Brazil atanga rawn chawr chhuak, Europe-ah par chuang a, tum hnih lai World Footballer of the year a thlan lo ni tawh Ronaldinho(30) chuan a pianna ram a pan leh ta. Flamengo Club-ah kum 2014 thlenga khel turin contract a ziak a; sum engzat chiah nge an puang lo nain Premier club Blackburn Rovers in kum thum chhung a tan pound maktaduai 20 thehchhuah an in huam a hnawl avangin heta tang hian a man tur awm ang zat chu a rin theih mai awm e.
Inter Milan-ah hian thla 6 chhung contract a ziak sa a la awm chunga a chhuak ta hi a chhan lian ber chu Barcelona-a a vanglai ang kha a phak tawh lova, chuvangin starting line-up zingah a tel phak tawh lova, a ui chunag thut changh a tam tak vang ni berin a lang.
Brazil Club Gremio ah kum 18 mi lek a nih laia khel tawhin heta tang hian Europe lamah a lut a, kum 2001-ah Paris St. Germain in an lachhuak a, kum hnih a awm hnuah Barcelona-ah a lut leh a, hetah hian a vanglai hun chu a hmang a tih theih ang. A ho hian kum 2005 khan la liga-ah an champion a, kum 2006-ah phei chuan league leh Champions League-ah te an champion kawp. Kum 2008-ah Manchester City in lakluh ngei tumin an bei a, a mahin a duh lova, Inter Milan lamah zawk a lut a, Barcelona vanglai ang kha a ni thei tawh si lova, Ibrahimovich leh Robinho te an lakluh belh hnuah lek phei chuan, a pawimawh nep ta hle a, an ram tan pawh a khel phak ta lo zel a, kar kalta khan Sampdoria atangin Antonio Cassano chu Milan hian a lalut thar leh zel a, he club-ah hian a tan hmun a awm lova, a chep tial tial a, a chhuahsan ta a ni.
No comments:
Post a Comment