Press Tour-a kalte:
Mizoram sawrkar, Information & Public Relation Deptt. bultumin North East Press Tour 2nd Batch-ah MJA member 10 te May ni 24, 2011 khan Aizawl atangin kan chhuak a,kei pawh kan hruaitute duhsakna avangin Press Tour-ah hian ka kal ve thei hlauh a, a hlawk thlak hle. Aizawl Press Club kawt atangin I&PR Director Pu Jim K. Chozah leh MJA President Pu H. Zosangliana ten Press Tour-a kalte hi min vai liam (flag-off) a. Kan hotunu, I&PR Deptt.a IPRO K. Vanlalsangi, (Tete-i) MIS, hovin MJA member 10 te, 1) kan hotupa R. Lalhmangaihzuala, News Editor, Romei, Aizawl, Gen. Secy. MJA Gen. Hqrs. 2) C. Lalzamlova, Editor, Chhawrpial, Aizawl E/M MJA Gen Hqrs. 3) C. Lalhmachhuana, Editor, Youth Herald, E/M MJA Gen Hqrs, 4) Lalthazuala, News Editor Lenlaini, Aizawl, 5) Malsawmdawngzela, Correspondent, Vanglaini Aizawl, 6) Richard L. Pachuau, News Editor, Zoram Tlangau, Aizawl, 7) Lalngheta Ralte, Editor, Lawngtlai Post, Lawngtlai, H. Lalmuanpuia, Editor, Chhuahtlang, Kawnpui, Kolasib Dist. 9) V. Rokhawlkima, Joint Editor, Lunglei Times, Lunglei leh 10) M.K. Dey, News Editor, The Mizoram Post. Aizawl te Press Tour-ah hian kan kal a ni.
Tripura lam panin kan chhuak:
Zing dar 6:00-ah Aizawl chhuahsanin Bolero 3-a chuangin Tripura lam kan pan ta a. Tukthuan chu Mamit-a Tourist Lodge-ah eiin, zan lamah Tripura-a Mizo khawpui pakhat Vanghmunah Zampui tlang dung leh Sakhan tlang dunga YMA hruaitute kawm tur kan nih avangin, hmanhmawh angreng tak, hmanhmawh hleithei si lovin kan kal a. Tripura kan lut thla tan ta! Thawhlehni, bazar ni ber kherin Damchera bazar paltlang ngai tur chu kan huphurh khawp mai a! Kawngpui leh Lei-ah thlengin thilzuar (In pho) an khah tlat thin avangin, an bazar ni hi chuan nilengin lirthei tlan theih a ni thin lova. Mahse, vanneih thlak deuhin Damchera kan thlen hma lawk hian ruah nasa tak mai a han sur chiam mai chuh! Kan tan chuan malsawm ruah tih loh theih loh a ni. Chuti chung pawh chuan harsa angreng takin Damchera bazar chu kan paltlang hram!
Restaurant ropui!:
Damchera bazar kan pel fel, thui tak pawh kan la tlan tan hmain kan motor ken pakhat chu a chhiat avangin darkar 2 chuang zet kan han ding khawmuang leh rih a. Tlai lam a ni tawh, ril atam deuh bawk si, thingpui han in maina tur a awm loh laiin, “Hetah thingpui dawr a awm reng a lawm, tiru i va in ang u” tia Pi Tetei’n min rawn koh hnuah, thingpui dawr tia an sawi lam chu kan va pan a!
Chuta thingpui kan in zet chu a ropui dan a danglam teh asin! Thil tlemte zawrhna dawr, chenchilh nghal a ni a. Dangpuithu rim a nam rum rum a, thingpui no. 5 vel an nei a, chu pawh a in ang lo nuai anih mai piah lamah thenkhat phei chu a beng tla tawhte a ni.
