K. Lalawmpuia 2nd Bn. MAP KM 15 intlansiakah pakhatna: Nimin zing dar 6:30 khan YMA Sub-hqrs. Lunglei leh Assam Rifle buatsaih, Marathon Race Competition neih chu zawh fel a ni ta a, he intlansiak-ah hian 15km tlan a ni a, pakhatna K. Lalawmpuia 2nd Bn. MAP, Venghlun niin, pahnihna CC. Sahu Assam Rifle niin, pathumna Lalhmingmawia Venghlun te an ni.
Nimin zinga intlansiak hi Pu P. Lalhmangaihzuala YMA Sub-Hqrs President-in a vai liam a, mi 39 te Starting point atang hian tlan chhuakin a thleng thei chu mi 29 an ni. September thla a Aizawl-a ‘Open Marathon Race’ an neih turah Lunglei District aiawhin heta tlan tha 15 chinte an kal ang a, Lawngtlai leh Saiha atangin an lo kal bawk ang a, an vaiin mi 30 vel Aizawlah hian an kal dawn a ni. Mizoram pum Open Marathon Race neih tura Chhim lam atanga kal turte hian, September ni 1-ah Aizawl panin an kal ang.
Nimin zinga intlansiak hi Pu P. Lalhmangaihzuala YMA Sub-Hqrs President-in a vai liam a, mi 39 te Starting point atang hian tlan chhuakin a thleng thei chu mi 29 an ni. September thla a Aizawl-a ‘Open Marathon Race’ an neih turah Lunglei District aiawhin heta tlan tha 15 chinte an kal ang a, Lawngtlai leh Saiha atangin an lo kal bawk ang a, an vaiin mi 30 vel Aizawlah hian an kal dawn a ni. Mizoram pum Open Marathon Race neih tura Chhim lam atanga kal turte hian, September ni 1-ah Aizawl panin an kal ang.
Quiz-ah BHSS zirlai naupangte’n pakhatna an hauh: MSU Regional Hqrs. Lunglei buatsaih Inter Post Matric Quiz Competition Saikuti Hall-a nimina neih chu zawh fel nghal a ni a. Nimina Quiz Competition an neihah hian Quiz Master-ah Pu Lalmuanzuala Editor, The Lunglei Tribune hman a ni a. General Knowledge, Sports, Music, Abbreviation, Books & Authors, Science & IT, History (World) leh Currency-ah te inelna an nei a ni.
Zirna In sawm atanga intihsiak zingah Baptist Higher Secondary School Serkawn chu a pumpuiah pakhatna niin, point 110 an hmu a, Pahnihna Govt. J. Buana College niin point 80 an hmu a, Pathumna Govt. Higher Secondary School chuan point 70 an hmu a ni. Hetiang hian lawmman an dawng. Pakhatna hian Rs 5000/-, Pahnihna Rs 3000/- pathumna Rs 2000/-Anni bakah hian he Quiz Competition-a tel zawng zawng lawmman dawng pha ve lote hian Participation Prize Rs 500/- theuh an dawng bawk.
Zirna In sawm atanga intihsiak zingah Baptist Higher Secondary School Serkawn chu a pumpuiah pakhatna niin, point 110 an hmu a, Pahnihna Govt. J. Buana College niin point 80 an hmu a, Pathumna Govt. Higher Secondary School chuan point 70 an hmu a ni. Hetiang hian lawmman an dawng. Pakhatna hian Rs 5000/-, Pahnihna Rs 3000/- pathumna Rs 2000/-Anni bakah hian he Quiz Competition-a tel zawng zawng lawmman dawng pha ve lote hian Participation Prize Rs 500/- theuh an dawng bawk.
Pu. Lal Thanhawla CM vawiinah Lunglei lo lut dawn: Vawiin chawhnu dar 2:40 hian Pu Lal Thanhawla Chief Minister chuan Lunglei a lo lut dawn a, Congress Party hruaituten Circuit House-ah an lo hmuak ang. Vawiin tlai dar 3:30-a Saikuti Hall-ah Puanthui Khawl sem Programme neih tur a hmanpui ang a, he mi hnu hian Agriculture Confenrece Hall cum Rest House tur Lung a phum ang.
