratna Award Dharmendra’n a dawng dawn

Dadasaheb Phalke Award, naktuk May 3 hian Mumbai-ah an sem dawn a, kum 50 zet Indian films a lo in hmang tawh tuna kum 75 mi ni ta Dharmendra chu Phalke Ratna Award hlan a ni dawn. Dharmendra hi hi film lar tak takah a lo chang tawh a, Sholay a Amitabh nen an chang chu a hlawhtling berte zinga mi a ni. Tun thlengin film lamah a la in hmang a, a film chan hnuhnung ber chu "Yamla Pagla Deewana" a ni.

Tun hma a mi bawk actress lar em em thin Asha Parekh pawh legendary icon actress award hlan a ni dawn a, bollywood actress lar lai Rani Mukherji chu "No One Killed Jessica" film-a journalist lema a chan that em avangin award hlan a ni ang a, chutiang bawkin Priyanka Chopra pawh "7 Khoon Maaf" film a a chan that vangin award a dawng bawk ang.

MJA Lunglei ten Deer Park an tlawh



MJA Lunglei te chuan MJA Conference Aizawla neih hmanga an kal haw lamah Thenzawla Deer Park an tlawh a, Deer Park-ah hian 1993 khan Aizawl Sahuan atangin Sazuk nupa tuak 3 avaiin 6 daha bul tan a ni a, Sazuk te hi inthlahpung zelin tunah chuan Sazuk 22 a awm mek a ni.

Deer Park hmuna thawktute sawi danin Deer Park zau zawng hi 7 Hactare vela zau a ni a, a pumpui hi Thirlen hmanga hung chhuah vek niin, pawn lama Sazuk te pawh lo kal thinin, a chhunga Sazuk pachal nente hung chhung leh pawn atang tein an insi ve fova, thirlen pawh an sik chhiat chang a awm a, a pachak pakhat phei chu a hung pawn lamah a zuang chhuak nghe nghe a ni.

Sazuk te hi uluk taka enkawl niin, a chaw atan hian Mai leh Chana an pe thin a, ngun taka enkawl anih hlawm avangin an ngam hle a, thenkhatte phei chu duh duha khawih theih khawpin an ngam a ni.

HPC Cup leh Rs 1,00,000/- dawngin Hnahthial Team an champion

Lunglei Dist. huap tan Football hmanga intihsiakna lian ber leh lawmman thahnem ber awmna HPC Cup 2011 Thuamluaia Muala khelh chu Inrinni khan zawh fel a ni ta a, HPC Cup-ah hian Lunglei khawpui chhung team te aiin khawpui pawn atanga rawn kalte an che tha lawt lak a, Semi Final-ah phei chuan khawpui chhung atangin Zotlang VC Team bak thleng zo an awm lova, Final-ah erawh Final hi Lunglei khawpui pawn ve ve ten khelin, Hnahthial chuan Cherhlun chu 1-0 a hnehin lawmman Rs 1,00,000/-, Trophy leh Medal an dawng a ni. Champion no mawi hi Pu Lal Thanhawla Chief Minister leh Chairman HPC Lunglei chuan a hlan a ni. Pahnihna Cherhlun pawh hian Rs 40,000/-, trophy leh medal an dawng bawk.

Hnahthial leh Cherhlun VC Team inkhelah hian Team Champion, Hnahthial hian hun an tan deuh chiah tih second 10 em pawh a ral hmain J. Lalropuia Jersy No. 9 chuan Cherhlun ho tihsual zarah goal a thun a, hun chanve hmalam tawp dawn tepah hian Hnahthial lam hian penalty an hmu a, mahse Cherhlun goal Keeper chuan save-in Hnahthial lam hian an goal 2 thun theihna tur chance tha tak an hloh zui ta a ni.
Hemi hnu lawk hian Cherhlun player pakhat chu Red Card hmanga hnawhchhuah niin, hun chanve an khel zo deuh nghal a ni.