"Kan police te hi an chhuanawm a, a chhawrtu leh enkawltuten an zir chuan tha taka hnathawk thei an ni" - R. Lalzirliana, Home Minister

Vawiin April ni 14 April chawhma dar 11:00 khan Lunglei rawn tlawhtu Pu R. Lalzirliana Home Minister chuan Congress Bhawan tlawhin a puala vantlang in

khawm buatsaih Pu C. Robuanga Vice President LDCC kaihhruai chu hmanpuiin thusawina a nei.

Home minister Pu Zira chuan thusawiin, kan ho tuten an lo sawi tawh angin Lunglei hi Mizoram kawtchhuah tur a ni a, inthlan dawna mipuite hnena au hlaa kan lo hman tawh a nih avangin tunah hian hetiang dinhmuna a din theihna turin hma lak mek a ni a ti a, Tlabung Border Trade tihpitlinna tur te, chhimtuipui khuap a, Lawngchawlhna hmun tur Akyap buatsaih mek a nih bakah kawng hrang hrangin hmasawnna tur hmachhawp tam tak a awm a, alo puitlin hunah chuan chhimlam hian hmasawnna nasa tak kan nei dawn a, sum tam tak kan Lunglei khawpuiah ngei hian a la chambang dawn a ni a ti.

Home minister chuan Mizoramin hmasawnna tur kawng a zawh chhoh mek thu sawiin, Power lama kan intodelh theihna turin hmalak a ni a ti a, Opposition Party MNF ten Mombati an sem ngawt mai kha a mak a, Zawngin a ngum khak a hmu lo ang hi a ni a ti. Power a hmalakna tura hmachhawp engmah min hnuchhiah lo a ti bawk. Power lama Congress in hma a lo lak tawhna Tuirial Hydel Project te chu Compensation avanga tithuanawpin tunah kan Sorkar chuan he hmalakna hi a tih zuihral mai hlauvin nasa takin hma a la chhunzawm a, NEEPCO lamte hna chhunzawm turin hma lak zui a ni a, hei mai hi nilovin, Tuivai Hydel Project 210Mw pe chhak thei tur pawh kalpui mek a ni a, Chhimtuipui lamah pawh Power dehchhuahna tur a hmalakna chak taka kalpuiin heng zawng zawng a kan hmalakna te hi a lopuitlin chuan Zoram hian Power ah a intodelh dawn mai ni lovin hralh chhuah tur kan nei tawh dawn a ni a ti.

Pu Zira Home Minister chuan Police chungchang sawiin kan police te hi an chhuanawm a, a chhawrtu leh enkawltuten an zir chuan tha taka hnathawk thei an ni a to a, MNF Sorkar lai a tualthahna leh inrawkna, inbumna thil thleng a mawhphurtute zawn chhuah theih loh an nih laiin, tunah chuan kan Police te chuan tualthahna chhui harsa tak tak leh inrawkna thlengin pawikhawihtu an chhui chhuak a, Bungthuam tlangval thah chung chang thlengin pawikhawihtu man a ni. Hei bakah Police te tana hmasawnna tir leh Quarter te leh Office te thlengin hmalak a nih thu a sawi bawk.

Home Minister chuan lungawilohna lantira Kawngpui (NH) dan zawnga hmalak chu Sorkarin rem a tih loh thu sawiin, hetianga hmalakna lo awm tawhte pawh bengdaih zel a ni a ti.