Tawng lah kan inbepawh tha fumfe hleithei lova, Pu Dey-a zarah thingpui chu kan in ve tho tak naiin, Pi Tete-i phei kha chuan a tira a phur tehreng nen a in tuihnai ta lutuk bik lo niin ka hria. Kan G/S Pu Hmaa te’n an naupan laia an ei thin “S Chhang” an hmu leh an ei chu an hlimpui phian! Chung zawng zawng ai chuan, chu Thingpui dawr, thian ten “5 Star” an tih nghaktupa chu a neitu a la ni lo lehzel a. Kawr pawh ha lo, Gamchha (a dik em aw?) chhing tiu teuvin a veng a, a nui vur vur rengte kha mitthla hian a la hmuh theih a lawm mawle! Kumin chhunga an inhralh that ber Ni a ni ve ngei ang tia kan tih fiamthute pawh chu engmah a hrethiam ve der si lo! Tunhnuah kha “5 Star Restaurant” kha min tihlimtu pakhat a ni ve reng reng tho, theihnghilh a har khawp ang le!
Thing tlu-in min dang:
Zan lamah Vanghmuna Programme nei kan nih avangin kan hmanhmawh tawh nen, kan motor chhia siam zova kan tlan leh hnu, thui pawh kan la tlan hman lo tihin kawng chhak atanga thing lian tak mai lo tlu leh a zar hrang hrang maite chuan motor kawngpui chu a dang tlat a. Tlan tlang ngaihna a awm leh ta lo!
Chempui keng pakhatmah kan awm lova, engtin nge ni ang tiin kan ngaihtuahna a buai map map! Chutih lai tak chuan Bike hian pafa hi an rawn inphur a. Kan beisei hauh lovin chumite chu Mizo an lo ni hlauh mai! Chupa chuan, “henglai vela lo neite hi chu Mizo chhungkaw vek a lawm an nih. Khawnge kan au khawm ang e” tiin kawngpui sir atang chuan a han au ta a.
Mizopa ram riak chempui nena lo thawk chhuak leh lova feh hawng tur chemkawm neih ang ang leh thingzaina (Ara) pakhat hmang chuan kawnga thing tlu thenfai hna chu kan thawk ta! Darkar 1 dawn kan hnatlan hnuah motor tlan tlang theih tura kan tih kuak hnuah Vanghmun lam panin kan tlan leh thei ta a ni.
Tunge motor khalh ta ang?:
Vanghmun kan panna kawngah tlan zelin, ruah a sur nasa hle a, motor kawngpui chu Blacktop a ni tawh lova, Brick erawh a inphah ve tak nain duhthusam erawhin kawng a that lo mai piah lamah a zau lutuk fahran lo. Kan motor pakhat khalhtu ber chu a Malaria a chhuak a, a khua a sik hluah a, motor khalh chi ziazang a ni ta lo!
Tunge motor chu khalh ta ang? Kan thianpa, Richard L. Pachuau (Patea) News Editor, Zoram Tlangau chuan a khalh chhunzawm a ngai ta a ni! Kha motor ber kherah khan ka chuang ve lova. Kan motor chhiat avanga Pi Tetei’n min chhuksan hnuah kan motor-ah bawk chuan rawn insan ve leh a...! Keinin lawm takin kan lo welcome a.
Hreh miah lo anga chuang Dawnga of Vanglaini te, Pu Mangheta of Lawngtlai Post te chuan Patea chu titi pui chi a ni lo tih an hre chiang! A chhan chu an titi pui hlek chuan, “hnung lam a rawn hawi ve zel a” an ti. Chuti ang a nih avang chuan a hnung lam atangin Patea phurhte chuan, “Min vengtu chu Lalpa a ni” tih hla kha a sa ringawt a ni awm e. Mahse, harsatna dang em em awm lovin Vanghmun kan thleng tlang a. Tourist Lodge chung lam sak chhunzawm mekah chuan thlengin, kan Driver damlo erawh kha chu Vanghmun PHC-ah kalpuiin an lo admit nghal a. Damdawi In awm man, damdawi man, ei leh in engkim a free vek mai piah lamah Doctor leh Nurse fel tak tak chulai hmun khawpui pawh ni lovah chuan an lo awm a. In enkawlna tha tak an nei hi Tripura sawrkar fakawmna tak pawh a ni.
