Lunglei 28th, February : Inrinni zan khan Ramthar veng YMA leh VC bul tuma 100% Literacy Drive (an veng chhungah ziak leh chhiar thiam za a za an awm theihna tura hmalak) chungchangah Ramthar YMA leh VC te chuan, Ramthar YMA Hall-ah tualchhung chanchinbumite kawmin he hun hi Chawngchhuana Chawngthu, Chairman Edn. Commtt. Br. YMA Ramthar chuan a kaihruai.
Chawngchhuana chuan, Mizoram mai ni lo India ram chhungah ngei pawh Village Literacy rate NSS chhinchhiah dan enin 100% awm an la awm loh thu sawiin, hetih lai hian Ramthar veng chuan an veng chhungah literacy rate 100% ni tura hma an lak mek thu Press mite hi hrilhin, Inrinni zan lama Press mite an kawm nachhan pawh kar tawp a ni a, mite’n an hnathawh thawmhnaw hlipa hahchawlhna hun an hman mek laiin Ramthar veng chuan hna kan tan ve mek a, Mizoram mai ni lo India ram pum huap pawha ziak leh chhiar thiam 100% awmna village nih tumin hma kan la mek a, Census meih chhoh mek niin Revision neih hma ngeiin Ramthar vengah ziak leh chhiar thiam 100% an tlin hman ngei an inrin thu Press mite hi a hrilh
Pu H. Lalramliana VCP pawhin, khawtlang tlawmngaihna avang leh midangte tana malsawmna ni tura YMA member te inpek naah lawmthu a sawi a, khawtlang hmasawnna tura theihtawp chhuah zel an tum thu leh, mite tana malsawmna tlemte tala an lo nih ve pawhin chu chu an lawmthu a nih ber thu a sawi.Chawngchhuana chuan, Mizoram mai ni lo India ram chhungah ngei pawh Village Literacy rate NSS chhinchhiah dan enin 100% awm an la awm loh thu sawiin, hetih lai hian Ramthar veng chuan an veng chhungah literacy rate 100% ni tura hma an lak mek thu Press mite hi hrilhin, Inrinni zan lama Press mite an kawm nachhan pawh kar tawp a ni a, mite’n an hnathawh thawmhnaw hlipa hahchawlhna hun an hman mek laiin Ramthar veng chuan hna kan tan ve mek a, Mizoram mai ni lo India ram pum huap pawha ziak leh chhiar thiam 100% awmna village nih tumin hma kan la mek a, Census meih chhoh mek niin Revision neih hma ngeiin Ramthar vengah ziak leh chhiar thiam 100% an tlin hman ngei an inrin thu Press mite hi a hrilh
Pu K. Lalhmingliana YMA President pawhin, YMA member hi 1200 - 1300 an awm thu sawiin, veng lian tak Kohhran hrang hrang Biak In hran nei pawh an veng chhungah Kohhran 7 lai a awm thu sawiin, YMA Kumpuan thupui, “Khawtlang nun siamthat” tih thupui hmanga an hmalakna hrang hrang leh ruahmanna sawiin, chumi atana Edn. Commtt. ten 100% literacy rate ni tura an hmalaknaah lawmthu a sawi.
Pu H. Lalsiamliana Secy. Edn. Commtt. chuan, Kum 7 chung lam veng chhunga ziak leh chhiar thiam lo awm zawng zawngte zawn chhuah hna 14th Feb, 2011 atangin volunteers ten an thawh thu sawiin mi 65 an hmuchhuak a, mahse mi 5 te chu zirtir theih tawh loh tur, mit khua hmu tawh lo te leh rilru lama rual ban lo te an ni, a ti a, Hetianga zirna an kalpui naah hian Centre Pathumah zirna hi kalpui mek a ni a, zah vanga zir duh lote pawh an In lamah zirna kalpuiin, exam pek zel an ni a, tunah hian mi 54 te chu zirtir thiam thawkhat an ni tawh tih sawiin, thenkhatte chuan Bible chhiar thiam khawp ni tura zir duhte an awm a, an zirduh chhung chu zirtirna pek an tum thu a sawi bawk. Hetiang zirtirna an kalpui mekah hian YMA member 20 vel te chuan hma an la mek a, zirtirna pawh chak taka kalpui mek zel a ni, a ti.
Ramthar Br. YMA hruaitute leh VC te inkawmna neih zawh hnu hian a taka ziak leh chhiar thiam lo zirtirna kalpui mek chu a hmunah Press mite nen hian tlawha en niin, hnamdang (Vai) te pawhin ziak leh chhiar hi lo zirin an mahni hming bakah an Address thlengin an ziak thiam ve hlawm tawh a, la thiam ve lo midang 6 te pawh hian Census Revision neih hma ngei hian an thiam tir hman vek an beisei bawk.
No comments:
Post a Comment