Mizoram atanga Tripura Refugee Camp-a Bru raltlan laklet lehte Lunglei Dist. Bru dah tur chungchang Core Commtt. chu an chairman Pi. M. Zohmingthangi IAS, Lunglei DC kaihhruaina hnuaiah meeting neih a ni a, Lunglei District. chhunga Putlungasih-ah Bru chhungkaw 268 te chu dah turin State Level Committee-in a tih chungchang ngaihtuah ho a ni a. Hemi chungchangah hian Putlungasih MSU te chuan Ram leh Hnam tan a him zawk theih nan chhungkaw 268 te chu Putlungasih-ah vek dah lova a hmaa an awmna hmunah theuh dah kir leh turin ngenna an siam chungchang pawh sawi ho a ni a. Mahse, hei hi State Level atanga tih leh ruahmanna a nih avangin Dist. Level-ah chuan engmah tih theih an neih loh thu sawi ho a ni. Putlungasih-a Bru chhungkaw 268 awmna tur hmun hi tun thla tawp hian Lungsen BDO hnuaiah NREGS hnatlang hmangin samfai nise tih a ni a, February chawlhkar hmasa berah Department hrang hrang ten a ho hova endik (Joint Inspection) neih leh tura tih a niin, hemi hnu hian Deptt. hrang hrang ten thil tul buaipui ngai awm tur hrang hrangte Project an siam leh dawn a ni. Engtik hunah nge Bru chhungkaw 268 te hi lakkir an nih dawn tih erawh hriatchian theih a la ni chiah lo a ni.
Subscribe to:
Post Comments (Atom)
No comments:
Post a Comment