2011 Academy Award lawmman dawngtute

    Lemchan khawvela chawimawina sang Academy Award chu Pathianni zan khan sem a ni leh ta a, hengte hi Award dawngtute an ni.
Best Picture: "The King's Speech"
Best Actor: Colin Firth, "The King's Speech"
Best Actress: Natalie Portman, "Black Swan"
Best Director: Tom Hooper, "The King's Speech"
Achievement in Music Written for Motion Picture (Original Song): "We Belong Together" from "Toy Story 3," Randy Newman
Achievement in Film Editing: "The Social Network," Angus Wall and Kirk Baxter
Achievement in Visual Effects: "Inception," Paul Franklin, Chris Corbould, Andrew Lockley and Peter Bebb
Best Live Action Short: "God of Love," Luke Matheny
Best Documentary Short: "Strangers No More"

Lunglei Tualchhung News lawrkhawm

 Pu Dinga hovin mual an lai:   Inrinni khan Parliamentray Secretary Pu S. Laldingliana chuan Theiriat mual laihna tur bul a tan. Pu Dinga chuan  Mizoram Sorkarin hmasawnna chak takin tunah hian a kalpui mek zel a, Sport lamah pawh thalai ten hmasawnna nasa tak kan nei chho mek zel bawk a, Sport Ministerin hetianga chak taka hma a lakna kawngah hian lawmawm a tih thu a sawi. Hei bakah hian Sport Minister chungah hian lawmthu a sawi tak meuh thu a sawi bawk. He mual laihna atan hian Rs 3,80,000/- ruahman rih niin, a tahtawlin sum hi a lo la kal zel dawn a ni a ti bawk. Mual hi a dung 110m tur leh avang 65m a siam a nih tur thu a sawi bawk. Hei bakah hian tunah hian Salem-ah nuai 15 man vel ram lei tum mek a ni a, mahse an la chinfel mai theih loh thu a sawi. Theiriat VCP Pu Rodingliana Khiangte pawhin  Bialtu MLA in hetianga hma a laknaah hian khawtlang mipuite aiawhin lawmthu a sawi a ni.

DRDA Lunglei hnuaia Block 4 zinga 3-ah IAY Scheme hnuaia In sak tanpuina

    DRDA Lunglei in Lunglei Dist. huamchhunga Block hrang hrang pali (4) a IAY Scheme hnuaia mirethei insak tanpuina 2nd Installment dawngtu tur thlang tura BDO te a hriattir tawh angin BDO te hian an huam chhunga IAY dawngtu turte an thlang fel tawh a, DRDA Office Lunglei-ah an thehluh angin pekchhuah mek zel a ni. Zirtawpni thleng khan Lunglei RD Block, Lungsen RD Block leh Hnahthial RD Block te chuan IAY dawngtu turte hi DRDA Office-ah hian thehlut tawhin Bunghmun RD Block chiahin an la thehlut lo a ni.
    IAY hmanga mirethei In sak tanpuina ni a thar hlak pakhat atan Rs 48,500/- sanction niin, thawmthatna (upgradation) atan Rs 15,000/- zel sanction a ni bawk.

Ramthar Veng-in Census Revision hmaa ziak leh chhiar thiam 100% ni turin hma an la mek

Lunglei 28th, February :     Inrinni zan khan Ramthar veng YMA leh VC bul tuma 100% Literacy Drive (an veng chhungah ziak leh chhiar thiam za a za an awm theihna tura hmalak) chungchangah Ramthar YMA leh VC te chuan, Ramthar YMA Hall-ah tualchhung chanchinbumite  kawmin he hun hi Chawngchhuana Chawngthu, Chairman Edn. Commtt. Br. YMA Ramthar chuan a kaihruai.
    Chawngchhuana chuan, Mizoram mai ni lo India ram chhungah ngei pawh Village Literacy rate NSS chhinchhiah dan enin 100% awm an la awm loh thu sawiin, hetih lai hian Ramthar veng chuan an veng chhungah literacy rate 100% ni tura hma an lak mek thu Press mite hi hrilhin, Inrinni zan lama Press mite an kawm nachhan pawh kar tawp a ni a, mite’n an hnathawh thawmhnaw hlipa hahchawlhna hun an hman mek laiin Ramthar veng chuan hna kan tan ve mek a, Mizoram mai ni lo India ram pum huap pawha ziak leh chhiar thiam 100% awmna village nih tumin hma kan la mek a, Census meih chhoh mek niin Revision neih hma ngeiin Ramthar vengah ziak leh chhiar thiam 100% an tlin hman ngei an inrin thu Press mite hi a hrilh

Pensy Missionary in Cambodia lamah kal dawn

Leitlangpui zaithiam Zoram pum huap deng chhuak, Pensy B. Lalthangliani chuan zau zawka Pathian rawngbawl turin Cambodia lamah voluntary-a Missionary-a kal turin a inbuatsaih mek a, ruahman ang chuan April thla vel hian Cambodia lam pan hian a kal tawh dawn a ni.

