Minister-in LAD Park tur atana rawt hmun a tlawh dawn: Lungleia cham mek, Pu. PC. Lalthanliana LAD & Social Welfare Minister chuan vawiin chawhma dar 10:00 hian LAD Park tur atana rawtna awm, Pukpui hmun a mi chu a tlawh dawn a, naktuk hian Trirteenth Finance Commission Training A&C Auditorium-a neih turah khuallian niin a hmanpui ang. Naktip Nilaini hian Lunglei chhuahsanin Aizawl lamah a kir leh tawh dawn a ni.
Snooker Assn. hruaitu thar thlang: Inrinni khan MJA Lunglei kaihhruaina hnuaiah Snooker Assn. hruaitu Saikuti Hall 3rd Floor-ah inthlanna neih a ni. President: Lallianzuala Chanmari, Vice Pre: Lalnunsanga Pachuau Chanmari, Secretary: David Lalramhluna Chanmari, Treasurer: J. Lalramhuala Electric Vengte an thlang. Hruaitu thar leh hlui te hian tunkar chhungin charge inhlanin, hei bakah hian hruaitu post dang awm te hi an thlang nghal ang.
Kohhran Upa pathum thlang tling: Nimin khan BCM Zion, Ramthar Kohhran chuan Kohhran Upa Thlan inkhawm an nei a, Kohhran Upa pali (4) thlan turah mi 3 thlang tlingin heng mite hi an thlang. Pu V. Khualina, Pu. C. Thangdula leh Pu. Lalchhanhima Fanchun te an ni. Nimin vek hian BCM Zotlang Kohhranah Kohhran Upa thlan Inkhawm hi neih niin, Upa panga (5) thlang thei an nih laiin, an vote hmuh a inrual tlang hlawm a, vote tla zawng zawng zatve tlin nan hian hmuh angaih avangin Kohhran Upa tur hi an thlang tling zo lo a ni.
MICLUN Office-ah kalkhawm tur: MICLUN Sub Hqrs. Lunglei chuan, Rubber Project Vuakmual rama lut tur zawng zawngte chu vawiin chawhma dar 11:00 ah MICLUN Sub. Hqrs. Lunglei Office-ah kalkhawm vek tur leh Rs 100/- theuh keng turin a hriattir a ni.
Zobawk bulah Airforce hmunpui:
No comments:
Post a Comment