CNN Show lar tak, Larry King Live chu kumin favang hian tihtawp a ni tawh dawn niin, he show huaihawttu Larry King-a’n a sawi. Kum 25 chuang chhuah tawh, he TV Show hi mi tam takin an ngaihlu hle a, interview 40,000 chuang neih a ni tawh a, tun hnai khan, Guinness Book of World Records pawhin mi pakhatin Interview a neih rei ber record-ah pawmin chawimawina an lo pe tawh a ni.
Kum 76 mi, Larry King chuan, a chhungte bula a hun tam zawk hman a duh tawh avangin he show hi tihtawp mai a tum tawh thu a sawi a, a thawhna, CNN pawhin hei hi an pawmpui tawh nia sawiin, he show hi titawp mah se, CNN-a a hnathawh erawh chu a la tawp dawn lo tih a sawi a, ram chhung leh khawvel huap thil lian tham engemaw a awm chuan interview hi a bika la buatsaih tho a tum thu a sawi. Larry King hian he show a neih tan atanga US President zawng zawng a la kawm kim vek a, politics-a mi pawimawhte bakah khawvel mi lar leh langsar tam tak a kawm tawh a, mipuiten thu bengvarthlak tam tak an hriat phah a ni.
No comments:
Post a Comment