Zanin hian EPL match hmuhnawm tak leh an khel kan hmuh chak tawh em em, Manchester United chuan EPL a rawn in pet kai ve leh ta, mikhual vak em em hran tawh lo, Newcastle United an lo mikhual dawn a, Season tharah Newcastle tan hian EPL an rawn kai thar leh tum a nih avangin Manchester United khelh hi a chakawm tawh hle ang tih a rin theih. Hetih rual hian an tan chuan United hmachhawn nghal hi thil huphurhawm tak pawh a ni tel thei tho awm e. Michael Owen atan, a Club hlui lo mikhual hi a chakawm tawh hleiin a rinawm bawk. Kan hriat tawh angin Season hmasa khan Newcastle hi Championship lamah khelin, EPL atanga an tlak hnuah Championship-ah season khat chiah an awm hman tihin EPL-ah an rawn inhlangkai ve leh ta a ni.
Manchester United inkhel tur hi a nghahhlelhawm tawh hle a. Players thar te inkhel hmuh a chakawm tawh mai bakah, an players inhliam avanga khel thei lo Michael Owen pawh a rawn khel chho leh thei tawh a ni. Mual chhunga an chetla lai hmuh a chakawm tawh hle.
Zanin zanlai dar 13: 30-ah ESPN-ah live-a en theih a ni ang. Zan hi rei deuh tawhin inkhel tlai mah mah ti mah ila, a nghak peihte tan chuan mit erawh a tlai hle ang tih i ring phawt mai teh ang u.
No comments:
Post a Comment