Paris Hilton-i’n a Birthday Present-ah Lexus LFA Sports Car a bialpa hnen atangin a dawng

    Mizo nula chu nise, nula senior kan tih tawh tur, thenkhat phei chuan pasal neih nachang hre lo, a mangan tawpah chuan a duh loh deuh a neih  a la tul ang mawle tia kan sawi ang zat vel kum 30 mi ni tawh, Paris Hilton chuan kum 30 a tlin chamah pawh Lexus LFA  Car nalh zet mai Present-tu bialpa a la nei nia!
    Paris Hilton-i bialpa hian entrepreneur bakah nightclub neitu Cy Waits niin a bialnu Paris-i kum 30 tlin lawmpui nan hian $375,000 zet a to,  Lexus LF-A sports car eng nalh zet chu a present a ni.

Penambur Beach-ah Sap ho tih loh danin kan hleuh

Mizoram, Meghalaya leh Manipur (MMT) Region Opinion Leaders Tour neiin 2010 khan South India lamah kan kal a, Mizoram atangin mi 2 kan kal ve. Penambur Beach kan tlawh lai Digital Camera-a kan lak mai mai ka han upload ve hrim hrim a ni e. A remchan chuan a dang pawh muang changin la rawn upload zel ka tum ang.

“Loving You a Thousand Times”

    Tunlaia thalai tam takte ngaihven leh en chaka a chhuah hun tur thlenga an lo chhut lawk hial thin pakhat chu Korean Serial film pakhat, “Loving You a Thousand Times” tih hi a ni awm e. Tam tak chuan a film hming han lam kual teh duah ai chuan, “Rai puar film” tiin an lam mai thin.
    Chumi hmain, Nu leh Pa, thalaite zingah pawh Korean Serial film chungchanga kan ngaihdan a inang lo hlawm hle a. Mahse, chu lam chu sawi vak ka tum rih lo, duh leh hun remchang dangah chu lam chu ngaihdan hrang hrang awm thei, a thatna leh a that lohna, inzirna tur leh entawn loh tur kan neih hrang hrangte chu kan la ziak leh thei em ang chu. Enga pawh chu nise kan ngaihdan a inang lo tihah hian duhtawk mai ila, a ziaktu ngei pawh hian TV en tha hman vak lo chung pawhin thalai tamtakte ngaihven a nih avangin tlem a zawng han ziak lan hrim hrim ka duh mai a ni, kan ti mai teh ang.
    Mi chungah eng ang harsatna nge thleng a, ang dinhmunah nge an din tih pawh la hriat loh lai atanga vanneih vang nge, vanduai vang zawk tih pawh ngaihtuah thiam loh laia intawng hlawl! Harsatna khirh tak, a ruktea chhungkaw thila inkungkaih rukna lo awm reng kara hmangaihna lo piang chhuak si! Chuti ang a ni chung pawha, “Ka hmangaihna che hi sang tam tak ang a nia sin” ti thei, “Hmangaihna mak mawi leh duhawm” tih ve mai tur niawm a mawi, “Loving You a Thousand Times” Korean Serial Film thawnthu hi Kim Sa-Kyeong ziak a ni a, Episode 55 zeta tam a ni a, chuvang chuan a chan chhung pawh a rei dawn a, a darkar zawng pawhin darkar tam tak a ni dawn a ni tih chu kan hrethiam mai awm e.

Valentine’s Day pualin (Hmangaihte hnenah)

    Khawvel pumin hmangaihte hnena thilpek an hlanna ni atana an hman thin chu 14th February hi niin, hemi ni hi Valentine’s Day tih a ni. Valentine’s Day pual hian i hmangaih hnenah eng thilpek nge i hlan ve dawn le?
    Valentine’s Day lo chhuah dan leh a chhan hi sawi dan hrang hrang awm mahse, chung zing pakhat rilru luahtu chu suangtuahna hmanga chhui kirin chu hunah chuan i han cheng ve dawn chhin teh ang.
    “From your Valentine”
    Kum zabi 3-na, Roman Emperor Claudius II hunlai khan Roman Empire chu a lo len a, an chak a, midangte tan pawha hneh mai theih loh a nihna tur atan tiin Emperor Claudius II chuan thil ngaihtuah pakhat a nei a, chu chu, Sipaite chuan thildangah an rilru an pek lohna tur atan tiin nupui neih khap thain a hria a, puithiamte hnenah tumah a sipaite chu nupui neihtir lo turin thupek a chhuah hial a ni awm e.
    Chutih hunlai chuan khaw pakhat Genoa  khua awmin tunhma chuan a hming pawh a thang vak lo a ni mai thei. Mahe, chu khuaah chuan midangte tana nun hlan ngam leh Pathian siam hmangaihna, mipa leh hmeichhe inkara awm, Leia Lal thupek avanga bo mai thei a ni lo tih hretu, puithiam Valentine-a a awm miauva. Ani chuan a ruk tein Sipai thenkhatte chu an hmangaihte nen chuan a lo inneih tir thin a ni. Chuti anga Emperor thupek zawm lova a lo inneih tir thin tih hriatchhuah a nih chuan puithiam Valentine-a chu man a ni ta a ni.

Valentine's Day: 2011 Lunglei Civil Hospital Thisen Pek runpui