Champions League Semi Final nizan hmasa khan 1st leg khelh zawh a ni ta a. English Champion Quarter Final atanga lo pet thla tawhtu, Bayern Munich chuan an mikhual Lyon chu 1 - 0 in an lo hneh a ni.
He inkhel hi game a tang tha et awtin an game play a hmuhnawm hle. An inhnehtawk em avangin inkhelh hun chanve chhung phei chuan a tu lam ve ve mah hian goal an thun thei lo ve ve nghe nghe a ni.
Hetianga inhnehtawk tak an nih naklai hian inkhel tan atanga hun chanve em pawh a la zawh hma, minute 36 naah Bayern Munich thiampuipa Ribery chu Red Card hmanga hnawhchhuah a ni zui nen. Lyon hian hnehna an chan theih mai a rinawm hle a. Mahse, hun chanve chhung hi chuan goal a lut ta chuang lo a ni.
Anni club hnih inkhel hi thluak game takmeuhva inkhel an ni bawk a, Bayern Munich hian players 10 chiaha an khel reng bik anih chuan an chan a tha lo zawk a ni tih hrerengin, Lyon lamin Red Card an hmuh ve ngei theihna tura chet thawh lehin an tumah an hlawhtling a tih loh theih loh. Toulalan chuan minute 50 naah Yellow Card a hlawh chhuak a, minute 3 chiah a liam hman tihin minute 53 naah Red Card hmanga hnawhchhuah a ngai ve zui ta nghe nghe a ni.
Hetiang deuh chiah hian Bayern Munich hian Manchester United
quarter Final-a an hmachhawn tum pawh khan thluak game khelin Rafael kha hnawhchhuah a ngaih phah a, Champions League Semi Final an in hlankai theih phah anih kha.
Bayern Munich hian Ribery nei tawh lo mahse, ani tluk thova hlauhawm Robben an nei thova, Lyon lam chuan veng hneh lovin minute 68 naah Robben chuan he inkhela goal awmchhun leh an chakna goal ni tur chu Lyon lamah thunin, Bayern Munich chuan 1 - 0 in hnehna an chang ta a ni.
No comments:
Post a Comment