World Cup Finalists : The Netherlands

    The Netherlands in World Cup champion hmasa ber Diego Forlan leh a hote hneh a World Cup final an lut ta chuan, ngaihven an hlawh thar a, Final hruai thleng theitu an coach Bert van Marwijk (57) chu tunge a nih? tiin an ngaihven nasa zual. Hepa hi Dutch mi a ni a, football khel thiam Netherlands teamah pawh lo khel tawh thin a ni. Kum 1988 khan players atanga chawlin coaching lamah a kal a, kum 2002 khan Feyenoord chu UEFA Cup a lak pui.

    Netherlands hi Holland tia hriat a ni bawk a, he rama chengte hi Dutch an ni thung. Football-ah hian an thawh hlawk hle a, players tha tak tak lo chhuahna ram a ni satliah mai lova, Total Football rawn tichhuaktute an ni. 1970's daih tawhah khan Holland club Ajax atangin hman tan a ni a, an playmaker Johan Cruyff leh an ram coach Rinus Michels te chuan Holland team-ah an seng lut a, heta tang hian total football chu khawvelin a lo hmel hriat a ni.
    Johan Cruyff, Marco van Basten, Ruud Gullit, Rijkaard, Koeman, Dennis Bergkamp, Marc Overmars, Edwin van der Sar, Patrick Kluivert, Edgar Davids etc... te ho lo chawr chhuahna ram a ni a; players tha tak tak an neih thin bakah coaching lamah hian Holland hi an hausa a, khawvel hmun hrang hrangah coach tha tak tak an thelh sung mai a ni. South Korea WC semi finals thlen puitu pawh Dutch coach a nih kha.
    FIFA ranking-ah 4na an ni mek a, an san lai berin 2 an ni tawh.  An hniam lai berin 25. World Cup-a kal tawha an record hetiang hi a ni : Netherlands World Cup History:
1934 – First Round, 1938 – First Round, 1974 – Final, 1978 – Final
1990 – Second Round, 1994 – Quarter-Finals, 1998 – Semi-Finals, 2006 – Second Round.
    Tun hi finala an luh vawithumna a ni a, champion lo bawkin an awm leh dawn nge WC an chawi ve tawh dawn tih chu tun kar tawpah a hriat mai ang.
    Kum 1974 khan Holland hian Brazil leh Argentina te hnehin a vawikhatna a tan final an lut a, hemi tum hian West Germany nen finalah an in su a, Germany lamin ball vawikhat mah an deh hmain Johan Neeskens an penalty a hlawhchhuak a, chu chu goal-ah chantir a ni a, 1-0 a hma an hruai hnuah Paul Breitner leh Gerd Muller te goal hmangin West Germany hian 2-1 a leh thalin an champion daih.
    Kum 1978 World Cup-ah final an lut leh a, hemi tum hian bul an tan tha lo khawp  a, an star player tur Johan Cruyff, Willem van Hanegem, Jan van Beveren te hovin ram tan hian an khel duh lo. Group stage-ah Scotland an hneh lova, Peru an draw a, runners-up niin second group phase an lut a, final lut chhovin Argentina nen an intum a, hun pangngaiah 1-1 a in draw in, hun pekbelh-ah goal lut a awm lova, penalty hmanga chak zawk zawnnaah 3-1 in an chak lo a ni. Heng final an luh tumte hian an bitum te hi a thlengtu ram ve ve an ni a, kumin World Cup-ah chuan a thlengtu ram ni lo nen final an khel dawn ta a ni.
Goalkeepers: Maarten Stekelenburg, (Ajax), Sander Boschker (Twente), Michel Vorm (Utrecht)
Defenders: Khalid Boulahrouz (VFB Stuttgart), Edson Braafheid (Celtic), Giovanni van Bronckhorst (Feyenoord), John Heitinga (Everton), Joris Mathijsen (SV Hamburg), Andre Ooijer (PSV Eindhoven), Gregory van der Wiel (Ajax);
Midfielders: Ibrahim Afellay (PSV Eindhoven), Mark van Bommel (Bayern Munich), Nigel de Jong (Manchester City), Stijn Schaars (AZ Alkmaar), Wesley Sneijder (Internazionale), Rafael van der Vaart (Real Madrid), Demy de Zeeuw Ajax);
Forwards: Ryan Babel (Liverpool), Eljero Elia (SV Hamburg), Klaas Jan Huntelaar (AC Milan), Dirk Kuyt (Liverpool), Robin van Persie (Arsenal), Arjen Robben (Bayern Munich)