NTUM Sub Hqrs. Lungleiin Ni 3 chhung sawrkar hmalakna ngaichan tum

    National Trade Union of Mizoram, Sub Hqrs. Lunglei chuan an nawrhna ti tawp chungchangah thuchhuah siamin, member te leh mipui ten harsatna kan tuar aia tuar ngam hruaitu kan nei hi keini NTUM Sub-Hqrt Lunglei chuan kan chhuang hle a ni, an ti.
    An thu chhuahin a tarlan danin, “Master Roll te kan hlawhthar Minimam Wages Board in a minlo pawmsak hmang mai tur a kan lo ngaih laiin Mizoram Sorkar in min Pass sak duh loh a vangin Dt.1-3.March.2011 a tangin Pen/Toolsdown Strike kan lo nei tawh a. Sorkarin thu leh hla engmah an neih loh a vangin Dt.8-11.March.2011 a tangin tiamchin awmlova hna kal loh tiin a lo rel tawh angin kan kal chho ta a, Mahse, kan hmalaknaah Mipui leh NTUM Member tamtak ten harsatna kan lo tawh tak a vangin Dt.11.March.2011 ah MTUJAC thu khawm chuan Member ah Call Off  nise tiin a rel ta a. Hei hi Sorkar lam nen a kan inbiakremna vang a ni lova, Mipui tam tak ten harsat na an lo tawh avang leh Member ten harsatna kan tawh a vanga ti tawp kan ni tih Mipui ah kan hriattir a ni e” an ti.

    Hei bakah hian, “Dt.14. March.2011(Thawhtanni) a tang hian MTUJAC  hruaituten Chawngheiin hma an la chho leh dawn a,kan hmalakna hi a tawp mai lo a ni tih mipuiah kan puangzar duh bawk a. Mirethei  V.I.P  titu Sorkar hian a thusawi hi a theih nghilh ta em ni? Keini NTUM, Sub-Hqr Lunglei chuan kan Hqrs Aizawl hmalakna hi kan thlawp tlat a. Nithum chhunga Sorkarin thu engmah a nei lo a nih chuan  an hmalakna chhunzawmin Hunger Strike in kan chhunzawm ve ang” tiin an thuchhuah hian a tarlang a ni.