Thalai lawm zawng

Sandra Bullock inchei awlsam in sawi a hlawh:     Universal City, California-ah Teen Choice Award an sem a, heta award dawng a Sandra Bullock kal chuan mak tih a hlawh a, a inchei dan mawlmang lutuk chu media lamah an tarlang nasa chuai chuai khawp mai. Miss Congeniality star Sandra Bullock chuan T. Shirt a ha a, kekawr dum leather a ha leh tawp a, Choice Movie Actress award chu a dawng a ni.     Sandra Bullock hian tun hnai mai khan buaina a neih thin chu court in a chin fel sak a, mi pakhat Thomas Weldon (41) chuan, a zui, a zui a, a chenna in hnaihte hian a awm reng a, message leh pangpar te a thawn a, a atchilh tlat mai a, kum 7 chhung zet hetiang hian a lo awm tawh a ni. Court chuan Weldon chu Sandra Bullock in bul hnaiah kal a phalsak ta lo a ni.

Dev Patel Maimawm hlau:      Hlauh zawng hi a inang lo thei khawp mai. Rul leh pangang hlau an tam hle a, heng thil pahnihte hlau miah lo, mi tam takin engahmah an ngaih loh hlau leh tlat te an awm. Pa pakhat chuan Aramawnghawlh a hlau ber a, kalna tur kawnglaiah a lo awm pawhin silai a ken chuan a kap pawp. Arte hlau tlat te an awm a, naute hlau te pawh an awm a sin.
    Slumdog Millionaire film a changtupa Dev Patel(20) chuan Maimawm a hlau ber. Room chhung khawilaiah pawh maimawm an awm tih a hriat tawh chuan a awm mai mai thei tlat lo. A hlauh zawng a mak hrim hrim, a tap lai miin an hmuh hi ahlau em em bawk. Heti chung hian film a en fuh tawh chuan tap pui a ching a, tum khat pawh thlawhnaah 'Brothers' film an chhuah a, Jake Gyllenhaal leh Tobey Maguire te channa a ni a, a insum tang tang nain a mittui a tla pek a, hrehawm a ti khawp mai.

Shakira hming chawiin Perfume:  Beyonce Knowles, Jennifer Lopez leh Britney Spears te hniak hnung zuiin Colombian singer Shakira chuan a hming chawiin perfume a tichhuak ve dawn a, jasmine leh sandalwood atanga siam chhuah perfume-ah chuan S a hmang dawn a ni. Kumin September thla atangin he perfume hi hralhchhuah tan a ni ang.