Malaysia a Zohnahthlak ten "Music Festival of Praise" an buatsaih a zaitura an rawn sawm Gospel singer Bethsy C. Lalrinsangi chuan an sawmna ti hlawhtlingin he hun hi a han hmanpui a, lawm a hlawh a, a inbuatsaih aia tam an zai tir nghe nghe.
Bethsy hian pathianni kalta khan chhunah Pathian biak inkhawm hmun thumah a zai a, Malaysia Mizo Christian inkhawmah hla vawi 2 a sa a, Falam ho bik inkhawmah leh inkhawmna hmun dangah te a zai bawk. Chhunah hetianga hun a hman hnu hian zan dar 6:30 atangin "Music Festival of Praise" ah a tel a, he hun tak hi Malaysia akalna chhan a ni a, hetah hian hla 6 zet a sa.
Bethsy hla sak turte hi professional musician hovin live music ngeiin an rem sak a, Hlim Takin tih hlaah phei chuan side dancer an lo in buatsaih vek a, chungte nen chuan stage an chuan ho. A musician te hi Salai Cung Aung ( Guitarist, Desert Rose Band ), Ms.Sarah( Pianist- Korean) & Music Trainees Special Performance : Drummer For Christ ( Malaysian Gospel Drummers ), MCFYF (Myanmar Christian Fellowship Youth) te an ni a, a man zaih mai an ti.
KLBC( Lower Sanctuary Hall) Bukit Bintang,Kuala Lumpur a hun an hman hi ticket system a tih a ni a, an ram pawisa Rm 25 zel a ni. Bethsy bakah hian zaithiam dangte chu Sang Pi, Sung Tin Par, Hute, Steven Lian, Sui Van Pen, Sui Nei Zing, Salai Sui Kolh, Kim Kim te ho an ni a, a tirah Bethsy hian hla 3 thawt a sa phawt a, Pastor in sermon a sawi zawhah hla 2 a sa leh a, request a awm tlat avangin hla khat a sa leh bawk a ni.
Mizoramah chauh ni lovin Mizoram pawn lama Zohnahthlak te awmna tawhah chuan Bethsy hian hriat a hlawh a, chuvanga he hunah pawh hian zai tura rawn sawm vang vang an ni. Mipuiin an lawm khawp mai.
Bethsy hi Zobawm website a thawktuten Bethsy hi chaw eiah an sawm a, Malaysia Mizo Christian Fellowship te pawhin an sawm bawk. A tum dan chuan Singapore-a a cousin te ho tlawh a tum a, mahse Visa a fel hlei thei lova, chanchin ziak lai hian a la fel chiah lova, a fel chuan a kal ang a, a tih theih loh chuan India ram a rawn pan ang.
(Note: Malaysia lama Bethsy thlalak ka rawn tarlan hi http://www.zobawm.com atanga lak chhuah a ni - KKA)
No comments:
Post a Comment