Vawiin tlai khan Zoram Driver’s Union (ZDU) sub. Hqrs. Lunglei hruaitute chuan an Office-ah tualchhung chanchinthar lakhawmtute kawmna hun hmangin, he hun hi, Pu. C. Lalhnehzauva, President, ZDU Sub. Hqrs. Lungleiin a kaihruai a ni.
He hunah hian ZDU hruaitute hian Lunglei - Thenzawl - Aizawl kawng siam mek chungchanga an hnathawh dan tha leh kawng siam nana an hmanrawn hman tha tawk lo nia an hriat chungchang Press mite hi an hrilh a ni.
He kawnga Culvert an siam thenkhatah te chuan Balu tha hmang lovin, Balu leh lei an chawlhpawh thu an sawi a, hei bakah hian Zotui kawng phei siam meka leivung an dahte chu ngaihmawhawm an tih thu an sawi. Hei bakah hian tunlai hian Zotlangah pawh Balu tha lo an chhek mek niin an sawi bawk.
Lunglei - Thenzawl - Aizawl kawng siam mekah kawng an siam zawh tawh si hmun thenkhatte chu an kawng siamna hmanrua a that loh avangin a chhe leh nual tawh a, Mausen khaw bul hnai phei chu a chhe leh nasa tawh hle a ni an ti.
Hei bakah hian Tlawnglei hlauhthawnawm khawpa khi ruak maite chu World Bank lama enkawltuten a “Bearing that loh avang a ni” an ti chu ZDU chuan an Balu hman a that loh vang zawk nia an ngaihthu an sawi bawk.
He kawng hi siam zawh pawh nise, an kawng siam danah a lungawi thlak lova, kawng tha leh rinawm, daihrei leh tlo tur anih loh chuan hawn tum mahse, hawn an phal dawn loh thu sawiin, kawng tha kan neih theihna tur anih chuan theihtawp chhuah zel an tum thu Press mite hi an hrilh a ni.
Tin, he kawng siam hna thawh meka World Bank Project enkawltute, Pu. Sawmvela, Project Director, World Bank Project, Mizoram PWD leh Pu. David Sapzova te chu he kawng enkawl tura mawhphurtu ni tawh lo se an duh thu an sawi bawk.
No comments:
Post a Comment