Lunglei Tualchhung News lawrkhawm

Mi 59 hriselna endik sak an ni

    Nimin khan KTP Ramthar Branch chuan Bethel Centre Sazaikawn-ah a thlawna in entirna Free Medical Clinic an buatsaih a. Free Medical Clinic an buatsaihah hian an Branch member Dr. Lalnuntluangi leh an member-a Nurse ten Bethel Centre-a awmte, hrilselna hi an endik sak a, mi 59 hriselna endik niin, an natna tlanglawn ber chu pumna, luna leh mitna a ni. Damdawi an mamawh angte a tul dan a zira enfiah leh a ni ang a, vawiin emaw Inrinni emaw hian an pe leh dawn a ni. KTP Ramthar Branch hruaitute chuan Home/Centre dang hrang hrangah pawh a thlawna inentirna hi la buatsaih chhoh zel an tum thu kan palai an hrilh

TKP Volleyball tournament niminah tan ta

    Thalai Kristian Pawl, Serkawn Unit te chuan an kum 60-na Diamond Jubilee lawmna kal zelah nimin atang khan Volleyball Tournament an tan ta. He Tournament-ah hian Lunglei Khawchhung le pawn atangin TKP Unit 13 atangin mipa leh hmeichhia Team 22 an chhuak a ni.
    Nimin zing dar 10:30 khan he Tournament hawnna Prog. hmangin Rev. R. Lalbiakliana, FOD Director, BCM-in a hawng a ni. Hemi zawh hian Match thum khelh nghal a ni.
    Ruahman ang chuan Mipa Team hi Pool 4-ah thenin Pool tina Winer leh Runnersup ten Quarter Final an khel an lut ang a, Hmeichhe Team chu Pool 2-ah thenin Winer leh Runnersup ten Semi Fianal an lut ang .
    Hetiang hian lawmman siam a ni.
Mipa - 1st Rs.7000/- & Trophy, 2nd Rs.5000/- & Trophy, 3rd Rs.3000/- & Trophy, Hmeichhia, 1st Rs.5000/- & Trophy, 2nd Rs.3000/- & Trophy, 3rd Rs.2000/- & Trophy. Heng bakah hian a tel zawng zawngin Perticipation Prize an dawng bawk ang.

Inter Dist. Women Hockey zo ta

    Thuamluaia muala Inter Dist. Women Hockey tournament chu nimin khan zawh fel niin, final-ah Kolasib chuan Aizawl penalty-ah 4-1 a hnehin an champion. Pathumna zawnnaah Serchhip chuan Lunglei 2-0 in an hneh bawk. He tournament Best Goal Keeper-ahR. Lalremtluangi Kolasib thlan a ni a, Best Fighter-ah Lalmuanawmi Aizawl, Top Scorrer-ah Lalnunsangi Serchhip a ni. Final match ah hian Women of The match-ah Ngurthanpuii Aizawl thlan a ni.

Ui khawlaiah chhuak kahhlum phalna pe

    Lungei Dist. Bawrhsap leh Dist. Magistrate ni bawk Pi.M.Zohming-thangi IAS chuan Lunglei Dist. chhunga mipui vantlang tana muanna leh hriselna a thlen theih nan khapna thupek section 144 CR.PC 1973 (Act - 11 of 1973) dan tlawh chhanin thu chhuah ani. Tunlai hian Lunglei Town chhung ah Ui khuahkhirh/thlun loh a tamin Ui khuah khirhna dan (Prohibition Order) chhuah tawh a ni a, Vide No C.15016/2/2011/DCLLI) Dt.28.1.2011 hemi dan zawmlo te avangin Ui seh tirtu ten DC hnen ah Report an thlen tawh a Ui seh hi damdawiin a en kawl na man sang tak anih a vang leh mihring tan thihna hial thlen thei a nih avangin (1) Ui nei zawng zawng ten tha takin an thlung vek tur a ni. (2) Thupek zawmlova Ui chhuak hmuh anih chuan Police ten kah hlum phalna thu pek  an ni.
    He thupek hian Lunglei Dist. ah thu leh awmhma chuan thupek chhuah ni atanga thla hnih chhung a awh ang.

Lunglei Dist. Veteran team an champion

    Inter Dist. Badminton competition Kulikawna  Aizawla khelh mekah  Lunglei Dist. Veteran (45yrs)Team te an champion. Vawiin tlai atang hian individual events an khel leh ang. Lunglei Dist. atangin 35yrs Team leh Veteran Team te LDBA chuan a tir ve a, Veteran team-ah  champion an va ni thei hi Dist hming  an ti tha hle a a ni tiin, LDBA Secy. chuan kan palai a hrilh.

2nd Bn. MAP ten chand kap dawn

    Commandent 2nd. Bn MAP hnen a tanga thu kandawn dan in ni 21.3.2011 atanga chawlhkar hnih chhung 2nd Bn. MAP firing range Luangmual ah chand an kap dawn a, mitin te fimkhur tura ngen kan ni.