Lunglei Tualchhung News lawrkhawm

 Pu Dinga hovin mual an lai:   Inrinni khan Parliamentray Secretary Pu S. Laldingliana chuan Theiriat mual laihna tur bul a tan. Pu Dinga chuan  Mizoram Sorkarin hmasawnna chak takin tunah hian a kalpui mek zel a, Sport lamah pawh thalai ten hmasawnna nasa tak kan nei chho mek zel bawk a, Sport Ministerin hetianga chak taka hma a lakna kawngah hian lawmawm a tih thu a sawi. Hei bakah hian Sport Minister chungah hian lawmthu a sawi tak meuh thu a sawi bawk. He mual laihna atan hian Rs 3,80,000/- ruahman rih niin, a tahtawlin sum hi a lo la kal zel dawn a ni a ti bawk. Mual hi a dung 110m tur leh avang 65m a siam a nih tur thu a sawi bawk. Hei bakah hian tunah hian Salem-ah nuai 15 man vel ram lei tum mek a ni a, mahse an la chinfel mai theih loh thu a sawi. Theiriat VCP Pu Rodingliana Khiangte pawhin  Bialtu MLA in hetianga hma a laknaah hian khawtlang mipuite aiawhin lawmthu a sawi a ni.

 Lawmthusawina leh Ngenna:  Red Ribbon Inter Village Football Tournament khelh mekah Ramthar VC Team te chuan round of 16 (Pre quarter Final) chu an lo inhlangkai ve ta der mai! Lunglei khawpui atanga kal awmchhun ni mah ila, Lunglei khawpui ai chu kan awh zo lo hlein a rinawm. Engpawh nise, kan Lunglei khawpui chhung atanga kal awmchhun leh Ramthar khawtlang aiawh a inkhel te hi kan Lunglei mipuite hian a theih ang anga tawiawm turin Ramthar VC te chuan kan ngen takmeuh che u a ni.
    Tin, he tournament khelh nana hun leh tha, sum leh pai, tawngtaipui tute zawng zawng hnenah lawmthu kan sawiin, an kal zelna turah pawh Lunglei mipuite, veng chhung nu leh pate theihtawp chhuaha tang zel turin kan inngen takmeuh a ni.-Ramthar Village Council.

Chapchar Kut Lungleia hman nan: Mizote Kutpui ber Chapchar Kut chu tunkar Zirtawpni March ni 4 hi a ni a, Lungleiah pawh ropui takin Chapchar Kut hi hman tur a ni a, Lungleia Chapchar Kut hmanna atan hian sawrkar chuan Rs 50,000/- min rawn pe a ni. Sawrkar atanga Chapchar Kut hmanna tur sum min rawn pek hi a tlem deuh avangin hemi atan Organising Committee chuan Budget-ah Rs 1,00,000/- siamin Rs 50,000/- dang hmuchhuak tur hian sum an dap belh mek a ni.
    Lungleia Chapchar Kut hmanna tur hian DC kaihhruainain YMA Sub Hqrs. Lunglei te chuan chak takin hma an la mek zel a, Miss & Mister Chapchar Kut pawh MJA Lunglei te buatsaihin thlan a ni dawn bawk. Lungleia Chapchar Kut hman turah hian Education Minister Pu Lalsawta pawh rawn phei a tum niin kan thudawnna chuan a sawi.