Voice SMS thawn duh tan

    Thil pakhat kan hmelhriat ve tawh tho si, a taka hmangtu erawh la tam vak lo, Airtel Sim Card hmangtute tana Voice SMS thawn dan chungchang hi a ni.

    Mizoramah Korean Film thlipui a tleh a, Hollywood leh Bollywood film ai mahin kan \halaiten an lawmin an enduh zawk a,  Korean film ngainatute zingah lah \halaite mai pawh ni lo, a bik takin, nu hovin hmuhawm an ti zual niin a hriat bawk.

    Korean Film kan en a\anga kan zir chhuah tam tak zingah chuan an incheina leh an sam tih dan hi kan \halaite zingah hmuh tur a tam hle. Hmeichhe hovin Korean style incheina an uar thar em em a, chutih laiin mipa pawhin kekawr zuih tak tak hak leh sam zuah an uar hle anih hi.

    Engapawh nise, helam hi kan sawi tur em em pawh a ni hran lovin, Korean Film a ni emaw, Bollywood emaw Hollywood emaw pawh nise, film kan en \hinah thil pakhat an hman uar em em chu Voice SMS hi a ni awm e.

    Mi tuin emaw, mi a va biak dawnin, an biak duha te kha biak a lo remchang lo va, Voice SMS hnuchhiah mai turin an ti \hin a. SMS a thu (Text) a inthawn mai lovin, \awngka ngeiin an inthawn \hin tih kan hmuin kan hre \heuh awm e.

    Mizoramah erawh hi chuan Voice SMS hi kan la hmang lar lutuk lova, SMS  a thu (Text) hian kan inthawn tlangpui \hin a. |halaite phei chuan SMS Pack thunin, SMS hi an hmang lar hle \hin a ni. Kawng lehlamah chuan SMS Pack thun hi a man a tlawmin a \angkai ve fu mai.

    Airtel Connection hmangtute tan Voice SMS a thawn theih tih hi kan hre tawh \heuh chuan  ka ring a. Chutih lai chuan mi thenkhatten a thawn dan kan thiam laiin \henkhatte chuan an thiam ve kher lo thei bawk. Tin, thawn thiam ringawt pawhin a ngaihthlak dan a thiam loh ve theih bawk. Voice SMS thawn dan leh ngaihthlak dan, Airtel connection hmangtute tan, hote mah nise ka han tarlang ve hrim hrim teh ang.

    Voice SMS i thawn duh telephone no. hmaah khan star sign (*) hi i chhu hmasa ang a, chumi hnuah an telephone no. kha chhuin i dial (call) ang. (e.g. *9862143537). I ngai thla ang a, Information a rawn sawi ang a, chumi hnuah, Voice SMS i thawn duh thu chu i sawi tawh mai dawn a ni. Amah (automatic) in i \awng/aw (Voice) chu a lo in record ang a, i sawi duh i sawi zawh hnuah i phone chu i off tawp ang a, amahin Voice SMS chu a inthawn tawh mai dawn a ni.

    Voice SMS i dawng anih chuan, “Hi! I have sent you a Voice SMS . Please dial * 0* to listen for Free..................” tih inziak i dawng ang, a rawn sawi ang hian *0* dial-in i ngai thla ang a, Voice SMS rawn thawntu che thusawi (Voice) chu i hre tawh mai dawn a ni. Voice SMS thawn man hi vawi khat thawnah 75 paise i chawi ve erawh angai ang.

    A chunga ka han sawi lan takte hi thil hote mah ni se, hre lote kan la awm mial takah, kan hmang ve chhin duh anih chuan tih thilah ka han ziak lang ve hrim hrim a ni.