Power Supply mumal loh avangin nunphung a khaihlak

Tunhnaia Lunglei khawpui leh a chhehvel ruah leh thli nasatakin a nuai avangin, Lunglei khawpui ah Power Supply nihnih chhung deuh thawh a tawp a hemi avang hian nunphung a khaihlak nasa hle. Kan thu dawnna in a sawi dan chuan tunhnaia thli leh ruah nasa tak lo thleng avang k

han Lunglei khawpui chhung leh Mizoram hmun hrang hrangah Power line chhia a nasa hle a, Khawiva Power Sub Station chu a chhe bawk a, nimi lam thleng khan Deptt thawktu te chuan Power supply a awm theihna tur hian theihtawp an chhuah zel a ni.

 

Thawktute hnen atanga kan thu dawnna in a sawi dan chuan Khawiva Sub station a khawl chu tunhnaia Tek tla khan a deng chhia a, khawl part thahnem tak a chhiat avangin reilote chhunga siamthat theih a nihloh avangin Power Supply lamah Lunglei khawpui in harsatna kan tawk ta a ni an ti a, hei hi kan tih theih piah lam a nih avangin pawi kan ti tak meuh a ni an ti bawk. Hetianga Lunglei khawpui-ah Power supply a awm loh rei avang hian inbiakpawhna lamah harsatna nasatak a thleng bawka, mi tam tak Cell phone chu, Battery low vangin a hman theih loh mai bakah, Phone Signal a awm mumal theilo bawka, a bik takin Airtel phone hmangtu te phei chuan in biakpawhna lamah harsatna an tawk nasa bik a ni. Hetiang nuai hi a nih avangin mipui nunphung chu a khaihlak nasa hle a ni.