College veng leh Venghlun kawng siam dan tur niminah en: Nimin khan Lunglei Govt. College leh College veng pan thlakna motor kawngpui chhuk tak chu a aia chhuk lo, zal deuh zawka siam theih dan tur a hmuna kalin Pu. Joseph Lalhimpuia leh hemi kawng chungchanga hmalatu Engineer te bakah a mah tawiawmtute chuan an en a, hetih rual hian Thuamluaia Mual atanga Venghlun lam pan pheina pawh motor kawngpui sial tlang tura ruahmanna kal meka hmalak dan tur leh hna thawh dan tur pawh an en nghal bawk. Hemi kawng siamna atan hian Lunglei Police quarter pahnih phei chu thiah a ngai dawn a, Lunglei Government College Principal quarter thlang lam pawh kawngpui zauhna tur a tan hian laih angai dawn a, hei hi thuneitute lamah tih fel vek tawh niin Pu. Mahima chuan a sawi.
MNF Sub.Hqrs. in an hriattir: MNF Sub Hqrs. Lunglei chuan hriattirna chhuahin September thla chu Mizorama Kohhran hrang hrangte Beirual thla a ni a, hei vang hian MNF Unit/Group/Block te Kohhran Programme tibuai zawnga Programme siam lo turin an hriattir a ni.
T.T Tournament buatsaih dawn: Tunkar Inrinni hian Rahsiveng Indoor Stadium-ah Lunglei Dist. Table Tennis Association chuan Catch Them Young Policy bawhzuiin Oneday T.T Tournament a buatsaih dawn a, Cadet & Sub Junior Boys & Girld-ah te in elna neih a ni ang. Quarter Final thleng chin tan lawmman a pawisa faiin an dawng vek ang. Entry hi Pu. Lalrinsanga Chhanga Secretary LDTA hnenah tunkar Ningani ral hma hian inhriattir tur a ni.
Mobile rutu man: Pi. C. Lalawmpuii Lungpuizawl a mi chu Inriini zing khan Lunglei Bazar (Super Market) pengah a din laiin a bag chhunga a Mobile Handset chu Lalduhawma (25) S/o Lalchhandama Chan mari - II chuan a ruk sak a, Lunglei Police ten thil rutu Lalduhawma hi man tawhin u/s 379 hmangin case an siam sak nghal a ni.
Current-in man hlum: Inrinni khan Lalremruata (14) S/o Vanlalmuana Mualthuam South khua chu Electric man avangin a thi. Lalremruata hian Inrinni hia sava vekin Mualthuam South leh Mualcheng inkar ramah a kal a, a sava vehna lamah thing luang zawkin thing luang chung lawka electric hrui chu hmu lovin a tawng palh a, electric chuan manin a thi zui ta a ni.
No comments:
Post a Comment