96 Bn.BSF ten Hiv Screening test niminah an nei

Lunglei Aug 27, 2010:  Vawiin khan Zotlang BFS Comp ah Border Security Force te zingah HIV Screening test neih a ni. He Screening Test hi BSF Medical Section buatsaih a ni a, Civil Hospital Lunglei leh MHIP Drop-In Centre Project Manager, Migrant Project ten an puibawm a ni.
    HIV screening test neih hma hian a hawnna hun tawi buatsaih a ni a, he hun hi Dr. A.B. Das chuan kaihhruaiin, 96Bn. BSF Commandant SD. Sindhu chuan thutawi sawiin, an Rising Day an lawmna ni pahfawma HIV Screening Test buatsaih an nih thu a sawi a.  HIV lakah fimkhur a tul thu sawiin, tihdam aiin inven a that zawk thu a sawi a, zaa sawmkua 90% chu mimal tinten HIV kai lo tura invenna kawngah mahni kuta innghat a nih thu sawiin, vanduai palh thil thuin HIV chu kai ve theih tho ni mahse, chu chu 2% vel chauh a ni a ti.

    HIV chu kan ram hmelma, a niin, khawvel pawhin a buaipui a ni a, natna dang anga tihdam ve mai theih a nih loh avangin, mitin te HIV lakah hian kan fimkhurin kan do tur a ni, a ti. HIV chu nun uluk lo taka hmang zingah a hluar a, sex hman avangin HIV nasa takin a darh zel a, chuvang chuan sex hman chungchang fimkhur a tulna hrang hrang sipaite hi a hrilh bakah, HIV kai theihna chi hrang hrang pawimawh tak takte a hrilh bawk.
    Vawiina HIV Screening Test 96 Bn. BSF te buatsaihah hian sipai 130 velin Test hi an nei a ni.