Pawisa note lem engtin nge i hriat theih ang?

Mizoramah pawh Pawisa lem man chhuah sawi tur a awm ta zeuh zeuh a. Pawisa lem thenkhat phei chu a tak ang tak takte a ni hlawmin, mi thenkhat tan phei chuan a lem nge a tak tih pawh hriat mai harsa angreng tak a ni. Pawisa lem chungchangah mipuite kan fimkhur theihna tur leh pawisa lem leh a tak kan hriat theihna tura thil pawimawh thenkhat ka hriat ang angte ka han ziak lang ve hrim hrim duh a ni

Entirnan Rs 500/- note bikah, a lai taka Rs 500/- tih inziak chu a hring a ni thin a, han lek kualin a note takah chuan Rs 500/- tih inziak chu a rawng dangin a lang thin a, a lemah chuan pawisa note han lek kual pawhin a rawng a danglam ve thei lo a ni a ti.

 

Hei bakah hian pawisa note hrang hrangin chhinchhiahna a ken a sir lama awm, (Rs 500/- note-ah chuan a bial, Rs 100/- note-ah chuan Triangle ang a awm) Identification Mark an tih chu mitdel pawhin pawisa lem leh tak an hriat hran theihna tura siam a ni a, chu chu han khawihin a takah chuan a rawn pawngchhuak deuhva, a lemah chuan a rawn pawngchhuak ve lo a ni.

Hei bakah hian a laihawl ni chiah lo, a Rs 500/- tin inziahna ding lama inrinthla awm, (Security threat) ah RBI tih inziak a atakah chuan a awm thin a, a lem thenkhatah chuan inziak a awm ngai lova, a lema inziak a awm ve pawhin Security threat chu a inzawm vek thin a, pawisa note takah chuan Security threat chu a inzawm vek ngai lo a ni a ti bawk.

Hei bakah hian pawisa lem rinhlelh chungchangah 8BP leh 6BQ tia number intan reng reng chu uluk taka chik thin a tul bawk niin helam kawnga mithiamte chuan an sawi a ni.

Hetianga pawisa lem man chhuah Mizoramah pawh a awm tak zeuh zeuh avang hian mipuite fimkhur a tul hle a. Pawisa lem hian a bik takin mirethei leh harsate nasa takin a nghawng thei a, mi rethei leh harsa inhlawhfa ten pawisa lem tih hre miah lova an hlawh lakah pawisa lem a lo tel palh a, an hman theih lovin an tan chuan Rs 500/- hloh pawh channa nasa tak a ni thin a, chu chuan nasa takin kan society-ah pawh nghawng a nei thei thin a ni.