SADS ten ruih hlo man leh ta: SADS te chuan Lalhriatpuia (20) S/o C. Vanneihsanga Dawn hnen atangin Parvon Spas box 13 (mum 2600) leh Lalawmpuia (22) S/o Laldintluangi Ramthar hnen atangin Parvon Spas vek, box 9 (mum 1800) an man sak leh ta a. Heng ruihhlo an mante hi Dt. 14.8.2010 khan Sumo in Aizawl atanga rawn phurh phei a ni a. Dt.17.8. 2010 tlai khan an thuhrukna atanga phawrhin man sak an ni ta a ni. Tunlai hian Lungleiah Ruihhlo a vang ta hle a. A rate pawh a sang tawh hle. SADS te ruihhlo an mante hi tualchhung rate anga chhut chuan Rs 2, 20,000/- man hu lai a ni. Heng mite hi an thil man nen Escise & Narcotic Department hnenah an hlan nghal a ni.
Inter Post Matric Football tourney-ah Zirna In 9 atangin tel dawn: Nimin chawhnu dar 1: 30 khan MZP Office-ah MZP buatsaih Inter Post Matric Football tournament August ni 23 atanga khelh tan tur atan Tie draw neih a ni a. Hetah hian tel turin Zirna In 9 atangin hming an pe lut a ni. Team 9 te hi Group thum, A, B, C ah then a ni a, Group- A-ah Zobawk HSS, School of Vetenary Science leh DIET te an awm a. Group- B-ah Govt. J.B. College, Letlang HSS leh DM HSS te an awm a, Group- C-ah Lunglei Govt. College, Mizoram Polytechnic leh KT. HSS te an awm a ni. Group League-a khelh tur a ni ang a, Group Champion te leh Runner-a khel tha ber ten Semi Final an lut dawn a ni.
Inter Post Matric Football tournament hawnna hun hi August ni 23, chawhma dar 9: 30 hian Thuamluaia mualah neih a ni dawn a, khuallian Pu. Joseph Lalhimpuia Vice Chairman, HPC in a hawng dawn a ni. Hemi hnu hian inkhel hmasa ber turte puan a ni ang a, zing dar 10: 30-ah inkhel tan a ni ang.
Inter Post Matric Football tournament hawnna hun hi August ni 23, chawhma dar 9: 30 hian Thuamluaia mualah neih a ni dawn a, khuallian Pu. Joseph Lalhimpuia Vice Chairman, HPC in a hawng dawn a ni. Hemi hnu hian inkhel hmasa ber turte puan a ni ang a, zing dar 10: 30-ah inkhel tan a ni ang.
MSU buatsaih Inter Post Matric Quiz Competition vawiinah nei ang: MSU Regional Hqrs. Lunglei chuan Inter Post Matric Quiz Competition a buatsaih chu vawiin chawhma dar 10:00 atang hian an neih tan dawn a, a hawnna hun tawi Saikuti Hall-ah neih a ni ang. He Quiz Competition-ah hian, BHSS Serkawn, GHSS, Leitlangpui GHSS, KT HSS, Public HSS, HATIM, Govt. J.B College, Lunglei Govt. College leh Mizoram Polytechnic Lunglei te an tel dawn a ni. Vawiin hian zawh fel nghal vek tur a ni dawn a, Quiz Master hi Pu. Lalmuanzuala, Editor The Lunglei Tribune a ni ang.
No comments:
Post a Comment