Bryan Adams-a’n a Asst. lakah fa a hring thuai dawn

    Vawiin hian Hollywood Walk of Fame-ah stars engemaw zat lakluh an ni  dawn a, an zinga hian Colin Firth, Donald Sutherland, Adam Sandler and Alec Baldwin te ho pawh an tel. Lakluh inkhawmah hian chawimawina hlan tur leh perform tur an awm bawk a, an zinga langsar ber chu rocker Bryan Adams a ni a, he inkhawma tel vek tur hian mi zawng zawng an sawm thu a website-ah tarlan a  ni. Bryan Adams hi kum 51 mi a ni tawh a, a personal Assistance Alicia Grimaldi chuan an fa a pai mek a, kumin May thlaah a hring dawn tih a puang.

    Kum khat kalta vel atang khan Grimaldi nen hian an inkawp thu leh an chen dun tawh thu TV show 'Entertainment Tonight Canada' in an kawmnaah Bryan Adams chuan a sawi a, chhungkua din an tum thu pawh a sawi nghal a ni. Hetiang ang thu a darh mek lai hian, Bryan Adams laina hnai tak pakhat chuan, In khatah chuan an cheng a, a PA a ni miau a, mahse, hetianga an inkawp thu erawh hi chu an chhungkhat hnai tak tak te pawhin an hre lo a ni, a ti.