Zirna a in pe pumhlum vek thei lo, Lalropuii Pachuau

Zaithiam ve ve CR-i leh RP-i te hian
thla min lakpui an chak tlat a!

    Lalropuii Pachuau chuan, Doordarshan kum 50 tlin lawmna Aizawl concert-ah zai tura sawm a nih angin kar kalta khan a va zai a, heta a hla sak ‘Khuamawii’ chu ngaithla apiangin ngaihnawm an ti. He hla hi Sailothangi Sailo in Saikuti hla a lo lar pui em em thin te, F. Laldinmawii’n ‘Lung a leng em mai’ hla a lar pui phuahtu F. Lalthanliana phuah bawk a ni leh a; rimawi lama mi ril tak pakhat Aizawl a miin Lunglei Times a hrilh danin, Khuamawii chu hla lar tak a ni chho ngei dawnah a ngai a, Lalropuii hian a lar zualpui leh ngei turah a ngai.

    Lalropuii Pachuau hi kar kalta zirtawp zan khan Tlungvel YMA in concert an huaihawtah a zai a, a zirna lama hun tam tak a hmang chungin programme a tam a, tih loh hleih theih loh a awm thin a, zirna lamah a inpe pumhlum thei bik lo. RPI hian a hmachhawp awmte Lunglei Times a hrilh danin, T. Melody ho hla sak lar tak tak phuahtuin collection a siam dawn a, hetah hian hla sa tura tih a nih angin a sa ve dawn a, Mapuii Fanai hlaphuahte thunkhawmna musivideo siam turah pawh hla sa ve tura tih a nih angin a in buatsaih mek thu a sawi a, chhungkaw pahnihin an chhungkaw zinga awm loh san ta te puala an hlaphuah sa tura an tih angin a sa dawn a, musicvideo pawh siam nghal tur a ni bawk, a ti.
    RPI hian Computer Class kalin zai tura sawmna a hmuh tam takte leh programme chi hrang hrang a neihte a ti lo turin a a pha nasa hle nain loh theih loh a awm leh thin a, tunah pawh a hmachhawp tam takte hi tun thla ni 20 bawr velah chuan tih zawh theih duak a in beisei a, ‘Ka thianten class an chawl chuang lova, an kal reng a, min kalsan thui viau tawh maithei a ni’ tiin zirna a ngaih pawimawh thu a sawi.