Sony Ericsson Open Miami hmuna khelh mek, hmeichhe lamah World World No. 1 Caroline Wozniacki chuan fourth round paltlang zo lovin Andrea Petkovic lakah 7-5 3-6 6-3 in a tlawm a. Set khatnaah an inhnehtawk hle laiin Andrea Petkovic hian vanneih thlak takin 7 - 5 in hnehna a chang hlauh a, second set an khelhah harsa lem lo takin Caroline Wozniacki hian 6 - 3 in hnehna chang ve leh bawk mahse, third set-ah Andrea Petkovic hian second set-a a chak lohna ang bawkin Caroline Wozniacki hi 6 - 3 a hneh let ve lehin hnehna a chang ta zawk a ni.
Wozniacki hian a khingpui Andrea Petkovic chu a khelh that takzet thu sawiin, a hmalam huna a khelh leh turah duhsakna a hlan a. Hetih rual hian Wozniacki chuan, “Hunawl tlem neiin zalen takin hun ka hmang thei dawn a, hahchawl pahin duh leh beach-ah te hun ka hmang ve rih mai mai a ni ang chu” a ti.
Petkovic hian sixth seed Jelena Jankovic chu quarter-finals ah a hmachawn leh dawn a, Jankovic hian quarter final lut tur hian Anabel Medina Garrigues, Spain mi chu 6-1 6-3 in awlsam tein a hneh a ni.
No comments:
Post a Comment