A sei lutuk dawn, article dangah kan la ziak chhunzawm zel ang chu!
-V. Rokhawlkima
Joint Editor, Lunglei Times
Mizoram sawrkar, Information & Public Relation Deptt. bultumin North East Press Tour 2nd Batch-ah MJA member 10 te May ni 24, 2011 khan Aizawl atangin kan chhuak a,kei pawh kan hruaitute duhsakna avangin Press Tour-ah hian ka kal ve thei hlauh a, a hlawk thlak hle. Aizawl Press Club kawt atangin I&PR Director Pu Jim K. Chozah leh MJA President Pu H. Zosangliana ten Press Tour-a kalte hi min vai liam (flag-off) a. Kan hotunu, I&PR Deptt.a IPRO K. Vanlalsangi, (Tete-i) MIS, hovin MJA member 10 te, 1) kan hotupa R. Lalhmangaihzuala, News Editor, Romei, Aizawl, Gen. Secy. MJA Gen. Hqrs. 2) C. Lalzamlova, Editor, Chhawrpial, Aizawl E/M MJA Gen Hqrs. 3) C. Lalhmachhuana, Editor, Youth Herald, E/M MJA Gen Hqrs, 4) Lalthazuala, News Editor Lenlaini, Aizawl, 5) Malsawmdawngzela, Correspondent, Vanglaini Aizawl, 6) Richard L. Pachuau, News Editor, Zoram Tlangau, Aizawl, 7) Lalngheta Ralte, Editor, Lawngtlai Post, Lawngtlai, H. Lalmuanpuia, Editor, Chhuahtlang, Kawnpui, Kolasib Dist. 9) V. Rokhawlkima, Joint Editor, Lunglei Times, Lunglei leh 10) M.K. Dey, News Editor, The Mizoram Post. Aizawl te Press Tour-ah hian kan kal a ni.
 |
| Damchera Bazar: Lei-ah pawh an inpho khat vek. |
Zing dar 6:00-ah Aizawl chhuahsanin Bolero 3-a chuangin Tripura lam kan pan ta a. Tukthuan chu Mamit-a Tourist Lodge-ah eiin, zan lamah Tripura-a Mizo khawpui pakhat Vanghmunah Zampui tlang dung leh Sakhan tlang dunga YMA hruaitute kawm tur kan nih avangin, hmanhmawh angreng tak, hmanhmawh hleithei si lovin kan kal a. Tripura kan lut thla tan ta! Thawhlehni, bazar ni ber kherin Damchera bazar paltlang ngai tur chu kan huphurh khawp mai a! Kawngpui leh Lei-ah thlengin thilzuar (In pho) an khah tlat thin avangin, an bazar ni hi chuan nilengin lirthei tlan theih a ni thin lova. Mahse, vanneih thlak deuhin Damchera kan thlen hma lawk hian ruah nasa tak mai a han sur chiam mai chuh! Kan tan chuan malsawm ruah tih loh theih loh a ni. Chuti chung pawh chuan harsa angreng takin Damchera bazar chu kan paltlang hram!
Restaurant ropui!:
Damchera bazar kan pel fel, thui tak pawh kan la tlan tan hmain kan motor ken pakhat chu a chhiat avangin darkar 2 chuang zet kan han ding khawmuang leh rih a. Tlai lam a ni tawh, ril atam deuh bawk si, thingpui han in maina tur a awm loh laiin, “Hetah thingpui dawr a awm reng a lawm, tiru i va in ang u” tia Pi Tetei’n min rawn koh hnuah, thingpui dawr tia an sawi lam chu kan va pan a!
