Case 216 register-ah Case 184 Chargesheet tawh “Police te hman theih, koh theihin kan awm reng tur a ni”- Lallianmawia MPS, S.P Lunglei

 Nimin chawhma dar 10:00 a.m khan Lunglei S.P Office Chamber-ah District Crime Conference S.P Lallianmawia MPS kaihhruainain neih a ni a, Lunglei District chhunga Case dinhmun hrang hrangte bakah Pending Case te chinfel thuai dan tur leh Police ten Discipline tha zawk an neih theih dan tur sawi ho a ni.
    He Crime Conference neiha Lunglei District Crime rate dinhmun, January ni 18 - August ni 18 , 2010 thleng chu hetiang hi a ni. Hemi hunchhung hian Case Register 216 a ni a, heng zinga Case 184 te hi Chargesheet a ni tawh. Case Chargesheet/Disposed percentage hi 85% a ni. Case chinfel tawh submit zat hi Case 6 a ni a, 3% a ni. Case Register zingah la chinfel lo pending Investigation hi case 26 a awm a, hei hi 12% a ni.

    MLTP Act hnuaiah Case 23 register a ni a, heng zingah hian Rum bottle 208, Whiskey 20 bottles, local zu 380 litres leh zu bilh lai tin 4 man a ni a, mihring 28 case siam sak an ni. Tin, Damdawi Assam Drogs Control Act hnuaiah case 39 siam a ni a, Proxyvon 1825, Parvon Spas mum 32659 leh Nitrozepum mum 400 manin, mi 41 he thubuaiah hian man an ni bawk.
    ND&PS hnuaiah Case 2 siam a ni a, Diazepum mum 815 leh Cannabis (Ganja) 11.59 Kgs man a ni a. Mi pahnih case siam sak an ni bawk.
    Lunglei Traffic Police ten thahnem ngai taka an hnathawhna avangin lirthei khalhtu dan bawhchhia hrang hrang hnen atangin sawrkara Revenue an chhunluhte chu four wheeler 365 manin Rs 85,900/- chawi tir a ni. Three Wheeler 265 man atangin Rs 65,535/- chawitir a ni. Two Wheeler 287 man atangin Rs 64,060/- chawi tir a ni bawk. Lirthei dan bawhchhia an man zawng zawng hi 917 a ni a, heng an mante atanga pawisa an hmuh zawng zawng chu Rs 2,15,495/- lai a tling a ni.
    He Crime Conference-a sawi lan, Lunglei District chhungah Rukruk leh inrawkna lo pung viauin lang mahse, Police leh khawtlang tan hona avangin Lunglei District chhungah ruk ruk Case Register 67 ah Case 61 hmuhchhuah/solve a ni a. Inrawkna/Burglary case register 41-ah 28 case hmuhchhuahy/solve a ni bawk. Tin, Case lian tham tualthah thubuai 2 siam niin chhuichhuah a chargesheet a ni. Tin, mi thilruk lo lei chhawngtu mi 7 case siamsak niin chargesheet a ni bawk.
    Heng tarlan tak, Crime hrang hrang te thlir hona neih a nih hnuin an mahni Jurisdiction theuha Case Investigation chungchangah te leh ruihhlo do chungchangah te chak zawka theihtawp chhuah theuh turin S.P chuan O.C te leh Police Officer te a chah a. Mipui rawngbawltu an nih hre reng a, thahnem ngai tak, inngaitlawm tak, huaisen leh chhel tak sia thawk turin S.P chuan Officer-te a ngen a. A mamawhtute tan hman theih, koh theih renga awm tur a nih thu leh mitin tana thlamuanpui awm nih tum theuh turin a fuih bawk.