Khawvel puma hmeichhe inchei thiam berah Alexa Chung an thlang

Teen Vogue magazine in kumina khawvel puma hmeichhe inchei thiam thlanna a buatsaihah chuan Agyness Deyn, Katy Perry leh Kristen Stewart lehpal vekin Alexa Chung chu inchei thiam berah thlan a ni. A mah hi TV presenter leh model a ni a, DKNY Jeans leh Pepe Jeans ten an thawmhnaw siam fak lartu a tana an hman mek a ni a, tunhnaiah magazines lar tak tak Vogue leh Harper's Bazaar ten cover girl a tana an hman a ni.

Alexa hi kum 27 mi a ni tawh a, hetia inchei thiam bera thlan a ni hi a chhuanawm khawp mai a, thawmhnaw man to tak tak inbel mi a ni lova, a mah chuan pitar ang mai nia a in hriat changte pawh a awm thin. Thawmhnaw man to tak tak £5,000 man ang chite ai chuan han en a, danglam vak lo, nalh ve tak £5 man lek, second hand ang chite chu a duh zawk. Hetiang mi ni a, a incheina man tam lo mahsela, a thawmhnaw inbel tur a thlang thiam a, a inhmeh thin em avangin khawvela inchei thiam berah an thlang ta nawlh mai a ni.
Carey Mulligan, Emma Roberts, Rachel Bilson, Taylor Swift, Olivia Palermo te ho chu top 10 a lang phak an ni a, tunhnaia eng ti ti emaw a lar em em Kelly Osbourne chu 25na a ni daih. Rihanna phei chu 40 na. Harry Potter star Emma Watson chu 16na.