Manchester United lakah Gunners laipui mu atlawlh leh ta

He inkhel hrim hrimah hian United lam hian game an thunun zawk hle a. A pumpui thuah United hian 51% ball an chan laiin Arsenal hian 49% an chang ve thung a. Goal zawnah tum 10 zet United-in shoot an nei a, Arsenal hian tum 6 neiin, United hian Corner tum 5 an hmuh laiin Arsenal hian tum 4 an hmu ve thung a ni.
Manchester United tan hian Park Ji Sung chuan minute 41 naah mawi zetin a head goal a, hei bakah hian goal thun theihna chance tha tak tak an hloh mai piah lamah tun season-a goal thun thei lo tak Rooney chuan Penalty an hlawhchhuah pawh goal-ah chantir zo lovin a pet over luah a ni. Hun chanve hnu lamah hian Arsenal hian an si phurh sut tumin an nawr na angreng hle a. Mahse, goal an thun theih tak loh avangin United hian 1 - 0 in hnehna hi an chang ta a ni.

Hemi chungchangah hian Arsenal boss Wenger chuan Old Trafford a an chakoh hi an inkhelhna mual vang niin a sawi a, fans huhang kha chu a na em em a, chumai bakah pitch kha a chhia a ni a ti.Technical quality a chhia a, lehlam lelam atang khan tihsual a tam hle niin a sawi bawk.
Hetihlai hian Man. Utd manager Sir Alex Ferguson chuan a team te hi a fak hle a, “kan chet danin hma kan sawn zel a, defence lamah erawh tan kan lak deuh chu a ngai a ni a ti. Ferguson hian Park Ji Sung chu a fak hle bawk. Park hian Arsenal an lo hmachhawn tawha a goal thun tawhte nen Gunners lamah hian tum 4 zet goal a thun tling ta a ni.
Ti hian Manchester United hian tum 16 khelhah point 34 hmuin hma an hruai mek a, Arsenal thung hian tum 17 khelh tawhah point 32 hmuin 2-na dinhmun an luah ve mek bawk.
 Tunkar Pathian lo thleng leh turah hian BPL-a match pawimawh leh hmuhnawm em em tur khelh leh a ni dawn a, Champion tura intlansiak ve ve Chelsea chuan Manchester United hi an lo mikhual dawn a ni.