Public Information Campaign kal zel Sorkar hmalakna mipui ten an zawhfiah.

Public Information Campaign thawh 2-na chu Tawipui ‘S’ Community hall ah neih a ni a. Khuallian S Laldingliana Parliamentary Secy. chuan Photo Exhibition hawngin Inkhawm tan nghal a ni a, he inkhawm hi Pu L.Ch. Sailo Director AIR Aizawl in a kaihruai a, khuallian chuan PIC hawnna a neih zawhah thu sawiin  India sorkarin miretheite thleng phak tur scheme chi hrang hrang a siam chu khaw hrang hrang ten an chhawr tangkai zel a, Public Information Campaign awmzia ber chu mirethei leh harsa te India sawrkarin khaichhuah a tumna kawng hrang hrang puanzar na a ni tiin mipui ten kan tana sorkar hmalakna JNNURM, NRHM, RGGVY, ect te kan hriat chian loh chuan  atangkai tur angin kan chhawr tangkai thei lovang a ti.

    Mizoramin hmasawnna tak tak nei tur chuan khawpui ringawt a thang tur a nilo  tih sawiin khuallian chuan thingtlang pawh a thang tur a ni a ti a. A sawi zel na-ah NLUP chungchang sawiin pawisa pawh neih vek tawh ni mahse a dawngtu tur mipuite an la inpeih loh avanga sem loh maia nih thu sawi langin mipui ten kan dawnthleng kan la dawh lei avangin inher rem a ngai a, a dawngtu tur mipuite rilru siam hmasak a, tu leh fa te thleng a eizawnna ngelnghet nei thei tur khawp a NLUP hi hmang thei tur a kan inbuatsaih a ngai a ni a ti. Sorkar hruaitute hian NLUP hi a hlawhchham ang tih kan hlau hle a, NLUP a thawktu te pawhin mutmu pawh tuah mumal hman lovin an hmanhlel hle a ni, chuvangin mipuite hi a pawimawh ber leh Sawrkar ingnghahna kan ni a, rorelna dik nei turin Politician tha, mipui tha kan mamawh a, chumi ni thei tur chuan theihtawp i chhuah ang u a ti.
    Khualzahawm C. Lalhma-chhuana BDO Lunglei pawhin thusawiin Sorkar chuan hmasawnna hnathawk turin theih tawp a chhuah mek a, Scheme awmsa bakah PURA- Provision of Urban Amenities Scheme hi siam thuai tur a beisei niin he scheme hmang hian thingtlang khua in rotling thil tha tak tak an neih ve theih nan hma lak mek a ni. India sorkarin mirethei te tana hmalakna a siam hi tha tak leh rinawm taka kan thawh chuan mirethei inchawm zo lo te pawhin eikhawp hmuh phah nan kan hmang thei vek a nia ti bawk. Khualzahawm dang H .Thanliana VCP Tawipui ‘S’ pawhin thu sawiin hun engemawchen kal ta atang khan Tawipui chu a hmasawn lo zawng in, alet zawngin a kal a, hmasawnna a neih tur Rural Bank te pawh laklet a ni a, Chutianga lungngai taka kan awm lai chuan tun sorkar thar hian hma rawn la tharin hmalampanin kan kal ve leh ta a a lawmawm em em a ni. Tawipui khua a chenna in neilo ten an neih vek theih nan hmalak mek a ni a, di in chung pawh rangva a khuh vek turin sawrkar chuan hma min laksak mek bawk a ni a ti.
    Public Information Campaign Tawipui ‘S’ a neih ah hian zaithiam hrang hrang zaiin Song  and Drama Troupe Aizawl te pawhin Cheraw hmuhnawm tak an en tir bawk a ni. Chawhnu lamah Technical session neih leh niin he hun hi F. Lalngaihzuala Secy. Info. MJA Lunglei leh Lalrintluanga Khiangte Vice President MJA Lunglei ten an kaihruai a, Flagship Programme hnuaia Scheme hrang hrang atanga Resource person ten thusawina neiin mipui lam atangin zawhna leh chhanna hun hman a ni bawk a ni.