Gauhati High Court Chief Justice Lungleiah lo kal dawn
Mizoram tlawha lo zin, Gauhati High Court Chief Justice, Justice Madan B. Lokur chuan naktuk hian Aizawl atangin Lunglei a rawn pan dawn a, zan dar 6: 30 pm-ah Circuit House Lunglei a rawn thleng ang. Naktip Inrinni zing dar 9: 30 hian District Court Lunglei a tlawh dawn a, hemi hnu hian Serchhip pan leh nghalin tlai dar 3:00-ah Serchhip Court a tlawh leh ang a, tlai dar 4:00-ah Serchhip hi chhuahsan lehin Aizawl lamah a kir leh nghal ang.
Gauhati High Court Chief Justice, Justice Madan B. Lokur hi R. Thanga Registrar, M. Lalrinsangi Asst. Registrar leh Lalngaihzuala Jr. AA. Gauhati High Court, Aizawl Bench leh a thawhpuite’n an rawn tawiawm dawn a ni.
Gauhati High Court Chief Justice, Justice Madan B. Lokur hi R. Thanga Registrar, M. Lalrinsangi Asst. Registrar leh Lalngaihzuala Jr. AA. Gauhati High Court, Aizawl Bench leh a thawhpuite’n an rawn tawiawm dawn a ni.
Bank Adalat buatsaih dawn
State Bank of India Lunglei Branch chuan ni 14.3.2011 hian BANK ADALAK a nei dawn a, he hunah hian Bank Loan rul tha lote tan rulhna hun remchang siamsak an ni dawn a ni. Hei bakah hian State Bank of India Lunglei Branch chian naktuk hian Agriculture Recovery Camp a nei dawn bawk a, he hunah hian Agriculture loan late tan rulhna hun remchang a siamsak bawk ang.
SADS ten Parvon mum 800 man
SADS Lunglei te chuan Malsawmkima (30) S/o Pachhunga Bazar Veng, Lunglei hnen atangin Parvon Spas mum 800, tualchhung rate-a Rs 20,000/- man hu chu an man sak a. Malsawmkima hian Haulang-a dawr pakhatah he damdawi hi fun thain, “Min lo kawl sak lawk rawh u” a ti ringawt a. Dawr neitu chuan ringhlelin Haulawng YMA hruaitute hnenah a report-a. YMA te chua an han enin Parvon Spas ni ngeiin an hria a, SADS (L) ah an rawn report leh a, SADS (L) te hian Parvon dahtu hi a Taxi MZ-02 A 0419 nen lo tidingin, report an dawn dan nen a incheina a inmil em avangin Excise-ah an pe ta a ni. Hetih lai hian Malsawmkima hi a rui hle nia hriat a ni bawk.
Vawiinah Lunglei leh Aizawl team
Vawiin chawhnu dar 1:00 atang hian Mizoram Women’s Hockey Championship 2011 chu Thuamluaia Mualah tan a ni dawn ta a. He rampum huap infiamna a tel tur hian Mizoram Dist hrang hrang atangin Infiammi te chuan nizan khan Lunglei an rawn thleng kim tawh a ni. Vawiin chawhnu dar 1:00-a Opening Function neih zawh a nih hnuah Lunglei Dist Women Hockey Team leh Aizawl Hockey team te an inkhel dawn a, Lunglei Team-ah heng mite hi an khel ang. F. Zohmingthangi College veng (Captain), Lalngaihsaki College veng, Malsawmtluangi College veng, S, Malsawmtluangi Electric, PC. Lalremruati Venghlun, Zosangpuii Venghlun, Zonunsangi Venghlun, Irene Lalrintluangi Venghlun, Lalnunsiami SAI, Lalbuatsaihi SAI, Lalnunfeli SAI, Ramengmawii SAI, Zonuntluangi Hnahthial, Laldingpuii Zobawk, Pekropuii Zotlang, R. Ramnunmawii Venglai te an ni a, Manager hi Lalrinsangi College Veng a ni.
BCM Assembly rorel vawiinah
BCM Rahsiveng Mizoram Baptist Kohhran Rorelna sang ber, Assembly vawi 115-na, Lunglei, Rahsiveng Biak Inah neih tan a ni ta a, vawiin hian nilengin rorel a ni ang. Assembly neih lai hian BCM Hqrs. Serkawn Office chu Assembly na lamah sawn a ni a, Serkawnah dawr theih a ni dawn lo a ni.
