Rimawi a sum lalut tam Forbes in a tihchhuahah chuan,kum khat kalta chhunga sum hailut hnem ber chu Irish band chuai thei lo U2 an ni a, an vocalist Bona hnungzang na avanga Glastonbury Festival-ah an perform thei lo chung pawhin pakhatna an ni tho. Thla 12 kalta chhung khan dollar maktaduai 130 zet sum an hai lut hman. An sum lakluhna lian ber chu an album thar No Line on the Horizon support na a tana an tour chu a ni. Tour a ticket hralhna atanga an sum ringawt hi $ 10m zet a tling a, an record hralhna leh sumdawnna an neih chi hrang hrang te atangin sum hi an lalut a ni.
AC/DC in an dawt a, dollar maktaduai 114 an lalut a, Beyounce Knowles dollar maktaduai 87 laluttu chu pathumna a ni. Beyounce pasal Jay-Z chuan parukna luahin dollar maktaduai 63 a a lalut a, an nupa hian kum khat chhungin dollar maktaduai 150 zet an hailut hman tihna a nih chu.
An ni baka Top 10 a lang phak chinte : Bruce Springsteen $ 130m, Britney Spears $ 64m, Lady Gaga $ 62m, Madonna $ 58m, Kenny Chesney: $50m, Black Eyed Peas/Coldplay: $48m ve ve.
Sum lalut tam top 10 zinga lang ve nawlh Lady Gaga (24) chuan, New York a Hampton area-ah In lei a tum a, pound maktaduai 18 man zet a tling. He In a en mekah hian bedroom 8 a awm a,. Swimming pool leh Tennis Court te, tuipui kam thlirna tur hmun nuam tak takte a awm a ni. A lei a nih chuan Madonna nen an inthenawm dawn tihna a ni mai.
No comments:
Post a Comment