Naktuk dar 10:30 hian The Leprosy Mission-in Silver Jubilee an lawmna Programme an hman turah khuallian niin a hmanpui ang a, tlai dar 2:00-ah DC Confenrece Hall-ah HPC Meeting a ho hian neih a ni ang. Hei bakah hian naktuk Inrinni chhun dar 12:30 leh dar 2:00 inkar hian Congress Bawan-ah thu a sawi dawn a, a thusawi ngaithla tur hian Congress party mi leh sa zawng zawngte kal theuh turin an inhriattir a ni.
Chief Minister Pu Lal Thanhawla rawn zui tu turte hi, Pu JH. Rothuama Minister, Pu Zodintluanga Minister, Pu S. Laldingliana Parliamentary Secretary, Pu TT. Zothansanga Parliamentary Secretary leh Pu K. Lianzuala MLA Chairman MIFCO te an ni ang.
Naktuk dar 10:30 hian The Leprosy Mission-in Silver Jubilee an lawmna Programme an hman turah khuallian niin a hmanpui ang a, tlai dar 2:00-ah DC Confenrece Hall-ah HPC Meeting a ho hian neih a ni ang. Hei bakah hian naktuk Inrinni chhun dar 12:30 leh dar 2:00 inkar hian Congress Bawan-ah thu a sawi dawn a, a thusawi ngaithla tur hian Congress party mi leh sa zawng zawngte kal theuh turin an inhriattir a ni.
Chief Minister Pu Lal Thanhawla rawn zui tu turte hi, Pu JH. Rothuama Minister, Pu Zodintluanga Minister, Pu S. Laldingliana Parliamentary Secretary, Pu TT. Zothansanga Parliamentary Secretary leh Pu K. Lianzuala MLA Chairman MIFCO te an ni ang.
BCA Top- 10 a langte MSU in an chawimawi: MSU Regional Hqrs. Lunglei chuan nimin khan tunhnaia result tihchhuah tak, BCA Top ten Lunglei atanga langte chawimawina hun an hmang a. H. Lalruatkima (Topper) S/o H. Lalbiaksanga, Venglai chu Rs 1000/- leh Citation an hlan a, midang Vanlalrempuii (4th position) D/o PT. Vanlalsiama, Serkawn, HC. Lalrinsanga (5th position) S/o H. Lalthanvawra Electric Veng leh Lalhmingliani Fanai (7th position) D/o F. Lalzarmawia, Lunglawn te chu Rs 500/- theuh leh Citation an hlan vek a ni. Heng zirlai titha chawimawina hlan takte hi HATIM zirlaite vek an ni.
YMA Pandal tur peih ta: YMA General Conference neihna tur atana Pandal Steel Structure tur pawh siam peih a ni ta a, Steel Structure thar hi Rs 6,60,650 senga siam a ni a, a hma lamin Steel Structure thenkhat lo siam tir tawh a ni bawk. YMA Gen. Conference Pandal hi Sept. ni 1 atangin sak tan a ni dawn a, a dung Feet 180, a vang feet 110 a lianin sak a ni dawn a ni. A hming Leitlangpui Run a ni ang.
Thisen pe dawn: Vawiin chawhma dar 10:00 hian Govt. Leitlangpui Higher Secondary School NSS chuan Christian Hospital Serkawna dam lo mang angte hman atan Thisen an pe dawn a, he thisen pek runpui an School Hall-a neih turah hian Govt. Leitlangpui Higher Secondary School-a lo kal tawh zawng zawng te pawh thisen pe thei an awm a nih chuan an sawm vek a, tawiawm turin an ngen bawk.
Anthurium chingtute kal: Nimin khan Lunglei khawpui chhunga Anthurium chingte Horticulture Office-ah koh khawm an ni a, hetah hian mi 36 an kal. He hunah hian ADHO Pu Lalhmingmawia hovin, Anthurium chingte hian Training an nei a, Zohnuai leh Pukpuia pangpar chingtute an tlawh nghal bawk.
No comments:
Post a Comment