 |
| 5 Star Restaurant-ah kan chawl |
Tawng lah kan inbepawh tha fumfe hleithei lova, Pu Dey-a zarah thingpui chu kan in ve tho tak naiin, Pi Tete-i phei kha chuan a tira a phur tehreng nen a in tuihnai ta lutuk bik lo niin ka hria. Kan G/S Pu Hmaa te’n an naupan laia an ei thin “S Chhang” an hmu leh an ei chu an hlimpui phian! Chung zawng zawng ai chuan, chu Thingpui dawr, thian ten “5 Star” an tih nghaktupa chu a neitu a la ni lo lehzel a. Kawr pawh ha lo, Gamchha (a dik em aw?) chhing tiu teuvin a veng a, a nui vur vur rengte kha mitthla hian a la hmuh theih a lawm mawle! Kumin chhunga an inhralh that ber Ni a ni ve ngei ang tia kan tih fiamthute pawh chu engmah a hrethiam ve der si lo! Tunhnuah kha “5 Star Restaurant” kha min tihlimtu pakhat a ni ve reng reng tho, theihnghilh a har khawp ang le!
Thing tlu-in min dang:
Zan lamah Vanghmuna Programme nei kan nih avangin kan hmanhmawh tawh nen, kan motor chhia siam zova kan tlan leh hnu, thui pawh kan la tlan hman lo tihin kawng chhak atanga thing lian tak mai lo tlu leh a zar hrang hrang maite chuan motor kawngpui chu a dang tlat a. Tlan tlang ngaihna a awm leh ta lo!
 |
| Kawngchhak thing tlu-in kawng a hnawh ping: Kan hnatlang lai |
Mizopa ram riak chempui nena lo thawk chhuak leh lova feh hawng tur chemkawm neih ang ang leh thingzaina (Ara) pakhat hmang chuan kawnga thing tlu thenfai hna chu kan thawk ta! Darkar 1 dawn kan hnatlan hnuah motor tlan tlang theih tura kan tih kuak hnuah Vanghmun lam panin kan tlan leh thei ta a ni.
Tunge motor khalh ta ang?:
Vanghmun kan panna kawngah tlan zelin, ruah a sur nasa hle a, motor kawngpui chu Blacktop a ni tawh lova, Brick erawh a inphah ve tak nain duhthusam erawhin kawng a that lo mai piah lamah a zau lutuk fahran lo. Kan motor pakhat khalhtu ber chu a Malaria a chhuak a, a khua a sik hluah a, motor khalh chi ziazang a ni ta lo!
Tunge motor chu khalh ta ang? Kan thianpa, Richard L. Pachuau (Patea) News Editor, Zoram Tlangau chuan a khalh chhunzawm a ngai ta a ni! Kha motor ber kherah khan ka chuang ve lova. Kan motor chhiat avanga Pi Tetei’n min chhuksan hnuah kan motor-ah bawk chuan rawn insan ve leh a...! Keinin lawm takin kan lo welcome a.
Hreh miah lo anga chuang Dawnga of Vanglaini te, Pu Mangheta of Lawngtlai Post te chuan Patea chu titi pui chi a ni lo tih an hre chiang! A chhan chu an titi pui hlek chuan, “hnung lam a rawn hawi ve zel a” an ti. Chuti ang a nih avang chuan a hnung lam atangin Patea phurhte chuan, “Min vengtu chu Lalpa a ni” tih hla kha a sa ringawt a ni awm e. Mahse, harsatna dang em em awm lovin Vanghmun kan thleng tlang a. Tourist Lodge chung lam sak chhunzawm mekah chuan thlengin, kan Driver damlo erawh kha chu Vanghmun PHC-ah kalpuiin an lo admit nghal a. Damdawi In awm man, damdawi man, ei leh in engkim a free vek mai piah lamah Doctor leh Nurse fel tak tak chulai hmun khawpui pawh ni lovah chuan an lo awm a. In enkawlna tha tak an nei hi Tripura sawrkar fakawmna tak pawh a ni.
A sei lutuk dawn, article dangah kan la ziak chhunzawm zel ang chu!
-V. Rokhawlkima
Joint Editor, Lunglei Times
No comments:
Post a Comment