AFC Challenge Cup 2012 Qualifying khelhah India chuan Turkmenistan chu 1-1 a drawpuiin, Group B-ah hneh loh pakhatmah nei lovin Group champion an ni a, Semi Final an inhlangkai a ni. Group- B-ah hian-ah hian Turkmenistan leh India te hian hneh loh nei lovin point 7 ve ve an hmuh mai bakah goal diffrerene-ah pawh in ang chiahn +5 an ni.
He inkhel-ah hian India ram Senior team tana a vawikhat feh-chhuahna che tha tak, Mizo tlangval Jeje Lalpekhlua’n goal thun lehin, Jeje-a hian AFC Challenge Cup 2012 Qualifying match 3 an khelhah goal a thun kim vek mai bakah, goal 4 zet a thun tawh a ni.
Chanchinbu lam leh Internet Website lamah pawh Jeje-a hming hi a langsar hle a. Pune FC Striker Jeje-a’n International career atan hetianga Insia senior team tan vawikhat koh a nihna leh vawikhat a tel vena awmchhuna a che tha chho zat leh an khelh a pianga goal a thun zel mai chu a ropui an ti hle. Amah Jeje-a pawh hian, theihtawp ka chhuah ang a, ka hmalam hunah hun tha zawk a lo inherchhuah zel ka beiseiin, India National Team tan hian player tangkai tak nih chu kum tam tak chhung atana a tum a nih thu a sawi bawk.
India hian final rounds of the 2012 AFC Challenge Cup khel turin an tling tawh nghe nghe.
India Starting Lineup-ah hetiang hi a ni: Subrata Paul (c); Denzil Franco, Anwar Ali, Raju Gaekwad, N.Mohanraj; Joaquim Abranches, Jewel Raja, Shilton D’Silva, Syed Rahim Nabi; C.S. Sabeeth & Jeje Lalpekhlua
No comments:
Post a Comment