Lunglei khawpui chhungah thing lian sa phun turin hmalak tum mek a ni

    Inrinni chawhnu dar 1 khan Conservator of Forest chuan Lunglawn Forest Check Gate bula an Compound chhungah India ramin Zalenna a hmuh Champha vawi 63 na pualin thing an phun. He an thingphun hi Tei thing niin, Fet 8 vel a sang a ni a, Thing phuntu Pu Suanzalang IFS, CF , Southern Circle chuan thing te tak te te phun lova thing lian sa phun hi Technology thar a nih thu te, Urban Foresty Scheme hnuai ah Lunglei khawpui chhung hmun hrang hrang ah thing lian sa phun a hmalak tum a nih thu a sawi a, Thinglian sa phun hian hun rei lo te ah a pui tlin theih avangin a hlawk em em a ni a ti a, Seedling ai ah Planting hi uar chhoh zel an tum thu a sawi bawk.

    Inrinni a Conservator of Forest ten thing an phun ah CF hian tun hnu a thing an phun turah pawh chhen fakawm chin phun zel an tum thu te, Lunglei khawpui hi hring nuam tak leh boruak thianghlim tak a,a awm theih nan tan an la mek tih thu a sawi bawk. Independence Day vawi 64na pual a Ceremonial Tree Planting ah hian Pu Kawlhnuna DFO Lunglei leh Forest & Environment satff thahnem tak an tel a ni.