Central YMA leh Disaster Management & Rehabilitation Department tangkawpin ni 21 - 23 June 2010 nimin atanga Art & Culture Auditorium-ah Lungleiah Training an buatsaih tur chu thulh a ni.
He training buatsaih tur thulh anih chhan chungchang kan palai chuan chhui nghalin, DM&R, DC Office-ah thil awmzia a zawtfiah a. DM&R a thawktute chuan, training petu turte hi 1st Bn. NDRF (National Disaster Respond Force) Guwahati te an niin, YMA lamin an lo Response danah thil fuh tawk lo awm nia thu an dawn thu an lo hrilh a. Amaherawhchu, thil awmdan zawt chiangin, Director Disaster Management Mizoram Pu. V. Sapchhunga pawh telephone hmanga biakpawh a ni a. Pu. V. Sapchhunga chuan, “1st Bn. NDRF (National Disaster Respond Force) Guwahati te hian Assam-ah tuilian an tuar avangin an haw leh nghal hmanhmawh a, chuvang chuan nei ta lo niin niin an insawi ” a ti.
Hetih lai hian YMA Sub. Hqrs. te chuan inbuatsaihna theihtawpin an kalpui a, Circuit House pawh, Central YMA hotute riahna tur pawh an book lawk vek tawh a, 1st Bn. NDRF (National Disaster Respond Force) Guwahati te riahna tur pawh an lo buatsaih sa vekin, Art & Culture Auditorium hman man tur pawh ni thum atan Rs 3000/- an lo pe lawk tawh nghe nghe a ni.
He Training thulh anih tak avang hian kumin kum tawp lamah daih hetiang training Sesawnga neih turah chhim lam aiawhte koh phei ve leh tum chauh an ni ta a ni.
No comments:
Post a Comment