2011 Miss Chapchar Kut Lunglei atana thlan tak Nl. Vanlalhriati (20) hi Pu R. Lalrinkima leh Pi R. Lalhmachhuani te fa pathum zinga upa ber niin 3rd Aug, 1990 khan he khawvel eng hi a lo hmu ve tan a, an unau zinga hmeichhe awmchhun a ni nghe nghe.
Mahriati hi...........Poet ropui Lord Byron-a’n a poetry pakhata nula pakhat lamna hmuna a tawn chungchuang a phuahna kha min ngaihtuah chhuah tir zawk a, kha poetry “She Walks in Beauty” tiha chang hnihnaah khan,
“One shade the more, one ray the less,
Had half impaired the nameless grace”
“Hei aia ngo leh hang ni se,
A mawina zahve a kiam ngei ang”
tiin kha nula kha a sawi a. Chuti ang vel chu niin, Mahriati pawh hi a mawi tawk chiaha ngo leh hang a ni ti ila a tawk mai awm e.
Zirna lamah pawl 12 zir zo tawhin tunah hian 1yr B.A zir turin a inbuatsaih mek a, hun lo kal lehzel turah chuan Beutician ropui tak nih chu a chak leh a tum ber a ni bawk.
Kohhran lamah pawh a phak ang tawka inhmang ve thin niin BCM Lunglawn Kohhranah an chhungkua hi lawiin, BCM Lunglawm Pastor Bial Zawipawl member niin Suprano part a sa thin a ni.
Mahriati hian Sangthankima TNT leh Sonia Gandhi te a ngaihsan thu sawiin, Sangthankima chu mahni pawh ral raih ngam khawpa midang-te tana inpe a nih avangin a ngaihsan thu a sawi a, Sonia Gandhi chu Politics-a thawh-dan leh a beihdante chhuanawm a tih takzet thu a sawi. Mizo zaithiam zingah chuan Bethsy Lalrin-sangi leh Vanlalsailova te zaithiam a tiin a ngaisang bawk.
Miss Chapchar Kut Result puan lai khan a inrin lawk loh thu sawiin, mak tihnain a khat a. A rilruah a chhungte damlohna avanga Aizawla zin mekte lo lang nghalin Pathian hnenah lawm-thu a sawi nghal a ni.
Chapchar Kut hi Mizote Kut ropui ber, kan hnam kalphung leh ziarang tarlanna kan la chhawm nun zel a nih avangin a ngaihhlut thu Mahriati hian sawiin, Zofate kan awm chhung chuan Chapchar Kut hi hman chhunzawm zel nise tih a duhthu a sawi bawk.
Chapchar Kut hman zawh taka Miss atana thlan a ni chu a lawm takzet thu sawiin, vote thlaktu zawng zawngte chungah lawmthu a sawi a, Chapchar Kut Organising Committee leh MJA Lunglei chungah lawmthu a sawi a, Miss Chapchar Kut ni thei tura damna leh hriselna petu Pathian hnenah lawmthu a sawi bawk.
Miss Chapchar Kut a nih chhungin a theihtawpa nun uluk leh fimkhur taka hman chhoh zel a tum mai bakah, he nihna hian nasa takin a nun kawngah invawnna a neihtir tur thu a sawi bawk.
Mahriati hi...........Poet ropui Lord Byron-a’n a poetry pakhata nula pakhat lamna hmuna a tawn chungchuang a phuahna kha min ngaihtuah chhuah tir zawk a, kha poetry “She Walks in Beauty” tiha chang hnihnaah khan,
“One shade the more, one ray the less,
Had half impaired the nameless grace”
“Hei aia ngo leh hang ni se,
A mawina zahve a kiam ngei ang”
tiin kha nula kha a sawi a. Chuti ang vel chu niin, Mahriati pawh hi a mawi tawk chiaha ngo leh hang a ni ti ila a tawk mai awm e.
Zirna lamah pawl 12 zir zo tawhin tunah hian 1yr B.A zir turin a inbuatsaih mek a, hun lo kal lehzel turah chuan Beutician ropui tak nih chu a chak leh a tum ber a ni bawk.
Kohhran lamah pawh a phak ang tawka inhmang ve thin niin BCM Lunglawn Kohhranah an chhungkua hi lawiin, BCM Lunglawm Pastor Bial Zawipawl member niin Suprano part a sa thin a ni.
Mahriati hian Sangthankima TNT leh Sonia Gandhi te a ngaihsan thu sawiin, Sangthankima chu mahni pawh ral raih ngam khawpa midang-te tana inpe a nih avangin a ngaihsan thu a sawi a, Sonia Gandhi chu Politics-a thawh-dan leh a beihdante chhuanawm a tih takzet thu a sawi. Mizo zaithiam zingah chuan Bethsy Lalrin-sangi leh Vanlalsailova te zaithiam a tiin a ngaisang bawk.
Miss Chapchar Kut Result puan lai khan a inrin lawk loh thu sawiin, mak tihnain a khat a. A rilruah a chhungte damlohna avanga Aizawla zin mekte lo lang nghalin Pathian hnenah lawm-thu a sawi nghal a ni.
Chapchar Kut hi Mizote Kut ropui ber, kan hnam kalphung leh ziarang tarlanna kan la chhawm nun zel a nih avangin a ngaihhlut thu Mahriati hian sawiin, Zofate kan awm chhung chuan Chapchar Kut hi hman chhunzawm zel nise tih a duhthu a sawi bawk.
Chapchar Kut hman zawh taka Miss atana thlan a ni chu a lawm takzet thu sawiin, vote thlaktu zawng zawngte chungah lawmthu a sawi a, Chapchar Kut Organising Committee leh MJA Lunglei chungah lawmthu a sawi a, Miss Chapchar Kut ni thei tura damna leh hriselna petu Pathian hnenah lawmthu a sawi bawk.
Miss Chapchar Kut a nih chhungin a theihtawpa nun uluk leh fimkhur taka hman chhoh zel a tum mai bakah, he nihna hian nasa takin a nun kawngah invawnna a neihtir tur thu a sawi bawk.
No comments:
Post a Comment