Inrinni chawhnu dar 1 khan Electrict veng YMA hruaitu te chuan ruihhlo dova an kal zel dan tur chung changah veng chhung NGO hrang hrang te leh Kohhran hrang hrang te, VC member te Electirc veng Community Hall ah ko khawmin hma lak zel dan tur an sawi ho. He meeting a kal te chuan YMA in ruihhlo do kawng a hma an la chu tha an tih thu an sawi a, ruihhlo dona kawng a an hmalak zelna tur a tan tanpuina sum fai pawh an hlan nghal bawk a ni.YMA ten ruihhlo an dona kawngah hian anmahni tanpui nan inrinni khan MHIP Branch Electic veng ten Rs 2000/-, MUP Unit ten Rs 1000, VC ten Rs 1000/- an hlan nghal a ni.
Heng bakah hian, Mimal tlawmngai te leh BCM ten Rs 3000/- leh TKP ten Rs 1000/- an lo pe tawh bawk. YMA ruihhlo dona kawng a an hmalakna a tan hian nimin thleng khan NGO leh Kohhran bakah mimal tlawmngai te hnen atangin Rs 10,100/- a lut tawh a ni. Electirc veng YMA te hian kum in April atang a tun thla ni 10 thleng khan Parvon Spas mum 14800 man tawhin heng te hi tualchhung rate a chhut chuan Rs 4,93,333/- man hu zet niin an tarlang a, Rakzu 580 lit man tawhin tualchhung rate anga chhut chuan Rs 1,16,025/- man hu nia tarlan a ni a, Sapzu 18 Botl,Rs 14, 400/- man hu leh leh Ganza 10.250 kg, Rs 30,600/- man hu lai man a nih tawh thu an tarlang bawk. Heng an thil man zawng zawng hi tualchhung rate anga chhutin Rs nuai 9,01,025/- man hu zet a nih tawh thu an tarlang bawk a ni.
Subscribe to:
Post Comments (Atom)
No comments:
Post a Comment