Vawiin khan MJA te chuan YMA Sub-hqrs. hnuaia din SADS tanpuina Rs. 2000/- hlanna hun an hmang. He hun hi Pu K. Lalrinpuia MJA President-in kaihruaiin, Pu Lalrinchhana Fin. Secy. MJA chuan he pawisa hlanna hun hi a hmang.
Pu Lalrintluanga Khiangte MJA V/P chuan thusawiin, hetiang anga SADS ten ruihhlo dona lama hma an la hi lawmawm a tih thu leh mipui support-na a pawimawh zia sawiin, hmasawn tur chuan mipui support-na hi a pawimawh hle a ni a ti a. Duh angin tanpuina sum a lut chak lo hle niin a sawi a, heng kawngah pawh hian tun aia kan inphal zau a pawimawh thu a sawi a, ruahmanna leh kalphung fel tak neia kal a tul thu a sawi bawk.
Pu R. Chhuanvawra SADS Convener pawhin thusawiin, mipui hnen atang hian tanpuina sum an la dil loh thu sawiin, hetiang ang tanpuina an dawng thei hi lawmawm a tih thu a sawi bakah, an naute fimkhur na kawngah nasa taka an infuih thin thu a sawi. YMA Sub-Hqrs. President Pu P. Lalhmangaihzuala pawhin thusawiin, MJA te nen a, an thawhhona a thatzia thu sawiin, sum mimal leh pawl anga an pek pawh tangkai taka hman a nih tur thu a sawi bawk. Hetianga hmalakna te pawh a hlawhtling chho zel a ni a ti bawk. Hetianga chak taka SADS ten hma an la hi lawmawm a tih thu sawiin, mipui tana thawk an nih angin, tha taka thawk chho zel turin SADS member te a chah bawk a ni. YMA Sub-Hqrs. Secretary Pu Lalfakzuala pawhin, mipui lamin an hnathawhte hriatthiamna nasa tak nen hma an lak pui a ngaihthu sawiin, thuneitu lam atanga support-na an dawn thatzia a sawi bawk a, hei bakah hian Squad memberte hnenah lawmthu YMA Sub-Hqrs. hmingin an sawi tak meuh meuh a ni ti bawk.Pu Lalrintluanga Khiangte MJA V/P chuan thusawiin, hetiang anga SADS ten ruihhlo dona lama hma an la hi lawmawm a tih thu leh mipui support-na a pawimawh zia sawiin, hmasawn tur chuan mipui support-na hi a pawimawh hle a ni a ti a. Duh angin tanpuina sum a lut chak lo hle niin a sawi a, heng kawngah pawh hian tun aia kan inphal zau a pawimawh thu a sawi a, ruahmanna leh kalphung fel tak neia kal a tul thu a sawi bawk.
An Commander PC. Biakthanmawia’n SADS (L) an hmalakna Reports pe-in, ni 28.7.2010 atanga Duty tan tawhin, tunah hian mi 36 man an ni tawh a, mi 7 te chu thuneitu te hnenah hlan an nih thu a sawi bawk.
Hei bakah hian, Parvon Spas, mum 28,110, Proxyvon mum 156, Nitrosun 58, Ganja fun 8, Alprozolum mum 3, Zu (IMFL) um 46, Zu (Local) um 60 leh Spas Proxyvon mum 16 an man tawh a, an man zawng zawng hi Rs. 9,92,950/- man hu a ni tawh a ni. Tunah hian Parvon Spas hi Lunglei Local Rate-ah mum 2 Rs. 100/- hralh chhuah a nih thu a report nghal bawk a ni. SADS member te hian an hna hi Pathian kohna a an ngaihthu a sawi bawk.
No comments:
Post a Comment