Dangdai - 3

 Malaysian nu thla khat chhung Rul bawm chhungah a awm:   Malaysian nu pakhat kum 24 a upa Puteri Nur Ariyani Saiful Yazan chu Rul 100 awmna bawmah ni 30 chhung awm ve in Rul in an chuk miah lo. Tum khat erawh chu rei tak he bawm chhunga a awm avang hian nikhaw hre lovin a awm a, hospital-ah an enkawl a, a thatchhuah leh hnuah bawmah bawk chuan a lut leh a ni. Hetianga rul chuk tawk miah lova heti chen a awm theih avang hian a lawmzia thu a sawichhuak. Bawm atanga a chhuah hnu hian a lawmna entir nan King Cobra pakhat chu a luah a fawp a ni. Hmingthan duh hrim hrim avang hian mi fate hian nunna hial dah kham hian an lo va bei nasa ve le.

Kum 8 mi lek ngaihdan Internet-a buaipui a hlawh chu:      Tunlaia enternet a buaipui hlawh deuh mai pakhat chu naupang kum 8 mi lekin Mars (Hrangchhuana) chu Lei lam hnaihah a rawn kal zel a, nakin lawkah chuan Thla (Moon) tiat khian lei atangin a la hmuh theih dawn, a ti. Scientist ho chuan an ring lo khawp mai a, hetiang hian rawn hnai zel ni sela chuan a hipna avangin khawvelah thil danglam entirnan tuifawn te a siam ngei ngei ang, chutiang ang engmah a awm lo, an ti. Scientist hoten Mars ah danglamna a awm lo an ti reng lai si hian mi tam tak chuan naupang thusawi hi an buaipui tlat thung a, internet-ah a darh chuai chuai mai.
    Scienceworks planetarium thupuangtu Rohan Ashley chuan, Planet Mars chu kumtin August thla hi a en lai ber a ni thin a,  hetih hunah hian Lei hnaihah 34.65million miles a a rawn awm vang a ni, a ti. Thla tiata lang tur khawpa a rawn hnaih tur thu erawh a sawi lo.