MZP Lungleiin Pu Zothana an thlah
MZP Hqrs. Lunglei chuan nimin khan an Pisa Puiah an Adviser Pu K. Zothankhuma Aizawl lama pem tur thlahna hun an hmang a, he hun hu K. Lalsanglura Vice President MZP Hqrs. Lunglei chuan a kaihruai.
He hunah hian Lalbiakchhunga Ralte, President MZP Hqrs. Lunglei chuan thusawina hun hmangin, Pu Zothana’n MZP tana a thawhhlawk thin zia thu leh MZP Hqrs. Lunglei khaiding thin tu a nih mai bakah a hma lo lak tawh thinna hrang hrangte sawiin, MZP chuan uiin la thlahlel hle mahse, hmun dang an awm dawn tak avangin thlahna hun hman loh theih a ni lova, mah se MZP Hqrs. Lunglei chuan Pu Zothana chu a hrereng tawh dawn a ni, tiin amah thlahnaah hian a sawi.
Dr. K. Pachhunga Adviser MZP Hqrs. Lunglei pawhin, Pu Zothana uina leh thlahna thu sawiin, hun hun rei tak chhung MZP Hqrs.ah Adviser an lo nih dun tawh mai bakah, Lunglei tana hmasawnna tur kawnga a theih tawka a hma lo lak tawhnate sawiin, Aizawl lama an chhungkua an pem mai tur a ui takzet thu a sawi.
MZP ten an thlah an Adviser Pu Zothana pawhin thusawiin, MZP Hqrs. in tunhmaa hma an lo lak tawhna thinte sawiin, a lunglen thlak thu a sawi a. Aizawl lamah awm tawh dawn mahse, MZP Hqrs. Lungleiin mamawhna an neih chuan engtik lai pawhin a inhuam reng thu sawiin, Aizawl lamah pawh MZP Hqrs. Lunglei tan tangkai taka awm zel a tum thu a sawi.
MZP ten an Adviser an thlahnaah hian MZP Hqrs. Lunglei hruaitu leh member dangte pawhin Pu Zothana thlahna leh uina thu an sawi hlawm bawk. Pu Zothana hian vawiin tlai hian Lunglei chhuahsanin Aizawl lam hi a pan tawh dawn a ni.
He hunah hian Lalbiakchhunga Ralte, President MZP Hqrs. Lunglei chuan thusawina hun hmangin, Pu Zothana’n MZP tana a thawhhlawk thin zia thu leh MZP Hqrs. Lunglei khaiding thin tu a nih mai bakah a hma lo lak tawh thinna hrang hrangte sawiin, MZP chuan uiin la thlahlel hle mahse, hmun dang an awm dawn tak avangin thlahna hun hman loh theih a ni lova, mah se MZP Hqrs. Lunglei chuan Pu Zothana chu a hrereng tawh dawn a ni, tiin amah thlahnaah hian a sawi.
Dr. K. Pachhunga Adviser MZP Hqrs. Lunglei pawhin, Pu Zothana uina leh thlahna thu sawiin, hun hun rei tak chhung MZP Hqrs.ah Adviser an lo nih dun tawh mai bakah, Lunglei tana hmasawnna tur kawnga a theih tawka a hma lo lak tawhnate sawiin, Aizawl lama an chhungkua an pem mai tur a ui takzet thu a sawi.
MZP ten an thlah an Adviser Pu Zothana pawhin thusawiin, MZP Hqrs. in tunhmaa hma an lo lak tawhna thinte sawiin, a lunglen thlak thu a sawi a. Aizawl lamah awm tawh dawn mahse, MZP Hqrs. Lungleiin mamawhna an neih chuan engtik lai pawhin a inhuam reng thu sawiin, Aizawl lamah pawh MZP Hqrs. Lunglei tan tangkai taka awm zel a tum thu a sawi.
MZP ten an Adviser an thlahnaah hian MZP Hqrs. Lunglei hruaitu leh member dangte pawhin Pu Zothana thlahna leh uina thu an sawi hlawm bawk. Pu Zothana hian vawiin tlai hian Lunglei chhuahsanin Aizawl lam hi a pan tawh dawn a ni.
No comments:
Post a Comment