Bollywood star mipa zingah hian Big B an tih mai Amitabh Bachchan hnu a, ropui ber chu Shah Rukh Khan hi a nih a rinawm. A film chan tawh reng reng hit lo a awm mang lo. Hmeichhiaten an duh rawn, mipa ho nen lama ngaisangtu ngah em em a ni a, a khawlai mi vak lo thung a, inchhungkhur ngai pawimawh em em mai a ni a; tunhnaia chanchinbu hovin an kawmnaah a nupui leh fate a hmangaih thu leh an bula chen nuam a tih thu a sawi a, a nupui Gauri Khan chu ni khat pawh a mangnghilh ngai lo niin a sawi. Nupui fanau tha tak mai Pathianin min pek avang hian lawmthu ka sawi thin a, ka eizawnna lama hlawhtlinna ai hian chhungkaw hlawhtling neih hi ka ngaih pawimawh zawka chu a ni, a ti.
Hollywood mi lar ho khu chu an inneih pawhin an daih rei ngai lova, reilo te te innei a, inthen leh mai mai hi thil kalphung pangngai emaw an ti tawh hial zawkin a lang. Shah Rukh Khan te nupa hi chu kum 20 dawn an innei tawh a, inthen lam rim a la nam loh mai bakah nupa inkawmngeih leh induh tak an ni.
No comments:
Post a Comment